Sahel  
ur-t laq ara tatut; tajmilt i Muḥya akw d ǧaεuṭ Taher.... que la terre leur soit légère

Précédent   Sahel > Crif xeddam, Ferḥat, Lunis, lwennas et Muḥya > Lunis Ait Menguellet

Lunis Ait Menguellet Amedaḥ

Discussion fermée
 
Outils de la discussion Modes d'affichage
  #1  
Vieux 06/06/2011, 19h52
Avatar de Icerfan
Icerfan Icerfan est déconnecté
Werisem
 
Date d'inscription: mai 2011
Messages: 2 017
Par défaut Yennad umγaṛ

Innid a yamγaṛ


Acimi tselb dunit
ṣwab i γelbit leγlaḍ ?
anida tḥebs twaγit
ma neqn irgazen wiyaḍ ?
i bedel ulla d-igenni
nnan-t-id wid i cefun,
a yamγaṛ ak nesteqsi :
d-ac(u) aka i l-ad-yettnulfun ?

nettwali zman k(ra) ig bna
ihud ur d-yegwri later,
nebweḍ almi ayen yellan yelha
nnan-aγ-d : « ğğtett yexseṛ »,
i baned lεib yeflali
i leqder a d-as rennun,
a yamγaṛ ak nesteqsi :
d-ac(u) aka i l-ad-yettnulfun ?

lḥeq yellan zik iṛuḥ
lbaṭel i zedγ amkan-is,
wisen ma yegwra-d dges ṛuḥ
naγ yeqimeγ-d ala isem-is ?
lḥeq amek ar a yilli
ma ḥkemneγ wid it yettun ?
a yamγaṛ ak nesteqsi :
d-ac(u) aka i l-ad-yettnulfun ?

i wmeγbun a d-yeččektin
amek ar a yeqabel dunit ?
wid yesεan ur tettwalin
mkul yiwen zhu-s yebwit,
wi fehmen la yettwali
i smuhnit ka d-iḍeṛun,
a yamγaṛ ak nesteqsi :
d-ac(u) aka i l-ad-yettnulfun ?

tayri-nneγ i ḥuzatt zman
lbenna-nni n zik temut,
teksaγ-tt zyada b-urfan
ulla d-abrid-is nettut,
asa mi s-nefhem tikli
nuγal seg wid yettargun,
a yamγaṛ ak nesteqsi :
d-ac(u) aka i l-ad-yettnulfun ?

teğğayeγ tezmert-nni
is ar a nbedel lecγal,
win meẓiyen yettwali
amzun ur yefhim timsal,
yettak azal d ttmuγli
i widak it yettγuṛun,
a yamγaṛ ak nesteqsi :
d-ac(u) aka i l-ad-yettnulfun ?

kul ma nesired a nales
kul ma d-tas lehna a nennaγ,
amek ar a d-ak d-iḥeses
win tḥuza tarda b-wallaγ ?
yezga-d nebεid yettwali
yettaran wid yettγunfun,
a yamγaṛ ak nesteqsi :
d-ac(u) aka i l-ad-yettnulfun ?


Transcription : Icerfan
Modif’s : le 30.12.10
  #2  
Vieux 06/06/2011, 19h53
Avatar de Icerfan
Icerfan Icerfan est déconnecté
Werisem
 
Date d'inscription: mai 2011
Messages: 2 017
Par défaut

Yennad umγaṛ


Amγaṛ azemni
mi t-id nesteqsa,
d-acu aγ d-yinni ?
d-acu i d-aγ d-yenna ?

yennad : « ayen yeḍṛan,
γas aken niḍen,
yeḍṛa-d zik yakan,
ur tesaεd d-ac(u) i d-yenulfan…
»

iseqf igeni
iγum-d lqaεa,
la-tt-id yettwali
seg was mi tella,
yettwali-d usan
ig bnan leqṛun,
yeẓṛa-d ayen iḍṛan
d-wayen d-iḍeṛun,
yeẓṛa-d irgazen,
mi neqen wiyeḍ,
wigad i γelṭen
mi kemlen di leγlaḍ,

ayen a d-iḍeṛun
γas aken niḍen,
yeḍṛa-d zik yakan
ur tesεaḍ d-ac(u) i d-yenulfan…


zman k(ra) ig bna
zman i hudit,
ayen yellan yelha
yettuγal dirit,
ayen yellan dirit
yettuγal yelha,
tetezi dunit
tettak nuba,
«xelḍitt a-tt-ṣfu...»,
aka i d-qaren,
«d-ayen ur nettrağğu
i d-yettifririn...
»,

ayen a d-iḍeṛun
γas aken niḍen,
yeḍṛa-d zik yakan
ur tesεaḍ d-ac(u) i d-yenulfan…


lḥeq d-awal kan
d-arbib n tmara,
acḥal it yebγan
ur tufin-ara,
lbaṭel d-aqdim
yis tebna dunit,
γuṛwen mi d-yeqim
lxuf yeceččit,
yis ig ttimγuṛ
win yebγan temγweṛ,
m-ig zmer a kwen iḍuṛ
a wen d-iban yeẓweṛ,

ayen a d-iḍeṛun
γas aken niḍen,
yeḍṛa-d zik yakan
ur tesεaḍ d-ac(u) i d-yenulfan…


amaγbun meskin
ixeṛb-as yiḍes,
lḥif t-iseγlin
yezuzf-as iγes,
wi rebḥen meskin
bezef ig kseb,
s-lerbaḥ is yezin
yegwad ad yesleb,
wi fehmen meskin
yexṛeb wallaγ-is,
wid it yettwallin
wehmen di suq-is,

ayen a d-iḍeṛun
γas aken niḍen,
yeḍṛa-d zik yakan
ur tesεaḍ d-ac(u) i d-yenulfan…


i tecbeḥ tayri
γeṛ win meẓiyen,
netta a-tt-yettwali
s tmuγli niḍen,
tettrağğu a-tt-bedel
tmuγli ar γuṛes,
temẓi tederγel
tayri truḥ tuyes,
m-ig uγal muqweṛ
yettnadi fellas,
yesarem a-tt-iẓeṛ
ur d-yegwri layas,

ayen a d-iḍeṛun
γas aken niḍen,
yeḍṛa-d zik yakan
ur tesεaḍ d-ac(u) i d-yenulfan…


tazmart mi tella
tamusni ullac-itt,
tamusni mi d-tejba
tazmert tfat-itt,
leγlaḍ n-temẓi
yesendan temγweṛ,
yella wa (a)d yilli
ullamek awexxeṛ,
wi ctaqen lehna
ur yufi lat(e)r-is,
win tt-isεan d-ayla
ur yeẓṛ(i) azal-is,

ayen a d-iḍeṛun
γas aken niḍen,
yeḍṛa-d zik yakan
ur tesεaḍ d-ac(u) i d-yenulfan…


aman zedigen
yisen a tsirdeḍ,
aman ad amsen
kečč a tizdigeḍ,
tesamasm i wid
i wen ibγan tezdeg,
tefsim-as lqid
i wi llan yezleg,
acimi tebγam
a-tt-fehmem temsal ?
qimet aka tellam
a wen gerzen lecγal…

ayen a d-iḍeṛun
γas aken niḍen,
yeḍṛa-d zik yakan
ur tesεaḍ d-ac(u) i d-yenulfan…



Transcription : Icerfan
Modif’s : le 30.12.10
  #3  
Vieux 06/06/2011, 19h54
Avatar de Icerfan
Icerfan Icerfan est déconnecté
Werisem
 
Date d'inscription: mai 2011
Messages: 2 017
Par défaut

Dda Yidir


S-usmendeg ig qeṛeb isufa
times testufa
awid kan ar d-a-timγuṛ,
aṣγaṛ s-wuṛγu i ḥulfa
ur yezmir-ara
awexxeṛ, γelbent leγṛuṛ,
yuγal d-iγed m-ig kfa
bwint γer lexla
yis ar a d-ṛebin tjuṛ...


a Dda Yidir
nerra luwḍa d-agadir,
wi grarben nebγa a t-nezwir
tismin-nneγ di twaγit,

a Dda Yidir
nettuγal kan γer defir,
ayen i lhan ur d-as nezmir
ayen iγ ihuden nḥemlit...


a Dda Σemaṛ
rray-nneγ d-axeṣaṛ
yeskecmeγ di yir lγaṛ
as mi d-nefeγ, dγa a nettu,
xas ma nextaṛ
neḥṣel di yir lğğaṛ
nettnadi wa a d-yerren ttaṛ
mi t-id-yerra ad a nerfu,
ayen i nextaṛ
yettuγaleγ d-ameṣmaṛ
i d-nettaf daw uḍaṛ
γas aken nugwi a necfu,

a Dda Yidir,
ayen i lhan ur d-as nezmir
ayen iγ ihuden nḥemlit…


a Dda Ḥemmu
acuγer nugwi a neḥlu ?
ur nekrif, ur nleḥu,
ruḥenteγ tirga mxalfa,
i deεwesu ?
lğğil γer lğğil yettrağğu
ar asa tugwi aγ tettu
d-iman-is degneγ tufa,
yelha wusu
nesa-yas, l-as nesbuḥru
teččayeγ, tugwi a teṛwu,
tefud, segneγ teswa,

a Dda Yidir,
ayen i lhan ur d-as nezmir
ayen iγ ihuden nḥemlit…


a Dda Σacuṛ
nettmettat ur d-aγ teččuṛ
nefka lemqud i leγruṛ
wi d-yusan ḥesb i kelxeγ,
εeṛqen lehduṛ
win a nḥader a d-aγ iḍuṛ
seg waken xeṛben lumuṛ
yuγal ṣwab i εeṛqeγ,
nedder s-ẓuṛ
asif yettawin tjuṛ,
nequblit almi yequṛ,
i ḥemled yeγẓeṛ, yedmeγ

a Dda Yidir,
ayen i lhan ur d-as nezmir
ayen iγ ihuden nḥemlit…


a Dda Yusef
as mi nγil nerbeḥ nufat
tawriqt-nneγ ziγ tfat
zdat-nneγ yedmitt waḍu,
wa yettmettat,
wa yettγelit di tafat,
wa yufad ugur yenfat
yegwrad ugujil yettru,
leḥsab nekfat
ayen yelhan uḥric yeččat,
nesεa tiγilt naγ snat
a nefreq kan daεwesu,

a Dda Yidir,
ayen i lhan ur d-as nezmir
ayen iγ ihuden nḥemlit…


a Dda Qasi
γas neεya deg usteqsi,
acuγaṛ tugwi a-tt-xsi ?
timest unebdu tḥemleγ,
ur neẓṛi ansi
i d-aγ d-ibedu iγisi
nettak-as lebγi i tγeṛsi
mi nedukel ar d-anennaγ,
tagmatt-nni
fellas kul yiwen yettweṣi
nezratt am dfel tefsi
truḥ wer d-zi felleγ,

a Dda Yidir,
ayen yelhan ur d-as nezmir
ayen iγ ihuden nḥemlit…


a Dda Muqṛan
asa yakw imdanen ḥman
allaγen ḥesbiten ḥfan
laεqel yuγal d-aγilif,
ṣefṛaṣen, ddan
ur ḥebeṛn, ur steqsan,
γas abrid ur d-asen iban
awi kan, nḥer s-asif,
ğğiten kan
dreγlen γas ma wallan
εeẓegn i tidett iwumi slan
neḍmeε ad zuzefn lḥif,

a Dda Yidir,
ayen i lhan ur d-as nezmir
ayen iγ ihuden nḥemlit…


a Dda Σisa
lehna as m-aken i d-steqsa
negwad ur ttnesin-ara
nerett taεdawt-nneγ,
neğğhel, nenwa
ulla d-cwal d-lehna,
deg mi d-nellul, degneγ yella,
nerbat, nugwad aγ yeffeγ,
nesεat d-ayla
s-tismin i-tt-nṛeba
nerrad fellas tibura
aken ad yidir geranneγ,

a Dda Yidir,
ayen i lhan ur d-as nezmir
ayen iγ ihuden nḥemlit…


a Dda Σali
nemdel tabburt mi d-telli
win yebγan aγ yesali
a nezwir degs at neγḍel,
si zik-nni
lhem neččat d-imekli
tiγṛit neččatt d-imensi
nettṛuẓu degneγ lefḥel,
amek akenni
win ay xedmen wer yelli
yeqim mbeεid yettwali
yettrağğu zehr as yeftel,

a Dda Yidir
nerra lewḍa d-agadir,
wi grarben nebγa a tnezwir
tismin-nneγ di twaγit,

a Dda Yidir
nettuγal kan γer defir,
ayen i lhan ur d-as nezmir
ayen iγ ihuden nḥemlit...




Transcription : Icerfan
Modif’s : le 30.12.10
  #4  
Vieux 06/06/2011, 19h54
Avatar de Icerfan
Icerfan Icerfan est déconnecté
Werisem
 
Date d'inscription: mai 2011
Messages: 2 017
Par défaut

Asendu n waman


Kul lweqt yebwid tiyita,
εedan-d s nuba,
anwa aγilif d-aγ yettun ?

wa yecfa, wa ur yecfa,
tesdukel lḥala
w-ur necfi d wid i cefun,

melmi a d-negr nehta
a yillin d-dwa ?
d-nehta ar aγ yeseḥlun… ?


yiwet γer tayeḍ
taεkwemt a ṭaẓel,
ayen ig ṛxiṣen
aγ d-yas γlay,
abrid i ṣegmen
aγ d-iban yenneḍ,
tasawent yekfan
a d-nexleq tayeḍ,
nettara yewεeṛ
wayen akw i sehlen,
mkul m-ig laq a nẓeṛ
a nebru i wallen…

a wid yestufan
yesenuyen aman,

ig bγan lexṛif
γas bγiṛ lawan,

senduy-t aman
a wid yestufan…

ur d-bwim lexṛif
ur teksem lḥif,
ternam-d aγilif
γer widak yellan…


wid d-innan awal
mi d-zin ttunt,
ak innin : « timsal
akagi i leḥunt »,
taqṣiṭ i d-xelqen
tayeḍ attan tefut,
tin laεben ẓuwṛen
a-tt-laεben s-lmut,
ur telli deg ul
tirugza yiwet,
iḍelli yegul
asa (a)d yeseḥnet,

a wid yestufan
yesenuyen aman…

i tmedit nwen
d-acu i d-awen san ?

senduyet aman
a wid yestufan…

ur yelli wusu
lehna ur d-ttrusu,
ternam-d daεewsu
γer tidak yellan…


s-lekteb d tkerkas
a tḥekmeḍ adrum,
arnu tixidas
a tzwiṛeḍ i lqum,
γas tidett yiwet
kul wa tidett-is,
ma tidett n wa
lkedb axir-is,
ayen akw ig ḍṛan
tneǧǧremt s-ufus,
terram ayen i lhan
anida kwen i xuṣ,

a wid yestufan,
yesenuyen aman…

amek i tettwalim,
tidett ma d-tban ?

tidett mi d-tban,
amek aken i-tt-wallan ?

wallant d-laεjeb
ṭfentt kan teqleb,
rnen-tt d-lekdeb
γer widak yellan…


wi ttrun (γe)f lbaṭel
m-ig zemr i xedm-it,
win yesεan laεqel
degs yezwer yefγit,
acḥal i nḥemel
a nṣegm s wawal,
i tidett nehmel
nesewham lmal,
kul wa la ytezem
ixeṛb lweqt-is,
wi g bγan a-tt-ṣegem
i ṣegm iman-is,

a wid yestufan,
yesenuyen aman…

wa igzemn illa,
wa iṣegemn ullac,

senduyet aman
a wid yestufan…

tcud mkul ansi
tugwim a tefsi,
ternam-d tiyersi
γeṛ tidak yellan…


neṭfitt ans’ aken
ur d-iban yixef-is,
i wid a d-illalen
yewεeṛ webrid-is,
aka a-tt-id-afen
dunit γezzifet,
nukwni ur d-aγ ẓaṛen
tudert wezzilet,
ma tenam-sen
d-acu i ten i ttrağğun,
arnut-as « wisen...»
meqar ad argun…

a wid yestufan
yesenuyen aman…

tlεebm asaru
i deg ur nesεi amkan,

senduyet aman
a wid yestufan...

kemelt asaru,
tlaεbem s lqis,
wisen amek a yekfu,
ma yaweḍ lḥed-is…



Transcription : Icerfan
Modif’s : le 30.12.10
  #5  
Vieux 06/06/2011, 19h55
Avatar de Icerfan
Icerfan Icerfan est déconnecté
Werisem
 
Date d'inscription: mai 2011
Messages: 2 017
Par défaut

Cna n tejmilt


Rriγ tajmilt tamuqṛant
i win i d-yennan :
iṭij kul ṣbeḥ yulli
γas ma iγumit usigna,
ad yettεelli deg genni
yettuneḥsab s-saεa,
tamedit m-ar a yeγli
i yiḍ ad yeğğ nnuba…

anwa wagi ?
d-amuqṛan (γ)ef imuqṛanen,
d-amecṭuḥ daw Ṛebbi,
qiyset,
feṣlet,
xiyḍet,
slets-as isem i kwen i εejben,
fellas i la-d–nettγeni…


rriγ tajmilt tamuqṛant
i win i d-yufan,
yufad ziγ lehlak yettḍuṛu
wi(n) (i)helken ilaq-as dwa,
win iluẓen ma yerfu
i tekes-as ma d-yilli yeṛwa,
amdan, tejṛa ma-tt-yeẓu
a d-as d-tketeṛ lγella…

anwa wagi ?
d-amuqṛan (γ)ef imuqṛanen,
d-amecṭuḥ daw Ṛebbi,
qiyset,
feṣlet,
xiyḍet,
slets-as isem i kwen i εejben,
fellas i la-d–nettγeni…


rriγ tajmilt tamuqṛant
i win ifaqen,
ifaq s-lexdeε yettḍuṛu
isfaq-aγ yelha laman,
yemla-yaγ amek a nesbuḥru
ma d-yaweḍ unebdu yeḥman,
deg iṭij yella wuṛγu
yesfaq-aγ bezgen waman,

anwa wagi ?
d-amuqṛan (γ)ef imuqṛanen,
d-amecṭuḥ daw Ṛebbi,
qiyset,
feṣlet,
xiyḍet,
slets-as isem i kwen i εejben,
fellas i la-d–nettγeni…


rriγ tajmilt tamuqṛant
i win d-isnulfan,
di tebḥirt la yetett lmecmac
netta seg wid d-ittafen,
yeṭegiṛ iγsan γef cac
yesnulfay-aγ-d ilqafen,
seg wasen, iγeblan ullac
nuγal seg widak yesnen,

anwa wagi ?
d-amuqṛan (γ)ef imuqṛanen,
d-amecṭuḥ daw Ṛebbi,
qiyset,
feṣlet,
xiyḍet,
slets-as isem i kwen i εejben,
fellas i la-d–nettγeni…


rriγ tajmilt tamuqṛant
i widak-nni,
alfin akw d tseε-miya
i d-ḥesben segmi nettwaγ,
limer uγ t-id-nnin-ara
ur neẓṛ-ara d-acu yaγ,
sḥesbet-aγ-d γef asa
wi(n) d-yegwran yides a nennaγ,

anwi wigi ?
d-imuqṛanen (γ)ef imuqṛanen,
d-imecṭaḥ daw Ṛebbi,
qiyset,
feṣlet,
xiyḍet,
slets-asen isem i kwen iεejben,
fellasen i la-d–nettγeni…




Transcription : Icerfan
Modif’s : le 30.12.10
Discussion fermée

Outils de la discussion
Modes d'affichage

Règles de messages
You may not post new threads
You may not post replies
You may not post attachments
You may not edit your posts

BB code is oui
Les smileys sont activés : oui
La balise [IMG] est activée : oui
Le code HTML peut être employé : non

Navigation rapide


Fuseau horaire GMT +2. Il est actuellement 07h29.


Édité par : vBulletin® version 3.8.0
Copyright ©2000 - 2024, Jelsoft Enterprises Ltd. Tous droits réservés.
Version française #13 par l'association vBulletin francophone
Sahelkabylie-infos.com