#4
|
||||
|
||||
Aqbayli
Taqṣiṭ-agi d-aqeṣeṛ wisen ma teḍṛa naγ ar teḍru ? kul yiwen aken la i hedder γef tmurt tugwi ar teḥlu, neţţmenni nebγa a nẓeṛ yibwas lukan ar tefru, aberani ad i wexxeṛ tamurt yides ar a d-nelhu, dγa geraneγ ar teker nukwni s-leqbayel nteţţu, alama nesawel ad yeḥḍeṛ i uberanni a d-aγ yefru, kul yiwen aken la i hedder awal yuγal d-asefru… as mi g-ffeγ uberanni tamurt tegwrad s-arraw-is, yefreḥ mkul d-aqbayli yenwa ğğuğğ-gen-d wusan-is, yekfa lferḥ, dayenni, kul wa yersed γer lεeql-is : « tura tamurt-agi ilaq as i d-naf ixef-is ! » tamurt teḥkem s-lḥeq tefkad yiwen d-mmi-t-nneγ, fellas akw i nwufeq ad yetṣewiq fellaneγ, mkul lεerc yenṭeq yennad : « winna mačči segneγ ! fiḥel a ntezi, ntenneḍ, kesteţţ, a nεiwdet wayeḍ ! » laεṛac mwafaqen sbed-den-d argaz am aka, yeẓweṛ, yefhem, yesen, am winna ur teţţafen-ara, dγa at tudder neṭqen nnan : « ur t-nesin-ara ! fiḥel a ntezi, ntenneḍ, kesteţţ, a nεiwdet wayeḍ ! » tudder nudant seg ul ufant argaz lkayes, γer tideţţ ig ţţmuqul di lḥeq mačči ad yesenγes, tekred taddart, tegul : « argaz-agi ad yeţţwakes ! fiḥel a ntezi, ntenneḍ, kesteţţ, a nεiwdet wayeḍ ! » taddart tegul a t-af alarmi tnuda tufa, win d-sbed-den yufaf yezmer i mkul tilufa, yeker-d udrum s-zεef yennad : « ur t-neqbil-ara ! fiḥel a ntezi, ntenneḍ, kesteţţ, a nεiwdet wayeḍ ! » yekerd udrum, yemjamal yebda ameyez di lγaci, yextar bab b-uzal ţţqadaren medden irkweli, yeker-d gma-s γer cwal : « amek tenwiḍ tifeḍ-iyi ? fiḥel a ntezi, ntenneḍ, kesteţţ, a nεiwdet wayeḍ ! » tura ur d-yeqim nefhem teṣub sanga ur d-ţţali, - « anwa ig laq ad yeḥkem, m-ur di tqeblem nekkini ? » - « anwa ig laq ad yeḥkem m-ur k-nqebel keččini ? teẓṛam amek a nexdem : as nsiwel i uberanni ! » *** aṭas b-wid as yinnin : « leflani aγ yesefcel », widak d-wid ur nesin amek i la tedunt temsal, uqbel a t-zeṛεeḍ timẓin ẓer qebl amek ig ga wakal, a yaqbayli, a yaqbayli, a yaqbayli, i refedn aberanni, a yaqbayli, a yaqbayli, a yaqbayli, i ţţağğan gma-s yeγli, « yeğğayas-d baba-s ci ur yeẓṛi d-acu yesεa, dγa ad yeḥkem felli ma d-as nqebl anecta ? awal-is ur yeţţεedi neţţruẓu, laεmer nekna ! » a yaqbayli, a yaqbayli, a yaqbayli, i refedn aberanni, a yaqbayli, a yaqbayli, a yaqbayli, i ţţağğan gma-s yeγli, « amek baba-s d-ameksa asa d-neţţa a d-iḥekmen ? mi g ker zehr-is yeγra tura yerfed-d s-wallen, dγa awal-is ma yeεeda claγem-agi ar d-ţţwaksen ! » a yaqbayli, a yaqbayli, a yaqbayli, i refedn aberanni, a yaqbayli, a yaqbayli, a yaqbayli, i ţţağğan gma-s yeγli, si nig-nneγ ḥed ur yelli, nteţţu i diri-yeγ, igenni-nneγ a d-yefk itri, at i d-nerr d-aεdaw fellaγ, at neğğ kan a d-yeflali, a neker yides a nennaγ, a yaqbayli, a yaqbayli, a yaqbayli, irefedn aberanni, a yaqbayli, a yaqbayli, a yaqbayli, i ţţağğan gma-s yeγli… Transcription : Icerfan Modif’s : le 25.12.10 |
|
|