Farid Ferragui - Textes entiers

[Icerfan]

Mačči d-leqṛaya

Zmern i lεar, keččini ur s tezmiṛeḍ-ara
leḥya ik yenγan, nutni udem nsen yuza
γran d ciṭan, kečč tesaγṛik niya
derrya leḥram, arwel ! ur sen tezmiṛed-ara !
derrya leḥram, niγ-d : ur sen tezmiṛed-ara !


leqṛaya i γṛan, keččini ur d-a-tt-γṛiḍ,
γṛan d ciṭan, sawḍen, kelexn-as, teḥsiḍ,
kečč teγṛiḍ laman, yerna zedig way telliḍ,
nutni d-izarman, ad summen idamen-ik deg iḍ,
γef lexdaε i ttebnan, kečč deg ul ur d-a-tt-tesεiḍ,
zmern i lεaṛ, ččan si kul taṛbut tehṣiḍ,
yisek, a gma, i yizmern a d-iyi-nγen,
yisek, a gma, ser-iw i d-i-tesnen,
wamag nek d lemḥayen iyi-d-yesusfen,
xas ma εeddant, deg qaṛuy mazalitent,
lemer i tḥeṛceḍ yella tlaεbett gerasen,
lemer i tzuwṛeḍ aqlaγ seg widen i ḥekmen,

ullamek i d-uskam, txulfem deg leqṛaya,
widen i kwen isaγṛen, ulla d-nutni ur msefhamen-ara,
yiwen d-ciṭan, wayeḍ meskin d-nniya,
xas bidel amkan, snaγ-k ur t-sebberḍ-ara,
ad a-tt-nγeḍ, di lḥebs a d-gwṛiḍ tagara,
naγ ma tcuṛεeḍ, di cṛaε ur tṛebeḥḍ-ara,
derya leḥṛam, γran di kul cufa,
anda truḥeḍ, a ten tafeḍ d-imezwura,
yisek, a gma, i yizmern ad iyi-nγen,
yisek, a gma, ser-iw i d-i-tesnen,
lemer i tḥeṛceḍ yella tlaεbett gerasen,
lemer i tzuwṛeḍ aqlaγ seg widen i ḥekmen,

s-Ṛebbi tumneḍ, nutni γuṛṣen d-lhedṛa,
yis ttgallen, sganen medden, d-ayen neẓṛa,
ma (a)k i d-hedren, ak d-arren agur d-lğefna,
γer lḥiğğ ṛuḥen, uγen-d isem, xedεen Meka,
γer lḥiğğ ṛuḥen, sawḍen, ukwren di Meka,
aka i xedεen, nutni γuṛṣen d-ttirugza,
aka i xedεen, nutni γuṛṣen d-cṭaṛa,
derrya leḥṛam, niγ-d : ur sen tezmired-ara !
yisek, a gma, i yizmern ad iyi-nγen,
yisek, a gma, ser-iw i d-i-tesnen,
lemer i tḥeṛceḍ yella tlaεbett gerasen,
lemer i tzuwṛeḍ aqlaγ seg widen i ḥekmen,

axiṛ anef-asen, niγ-d : ifen-k deg leqṛaya,
a d-yaweḍ was, anda a d-γlin di lmisa,
a ten yeṭef lmelḥ-nni ur qudeṛn-ara,
a ten d-yekcef Ṛebbi-nni i εuṣan lebda,
asen ad xelṣen dnubat d leγṛama,
asen ad εalmen leḥṛam ur yettdum-ara,
asen ad εalmen yak γelḍen deg leqṛaya,
asen ad εalmen lexdaε mačči d-ttirugza,
asen ad εalmen leḥṛam ur yettdum-ara,
asen ad εalmen tina mačči d-leqṛaya…


Transcription : Icerfan