Aatman - Isefra

[Icerfan]

Din Ṛebb'

A terwi fellam a Faḍma
ma ḥekmen limizilma,
adyu tufγa γeṛ beṛa
adyu lijip' n Fṛansa,
adyu liplaj' d sinima
d-argaz-im i d-ṛebbi lḥaṛa,

A terwi fellak a Mexṭeṛ
ma ḥekmen at iččumar,
adyu cṛab d ṛikaṛ
adyu lbira deg libaṛ,
adyu lifilm i deg yella lεeṛ
axir tasurett lkawter,

A terwi fellak a Lewnis
ma yeḥkem uparti l'fis,
adyu amger d wefḍis
adyu axeddam d lḥeq-is,
adyu sandika d ceṛṭ-is
yella kan Ṛebbi d wawal-is,

A terwi akw af Nanǧiri
ma yeḥkem upaṛti n Ṛebbi,
adyu izerfan d ladimukrasi
adyu ripiblik pupilar d'Aljiri,
adyu tamaziγt ak d-ttlelli
a nuγal am at zik-nni.


1990