Ixf yeţţrun

[Icerfan]

Ixf i ţţrun

La qaraγ kan tγabeḍ
xas ma ẓṛiγ kulci yekfa,
la qaraγ kan tbaεdeḍ
xas ma ẓṛiγ kulci yekfa,
xas la qareγ a d-tuγaleḍ
ẓṛiγ ḥaca di tnafa,

kra b-wayen aεzizen felli
s-yisem-im is giγ isem,
aken ul-iw ad yethenni
ad iγil mazalikem,

deg wezniq ma beddeγ
tullas ţţ-muqulleγ-tent,
mačči d-abedel i beddleγ
d-udem-im i ţţnadiγ γursent,

ma sliγ i lhedra, frawseγ,
ma sliγ i lehduṛ tenniḍ,
s-idis-iw ţţ-neqlabeγ
tεudduγ yidi i telliḍ,

kerheγ ma d-yaweḍ yiḍ
ţţ-mektayeγ-d as-nni,
kemmini asen i tekfiḍ
ma d-nek asen i bdant felli,

kerheγ ma d-yaweḍ yiḍ
ţţ-mektayeγ-d as-nni,
asen tertaḥeḍ ur teẓṛiḍ
mi di-d-saweln lγaci,

sawalen-iyi-d lγaci,
mbεid sliγ-d i wṣuγu,
ullayγar ma nann-iyi,
ḥsiγ s wayen a d-yeḍṛun,

ţţ-mektay-aγ-d (γe)f asen
hubeγ ad kecmeγ s-axxam,
tiftilin i d-am caεlen
d-tafat yecban ṭlam,

mbwaxaren akw lγaci
tbaneḍ-id amzun teṭṣeḍ,
muqelγ albaεḍ a d-yinni
tanekra i mazal tekreḍ,

la–ţţ-muquleγ di lγaci
bran s-wallen, akw ẓṛan,
ma d-nekkini ar as-agi
ur uminneγ s-wayen yeḍṛan,

gulleγ ar d-at-dreḍ γuri
ullac a t-id-arreγ yella,
ur qebleγ yiwen a d-yinni
ayen akw ig ḍṛan, yeḍṛa,

gulleγ γuri ar d-at-dreḍ
xas ad bedelγ lmektub,
ma yennad Rebbi : « tjahleḍ »
as inniγ : « tebwiḍ dnub »…



Transcription : Icerfan
Modif’s : le 25.12.10

[Icerfan]

A yaεeṭaṛ


Urgaγ tejra leḥlu
tefreḥ yeḥya-d uẓaṛ-is,
urgaγ tejra leḥlu
yesekriţţ-id uẓaṛ-is,
urgaγ tejra leḥlu
yuγal-i-ţţ-id wemkan-is,
urgaγ am aken d-ṣeḥ
asa mačči am yiḍelli,
urgaγ am aken d-ṣeḥ
ḥḍeṛγ i wedrar yukwi,
urgaγ am aken d-ṣeḥ
urgaγ am aken d-ṣeḥ
agris i t-idlen yefsi,
urgaγ snasel b-uzal
di tlemmast cuddent s-lxiḍ,
urgaγ snasel b-uzal
nufa anga cuddent s-lxiḍ,
urgaγ snansel b-uzal
urgaγ snansel b-uzal
s-tṣuṛeţţ cuddent γer lḥiḍ…


a yaεeṭar ig εeddan
awi-iyi-d yidek lemri,
d-arfiq-iw i di yenan :
« i beddel wudem-ik felli »,
ad walliγ ma d-ayen i llan
acaqur yegun-iyi,

ẓḍiγ-d s-taḍut aεlaw
si tmura jban-d lγaci,
(γe)f lğğal-is εemeṛn agraw
zgiγ-d mbεid am tili,
mi rriγ ad ḥederγ ayla-w
i ḥṣel lemdek di lfuci,

inna-d : « mli-d summa
ka tebγid ar d-ak tefkeγ »,
lγaci ur d-ţţafen-ara
amkan n-tmegwḥelt yefreγ,
«ur d-ak ţţeznuzuyeγ-ara
xas s-ufegag b-wewreγ »,

i baned win i ten i snen
am ẓequṛ d-gren s-asif,
d-taḥemmalt i t-isbaεden
sug ẓaṛ is niğğa (γe)f rrif,
lemḥiba nsen d-asawen
tamusni nsen d-aγilif…


Transcription : Icerfan
Modif’s : le 25.12.10

[Icerfan]

Ma taεyiḍ


Twalla i bed(e)l rray-is
i ṣuḍed w-aḍu tedda,
atan tεemd γef yisem-is
t-ḍegar ka tesεeda,
ih, ruḥ eğğ-iyi, ma taεyiḍ
a-ţţ-afeḍ wa dgem yaεyun,

fhemγ tbedleḍ laεqel
d-abrid ajdid i kem i bwin,
wisen d-zyada naγ qel
d-lweqt a d-am d-yinnin,
ih, ruḥ eğğ-iyi, ma taεyiḍ
a-ţţ-afeḍ wa dgem yaεyun,

xas ekes dnub si lğğiha-w
ruḥ a-ţţ-jerebḍ dunit,
εemedγ-am glu s-wayla-w
ahat a-ţţ-afeḍ i tmedit,
ih, ruḥ eğğ-iyi, ma taεyiḍ
a-ţţ-afeḍ wa dgem yaεyun,

wisen ma d-anadi a tnadiḍ,
naγ yakan yewğğed umekan ?
ma yella s-ugur teγliḍ
ur s-qar lehmum kfan,
ih, ruḥ eğğ-iyi, ma taεyiḍ
a-ţţ-afeḍ wa dgem yaεyun…


mi twallaḍ fellam ţţruγ
tγilleḍ medden akw ţţrun,
mi twallaḍ fellam ḥekuγ
tγilleḍ medden a ḥekun,
ih, ruḥ eğğ-iyi, ma taεyiḍ
a-ţţ-afeḍ wa dgem yaεyun,

zehr-im a yeţţṛuẓ aẓṛu
naγ yeg abrid di lebḥeṛ,
ur yezmir-ara a kem yecfu
seg ul-im ma d-ifekeṛ,

mi twallaḍ fellam ţţruγ
tγilleḍ medden akw ţţrun,
mi twallaḍ fellam ḥekuγ
tγilleḍ medden a ḥekun,
ih, ruḥ eğğ-iyi, ma taεyiḍ
a-ţţ-afeḍ wa dgem yaεyun,

γurem as ma tbedelḍ amkan
tikwal steqsay ul-im,
a kem-id ismekti ayen iεedan
d-wayen yeṛẓa ufus-im,

mi twallaḍ fellam ţţruγ
tγilleḍ medden akw ţţrun,
mi twallaḍ fellam ḥekuγ
tγilleḍ medden a ḥekun,
ih, ruḥ eğğ-iyi, ma taεyiḍ
a-ţţ-afeḍ wa dgem yaεyun…

ṭlam d-winna i d-ṣaḥ
ma d-γeγli a d-teţţmektiḍ
ad yuγal ma d-yalli ṣbaḥ
fellam a d-yeγli yiḍ,

mi twallaḍ fellam ţţruγ
tγilleḍ medden akw ţţrun,
mi twallaḍ fellam ḥekuγ
tγilleḍ medden a ḥekun,
ih, ruḥ eğğ-iyi, ma taεyiḍ
a-ţţ-afeḍ wa dgem yaεyun…

fhemγ tbedleḍ laεqel
d-abrid ajdid i kem i bwin,
wisen d-zyada naγ qel
d-lweqt a d-am d-yinnin,

mi twallaḍ fellam ţţruγ
tγilleḍ medden akw ţţrun,
mi twallaḍ fellam ḥekuγ
tγilleḍ medden a ḥekun,
ih, ruḥ eğğ-iyi, ma taεyiḍ
a-ţţ-afeḍ wa dgem yaεyun…




Transcription : Icerfan
Modif’s : le 25.12.10

[Icerfan]

Sameḥt-as

Sameḥt-as yegul s-lḥir
muqlet γer wid t-i-sḥenten,
qeṣdent-id mačči d-uffir
γer lmut i t-id-sextaren,
ma yeneq usaru leḥrir
i neq ulla d-aṣaγwen,

sameḥt-as yebwit yeγẓeṛ
muqlet γer wid t-i-ṣawḍen,
mebεid s-tjjur yeṣeṛ
mi g-bweḍ cudd(e)n-as allen,
ixuṣ-as lukan yeẓweṛ
tardast naγ immi b-ucen,

sameḥt-as ayen d-yenna
muqlet wi t-id-i-sneṭqen,
sbeddent-id sufella
d-akwesar is d-seknen,
nnan-as : « ruḥed s-wada
ar d-ak d-iban d-asawen »

sameḥt-as mi g-derγel
si zdaxel i l-ad-yeţţwali,
deg (seg²) ul-is ayen yenṭel
dayen ur neḥwağğ tamuγli,
ma tebγam tebrek, temlel,
ceḍḥet neţţa ad i γenni,

xtir abrid ur nmal
ma tebγiḍ lehna g-ixef-ik,
l-ad-qaren : « d-ras lmal »
isin anwa ay d-lḥed-ik,
naγ xtir eğğ-aγ-d awal
ay εaycen deg umkan-ik,

ameslay ḥed ur t-ineq
wamag lεebd i ţţmeţţat,
ameslay ma d-yeṭeṛḍeq
lğğil i t-yebγan yufat,
waqila xir lmenṭeq
innit-id qebl ur k-ifat…



Transcription : Icerfan
Modif's : le 25.12.10