Siwel-iyi-d tamacahutt

[Icerfan]

Siwel-iyi-d tamacahutt


Ḥkuyi-d taqsit, maεni γurem kan
xas ma teseḥzan a tt-fak aken ilha,
ḥkuyi-d taqṣit b-was mi usan
nutni akw d wuḍan msaεdeln nuba,
ḥkud γef itran amek i d-ttεasan
γef idak yelhan, yesεan niya...

siwel-iyi-d tamacahutt...

ḥkuyi-d taqsit b-wid… amek aken ?
ilemẓi d tlemẓit as mi miḥmalen
ḥkud amek aken i teḍṛa yidsen ?
anwa εdaw-nni d-yezgan gerasen ?
nuγen, feṛqen, feṛqen mi nuγen
mi fṛeqn mcedhan, uγalen mlalen...

siwel-iyi-d tamacahutt...

ḥkuyi-d taqsit b-wefrux di lεec-is
netta d warraw-is εicen di tejra,
mi d-yeγli yiwen, yettraǧǧut wuccen
baba-s yetḥeyer, ur yezmir i kra,
yeẓṛat-id lmelk, d-izem i t-id-yerra
i ḥureb (γ)ef mmi-s, yuγal aken illa...

siwel-iyi-d tamacahutt...

taqṣiṭ niḍen, tinnaken b-waγzen
m-ig ukwer taqcict d weqcic yebwiten,
m-ig bweḍ yeεya, yeγli di tnafa
kren-d s tufra, armi d-as rewlen,
mi d-yukwi waγzen, i tabaεiten
yeγli di tesraft, d-netta ig ttwaṭfen...

siwel-iyi-d tamacahutt...

ḥkuyi-d taqsit, aqli usiγ-d, aεyiγ
seg wayen d-ẓṛiγ, ur ṭebγiγ-ara,
taqṣiṭ anda llan widak ig lhan
ḥkuyi-d taqṣiṭ a yefaken aken ilha,
aken ad staεfuγ, ḥkud ad ḥluγ
ḥkud ad ttsuγ ayen i xdemγ asa...

am d-ḥkuγ i xdemγ asa...

uqbel am d-ḥkuγ, arǧǧ’ a d-am inniγ
at ẓṛeḍ amek lliγ, ẓeṛ kan d-acuyi,
ur yelli waγzen, ur yelli wuccen
naγ luwḥuc iḍen a d-yasen nig-i
luwḥuc ig llan, i widen yeẓṛan,
ar γuri cuban naγ d-nekkini…

am d-ḥkuγ i xdemγ asa...

am d-ḥkuγ asa mi d-id-sawlen
wid i d-iḥekmen di ceγl i xedmeγ,
mlan-i yiwen seg widak kerhen
cegεan-i aken yides ad a d-ceγleγ,
mi tγeḍleγ meskin s snat teṛṣaṣin
netta ur d-iyesin, nek ur tesineγ...

siwel-iyi-d tamacahutt...


Transcription : Icerfan
Modif’s : le 28.12.10