Amjahed

[Icerfan]

Amjahed


Walaγ yelli-s b-wedrar
laεqel-iw iḥar
ufiγ-ţţ-in tegun(i) aẓṛu
am tid i εemṛen tuddar
wer teţţunebdar
teṭef mmi-s seg fus, teţţru,
argaz-is yemmut, yuzar,
γer ṛṣaṣ yezwer
nekwa-s yedemiţţ waḍu…

nerra-yak agur teẓleḍ degs
nerna-yak itri tenṭleḍ degs
newt-ak afus mi temmuteḍ..

sliγ i tegnaw tenṭaḥ
adfel yebda-d d-ameččim,
tamγar tebded ger lelwaḥ
(γe)f mmi-s anida yeqqim,
yesnulfay-am-d lkifaḥ
di lğğennet am yeg amkan-im…

nerra-yak agur teẓleḍ degs
nerna-yak itri tenṭleḍ degs
newt-ak afus mi temmuteḍ…

sliγ i ṛṣaṣ yeṭerḍeq
yeker uγebar di tγaltin
tamγart tebded γer ṭaq
(γe)f mmi-s ma d-as t-id-awin,
xas thedden ul-im ma yxaq,
d-rayes lmuğğahidin…

nerra-yak agur teẓleḍ degs
nerna-yak itri tenṭleḍ degs
newt-ak afus mi temmuteḍ…

sliγ la tzehr ruplan
iceqeq wedrar yeţţi,
tamγart teţţnadi (γe)f mkan
n-mmi-s anida yeγli,
“ur ţţagwad”, i d-as nnan
“lḥuriya am ţţ-id-yawi”…

nerra-yak agur teẓleḍ degs
nerna-yak itri tenṭleḍ degs
newt-ak afus mi temmuteḍ…

sliγ i lγaba tcebwel
d wasif mi d-yerra ṣut,
tamγart telha-d d-umuqel
(γe)f mmi-s anida yemmut,
ger watma-s i g-ţţwanṭel
as mi g-ruḥ s-adrar ţţu-t,

yensa lkanun deg wexam
times d-iγed irkwelli,
tamγart tεawez ala i ṭlam
(γe)f mmi-s ansi a d-yeflali,
azn-as-d ṣebṛ a laεlam
mi (i)s-t-id-bwin d-akuli…

nerra-yak agur teẓleḍ degs
nerna-yak itri tenṭleḍ degs
newt-ak afus mi temmuteḍ…


Transcription : Icerfan
Modif's : le 25.12.10