Ṛwaḥ, ṛwaḥ

[Icerfan]

Acḥal (a)ya yendef yeẓṛi
fellam aynegi
iqbeṛ wul, tasa teza,
lqut deg mi d-ilili
nγant-iyi nhati
teγli-d tuwser di saεa,
ḥeḍreγ mi ttaḍsan felli
widak ur neswi
lmenṭeq ur d-yull(i)-ara…

ur zmireγ ad mḥuγ seg iẓṛi udem-im,
amek a qebleγ ad wexṛeγ seg disan-im ?
yisem i εaceγ, tili hujṛeγ naγ muteγ,
tezḍeγḍ-iyi s-lekmal-im,
ṛwaḥ, ṛwaḥ, bezef i nemejraḥ…

ul-iw yugwi ad yamen kulci yekfa,
yuγ tanumi, s-yisem i d-yeṭef tiyita,
axxam-nni, nebna (a)kenni, ḥesbit yeγli
deg sin m-ur tnezdiγ-ara,
ṛwaḥ, ṛwaḥ, bezef i nemejraḥ…

ur kem tettuγ xas ul-im ad yettu,
ad ttrağğuγ, muḥal ad ayseγ beṭu,
yisem i zehuγ, asa aqli lattruγ,
iwumi a ḥkuγ ? kecmeγ di temda wγuṛu,
ṛwaḥ, ṛwaḥ, bezef i nemejraḥ…

ẓṛiγ dayen yewet usyax geranneγ,
s-imeṭawen m-ad ṣebṛen wulawen-nneγ ?
wid (i)γ i cebwlen, ẓwern, bwḍen γer lebγi nsen,
ma d-nukwni thud temẓi-nneγ,
ṛwaḥ, ṛwaḥ, bezef i nemejraḥ…



Transcription : Icerfan