A lmus-iw

[Icerfan]

Tibratin


Aha dem-d astilu
ak neḥku, kečč ţţaru,
hegid lkaγeḍ, ad yekfu,
yeččur wul…

ak nehḍerγ s-teqbaylit
s-wayen ik yehwan ketbit,
win ur nefhim, sfehmit,
kečč teẓṛiḍ…

aru-tent am tebratin,
d-kečč ar a tent yawin,
d-kečč ad asen yinnin :
«dayen iruḥ…»

Inn-as i yemma ḥemleγ :
« a d-id-yaf lḥal ruḥeγ
ma n-yas wayen im in ketbeγ,
semḥ-iyi…
nek d-dunit nemxalaf,
ur ţţufiγ, ur di teţţaf,
l-at-ţţelεeb yidi am lqaf,
terwi-yi…
limer zmireγ ad as kelxeγ
ad sεuγ tasa ad mteγ
i waken ad as rewleγ
berka-yi…
imi lkuraj-nneγ ifut
neţţazzal a d-nawi lqut
nugwad dunit d lmut
ad rewleγ…
a yemma, aqliyi ad rewleγ
ur ẓṛiγ sani a ruḥeγ
ad lḥuγ alama bwḍeγ
wis sani ?
kem, ẓṛiγ a di-tfehmeḍ
tifeḍ-iyi aken di tesneḍ
seg w-as maken i d-id-turweḍ,
siwa lḥif…
lulleγd itri-w d-asemmaḍ
mačči dayen a d-tecafaεḍ
teẓṛiḍ maken i d-id-tesεaḍ,
anef-iyi…
ţţurebaγ-d d-ameḥqur
seg wasen anyir-iw mechur
ma ruḥeγ γer lebḥar tequr
d-akagi…
mi meqṛeγ γileγ a tbedel
a yemma, imiren i t-kemmel
ulla d-asirem fiḥel
dayenni…
ma nniγ-am « qim di lehna »
ẓṛiγ ur twehemḍ-ara
cereg tabraţţ-iw tekfa
ţţu-yi…

Ketb-as tura i texḍibt-iw
a tekes taxatemt-iw
siwḍ-as mara lehḍur-iw
sferḥiţţ…
« tabrat-agi ma ţţeγreḍ
ẓriγ aṭas a t-ferḥeḍ
sereḥγ-am a-t-xtiṛeḍ,
win tebγiḍ…
asmi i kem ifka baba-m
ẓṛiγ txeṛb nniya-m,
ul-im kra ig saram,
iruḥ-as…
as-agi lliγ-am lqid
rriγ-am-d ul-im d-ajdid
menneγ ad am d-yefk webrid
siwa lxir…
mačči d-nek im ilaqen
nek seg wagad yeţţewten
amkan-iw d-iderwicen
tixeṛ-iyi…
xtir aqcic la-yeqar
d-ṭbib naγ d-kumiṣaṛ
naγ win i-ţţ-feğğiğğen am lefnaṛ
d-lmetl-im…
tabraţţ-agi γrant wallen-im
sfeḍ yes imeṭṭi lferḥ-im
tεefsed-ţţ s-daw uḍar-im
dayenni… »


Tura ak weṣiγ s-iḥbiben
d-widak i d-iyi-snen
ak inniγ, kečč ketb-asen
irkweli…

A yiḥbiben-iw a kwen ğğeγ
s-kunwi, s-wayen i nebda,
lεehd i yidwen cerkeγ
ugwadeγ ur s-zmireγ-ara,

tebγam taswaεt a tbedel
tebγam a d-iban lefḥel,
tebdam, tegulem a tkemmel
menneγ ar tawḍem,

tegullem ad yekes lbaṭel
yir tikli yides ar ṭenṭel,
tamurt fellawen teţţkel
menneγ ar tawḍem,

ğğiγ lεehd-iw ifut
nγiγ-t, ugwadeγ ar tenγem,
tegullem alama d-lmut
lamaεna ugwadeγ a t-bedlem,

lamaεna ugwadeγ ar teţţum
as mi a wen i d-yesiwel weγrum,
ala yides ara-d telhum
ayen niḍen ar teğğem,

dγa asen m-ar a tewum
dunit ar d-awen tdum,
win awen i hedren d-amcum
ugwadeγ ar tenγem,

ma iγaḍi-kwen lḥal mara
ţţxilwet semeḥt-iyi,
ayen akw i d-qareγ asa
neẓṛat yeḍrad iḍelli,

kul wa ad yili s-warraw-is
ad i ţţagwad (γe)f mkan-is,
a d-yelhi ala d-ceγl-is
as yinni : tṣegem,

ma d-ţţ-mektim iḍelli
tinm-as i t-xedem temẓi,
nfaq tura ulla d-nekwni
nexḍa-yas i lhem,

di lemtul a wen d-fkeγ
γurwat ma γelṭeγ
tideţţ aret-id ar γures,

neţţemyasam geranneγ
ma i bed-d (i ban-d²) gma-t-nneγ
ma zedig ar d-as names,

mi d-iban wergaz degneγ
amzun mačči nneγ
d-nekwni a d-yezwiren γres,

a t-nenfu naγ a t-nenneγ
mi tnekes segneγ
neţţu leqyud yeseγres,

nesteṛḥib s-ubeṛani
aken i bγu yili
lhiba as ţţ-id-nesnulfu,

di laεnaya-nneγ yeduri
ul-nneγ yelli
geranneγ aken yebγu, yelḥu,

gma-t-nneγ as ma yeγli
d-smaḥ ur yelli
nεefsit wa d-as nernu,

geranneγ yeker imenγi
armi ur neţţwali
aεdaw mi d-yebweḍ aγ yefru,

cwal yeḍṛan ger tudrin
ur d-yeğğa a yinnin
a yinnin inegura,

(γe)f jmaε-liman i γellin
yemuten ur ẓṛin
anida i-tzedγ seba,

sekra zraεn d kra yemγin
yeγleb yakw lesnin
yebwḍaγ-d, nmegr-it asa,

as mi ţţ-qaren taεdawin
azger wer teẓṛin
mi sen d-isxerb aẓeṭa,

ma nxedm aken i xdem yeγleḍ
a n-ţţezi, n-tenneḍ
neţţuγal ansi id neka,

lqum-nni n-zik yeceḍ
tawacḍa tsefeḍ
muqelt γer zdat tura,

tiγri nesla mi nteṭeḍ
tezwar kul tayeḍ
γurwat as tebrum asa,

zik wa i hedriţţ i wayeḍ
asa di lkaγeḍ,
a-ţţ-id-afen inegura…


Transcription : Icerfan
Modif’s : le 25.12.10

[Icerfan]

As unejmaε


Yehder wer nefhim-ara
a win i fehmen susem,
aḥric ur yi teğğiḍ-ara
terniḍ ulla d-asirem,

terniḍ asirem tebwiṭ
tebweḍ-ḍ-iyi-d γer lmuḥal,
ma yella ad i d-terreḍ cwiṭ
aha ml-iyi-d s-wacḥal ?

texdemḍ lbaṭel teẓṛiṭ
kra d-ikan sgi tenγiṭ
tenγid tamurt deg i nemlal…

texdemḍ lbaṭel teẓṛiṭ
kra d-ikan sgi tenγiṭ
tenγid tamurt deg i nemlal…

as unejma(ε)
s-ubereḥ i d-isawel,
bwḍen-d merra
i neṭqed degsen laεqel :
«a nsiwel i lḥeq
akw d-ţţideţţ
tezdeg d lferḥ,
siwa nutni ar a neqbel »

yebweḍ-d lḥeq
i tebεatid lbaṭel,
yugwi as yeḍleq :
« nek yidek ar a nedukel,
lemmer ur lliγ
ur teţţiliḍ,
lemmer ur telliḍ
rwaḥ-iw γer da yebṭel »

tebwḍed tideţţ
lekdeb yedad d-uḍar-is,
« yak aken i nteţţ
wa (a)r a yesemḥen (de)g werfiq-is ? »
« yis ay lliγ
tella yisi,
kul ma teγli,
ţţaṭafeγ-d amḍiq-is »

yebwḍed leḥzen
yesles-d i lferḥ abernus,
aken i duklen
tezdeg teţţas-d s-wamus,
aken i ţţilin,
aken i ţţγimin,
aken i ţţwallin,
wa ur yeţţak deg wayeḍ afus…

ah ya lεuqal,
sefrutaγ-d anejma(ε),
yekfa wawal
iban-d lḥal aken i lla,
tugwim lekdeb
akw d-lbaṭel
tugwim ammus
llan akw degwen mara…


Transcription : Icerfan
Modif’s : le 25.12.10