Anda-tt taεzibt ?

[Icerfan]

Anda-tt taεzibt ?


Yak nnan telha niya
d lḥila n-ṣfa
bab-is xas yeγli ad yeker,
tettak udem i tagara
tettrebbi lqima
wi tt-yesεan ur ineger,
nek, a yatma, ur yitehwi-ara,
armi d-nemsegra
id yendeh s-yisem-iw liser...

anda-tt taεzibt wer neṛḍiḥ
naγ asebsi wer nendih
s Lḥesnawi d Lεenqa ?
slesγ-as i lγeṛḍ jiḥ
asa a d-tettiqṣiḥ
tedwilt-nni wer rğğiγ-ara,
yak nnan laεmar yerbiḥ
bnadem wer neqbiḥ
d-lweqt a niqbiḥ tura,
γer tiḥerci a d-ncereg ttriḥ
a sen neḍlu amsiḥ
i wid yesburen nniya…

s-rrba i d-iyi-srebḥen
d-idem yemaren
d-anaεyabu tt-wargameγ,
ṣedḍen lebṛuj akw celxen
ulla i d-id-yeṭfen
deg weḍref b-wegni g-iseγ,
allen zik i-tt-neḥcamen
wer ttadrent dayen
xas ma zdat wi tt-qadaṛeγ,
tagmatt as ṛẓeγ ifaden
as gerzeγ lekwfen,
deg zabuq a d-as serḥeγ…

ṣifa n leḥbab a-tt-bedleγ
s tiḥerci a-tt-jegreγ
s-tumlilt n-temnqas-iw,
bu trika γures ad sendeγ
ma d-wayeḍ at ḥeqreγ
xas yefrurid seg ẓar-iw,
γur Ṛebbi afus a t-id-kseγ
aḥezeb at nefḍeγ
at nfuγ seg disan-iw,
at ẓuṛ a ten-id-necdeγ
s-yis-sen ad nefḍeγ
widen ur icekb lγeṛḍ-iw…

d-usfih ig sburen ṛxa
yeḍṣan (γe)f lḥeṛma
ig ferun tilla asagi,
d-ungif yeččan deg γenja
γur d-gwra tγawsa
(γe)f iderman ad yettṛayi,
taddart ma tḥemel zayla
tteki g mezwura
s-d-ittḥucun mebla acetki,
ma teseεetb-ik tmara
zuf ! bedel tama
tettuḍ amek ig ga yiḍelli !

taddart ma tḥemel ctacta
tteki g mezwura
s-d-ittḥucun mebla acetki,
MA TESEΣTEB-IK TMARA
ZUF ! BEDEL TAMA
TETTUḌ AMEK IG GA YIḌELLI !




Transcription : Icerfan