Volume 4

[Icerfan]

Aka i d-as yehwa

Ak(a) i d-as yehwa i lmektub
lexyuḍ i ncud yakw fsin,
anwa a yawin dnub ?
d-wid iγ i bḍan (γ)ef sin…

mektiγ-d asmi nefṛeq
nek nedmeγ, neţţat wiṣen ?
teṣεa lḥeq, ṣεiγ lḥeq
kul wa d-lmizan yeṣen,
lemḥiba-w yides i texleq
ur t-siriden isafen,
wallaγ iṭij nneγ i cṛeq
γummen-t-id widen yusmen,

ak(a) i d-as yehwa i lmektub
lexyuḍ i ncud yakw fsin,
anwa a yawin dnub ?
d-wid iγ i bḍan (γ)ef sin…

yak iẓṛi-w mazal yekaw
seg meţţawen ig ru fellam,
yekrid cṛaε di tferka-w
ṣbeṛγ a medden, twalam,
aţţan ṛẓaget lḥala-w
ur teţţwaktab s leqlam,
izad sem di lmeḥna-w
tkukruγ a d-yeγli ṭlam,

ak(a) i d-as yehwa i lmektub
lexyuḍ i ncud yakw fsin,
anwa a yawin dnub ?
d-wid iγ i bḍan (γ)ef sin…

annaγ a Ṛebbi amek aka
sekra neṣεada, nuls-as ?
teǧǧiiḍ lhem yeţţeka
deg ul iwumi (i)g ṣeḥa lsas,
tefsiḍ-d rebg i tlufa
s lǧǧehd i d-hubent fellas,
rejment-ţţ-id s yeẓṛa
am lεec ifirellas…

ak(a) i d-as yehwa i lmektub
lexyuḍ i ncud yakw fsin,
anwa a yawin dnub ?
d-wid iγ i bḍan (γ)ef sin…



Transcription : Icerfan
Modif’s : le 28.12.10