Sahel  
ur-t laq ara tatut; tajmilt i Muḥya akw d ǧaεuṭ Taher.... que la terre leur soit légère

Précédent   Sahel > Crif xeddam, Ferḥat, Lunis, lwennas et Muḥya > Lunis Ait Menguellet

Lunis Ait Menguellet Amedaḥ

Discussion fermée
 
Outils de la discussion Modes d'affichage
  #1  
Vieux 30/05/2011, 22h35
Avatar de Icerfan
Icerfan Icerfan est déconnecté
Werisem
 
Date d'inscription: mai 2011
Messages: 2 017
Par défaut Telt yam

Telt yam

D-acu iwumi cfiγ ?
siwa telt yam di lεemr-iw…

as amenzu,
ul-iw yezha,
amzun yelli-d s-sarut,
yebγa ad yecnu,
γef tin yeẓṛa,
yefaq s-lwerd di tefsut,
yugwi ad yeţţu,
xas tεedda,
d-lemḥiba-s tamezwarut…

deg was wis sin,
ḥefḍeγ leḥzen,
ḥefḍeγ d-acu ig swa ṭlam,
usan ţţin,
amzun ḥebsen,
ya wid ijerben, teẓṛa-m,
mi t-i-d-bwin,
ţţrun medden,
yemmut wi εzizen γef xxam,

wis tlata,
cfiγ fellas,
beqeγ slam i lebγ-iw,
d-tameγra,
nnan d-lsas,
serbeḥn-iyi, d-zwağğ-iw,
leḥbab merra,
wis ma faq(e)n-as,
mi d i-d-εezan di temẓi-w ?


d-acu yeẓṛiγ ?
d-acu iwumi cfiγ ?
siwa telt yam di lεemr-iw…
anida ddiγ ?
anida lḥiγ ?
d-usan ig zdeγn ul-iw…

as amenzu,
ul-iw yezha,
amzun yelli-d s-sarut,
yebγa ad yecnu
γef tin yeẓṛa
yefaq s-lwerd di tefsut,
yugwi ad yeţţu
xas tεedda
d-lemḥiba-s tamezwarut…

d-acu yeẓṛiγ ?
d-acu iwumi cfiγ ?
siwa telt yam di lεemr-iw…
anida ddiγ ?
anida lḥiγ ?
d-usan ig zdeγn ul-iw…

deg was wis sin,
ḥefḍeγ leḥzen,
ḥefḍeγ d-acu ig swa ṭlam,
usan ţţin,
amzun ḥebsen,
ya wid ijerben, teẓṛa-m,
mi t-i-d-bwin,
ţţrun medden,
yemmut wi εzizen γef xxam,

d-acu yeẓṛiγ ?
d-acu iwumi cfiγ ?
siwa telt yam di lεemr-iw…
anida ddiγ ?
anida lḥiγ ?
d-usan ig zdeγn ul-iw…

wis tlata,
cfiγ fellas,
beqeγ slam i lebγ-iw,
d-tameγra,
nnan d-lsas,
serbeḥn-iyi, d-zwağğ-iw,
leḥbab mara,
wis ma faq(e)n-as,
mi d i-d-εezan di temẓi-w ?



Transcription : Icerfan
Modif’s : le 25.12.10
  #2  
Vieux 30/05/2011, 22h36
Avatar de Icerfan
Icerfan Icerfan est déconnecté
Werisem
 
Date d'inscription: mai 2011
Messages: 2 017
Par défaut

Nuγeγ yidek

Nuγeγ yidek a yul-iw
ugwadeγ a-ţţ-gluḍ yesi,
d-lḥeq-ik, nek d-lḥeq-iw
a nenneγ mebla anagi,

tjebed-ḍ-iyi am dkir
kecmeγ di lḥebs b-wallen-im,
d-lḥebs i γeṛqen am lbir
tabburt-is d-lecfar-im,
ṣura-w tebγa a-ţţ-ifrir
γas ul-iw yebγa a n-yeqim,
tesεiḍ abrid yetseḥir
aḥlil wi g-ḥuza ifer-im,

nuγeγ yidek a yul-iw
ugwadeγ a-ţţ-gluḍ yisi,
d-lḥeq-ik, nek d-lḥeq-iw
a nenneγ mebla anagi…


i kerh-iyi wul-iw aṭas
mi kerheγ tinna i ḥemmel,
yebγa ad yedu di lğğerra-s
ugwadeγ a t-iffeγ laεqel,
zgiγ fellas d-aεesas
ţţεaseγ amer ad yenγel,
ma rran timedlin fellas
ẓṛiγ nek yides a nenṭel,

nuγeγ yidek a yul-iw
ugwadeγ a-ţţ-gluḍ yisi,
d-lḥeq-ik, nek d-lḥeq-iw
a nenneγ mebla anagi…


tkerheḍ ul ur nesεi-ara ul
kerheγ-t imi kem i ḥemel,
γas d-ṣuṛa-w yedukul
lehdur-iw yugwi a sen yesel,
tiṭ tkerhiţţ, teţţmuqul
ul iḥemliţţ, yederγel,
lehlak-ik mazal i ḍul
imi teferḍ zdaxel,

nuγeγ yidek a yul-iw
ugwadeγ a-ţţ-gluḍ yisi,
d-lḥeq-ik, nek d-lḥeq-iw
a nenneγ mebla anagi…




Transcription : Icerfan
Modif’s : le 25.12.10
  #3  
Vieux 30/05/2011, 22h37
Avatar de Icerfan
Icerfan Icerfan est déconnecté
Werisem
 
Date d'inscription: mai 2011
Messages: 2 017
Par défaut

Ṣeḍlemḍ-iyi


Lemḥiba-nneγ teţţwaqed
di lkanun tegr' i wurγu,
s-yesγaren teţţwased
aken yiwen ur ţţ-i-snusu,
dexxan deg genni ad yebded
alama yelḥeq s-agu,
times-is a d-teğğ iγed
iγed-nni at i dem w-aḍu…

iγed-nni a yedem w-aḍu
ad izerε zat wexxam,
a d-yemγi lwerd ad yefsu
a d-imetel di ṣifa-m,
nek ad uγalaγ d-agu
si nigem am d-hduγ slam,
leḥcic am yuγal d-usu
igenni d-aεdil fellam…



tseḍlemḍ-iyi ur ḍelmeγ
xas ḍelmeγ mebla lebγi,
semḥ-iyi aken d-am semḥeγ
a tin aεzizen felli…

lemḥiba-nneγ teţţwaqed
di lkanun tegr(a) i wurγu,
s-yesγaren teţţwased
aken yiwen ur ţţ-i-snusu,
dexxan deg genni ad yebded
alama yelḥeq s-agu,
times-is a d-teğğ iγed
iγed-nni at i dem w-aḍu…

tseḍlemḍ-iyi ur ḍelmeγ
xas ḍelmeγ mebla lebγi,
semḥ-iyi aken d-am semḥeγ
a tin aεzizen felli…


iγed-nni a yedem w-aḍu
ad izerε zat wexxam,
a d-yemγi lwerd ad yefsu
a d-imetel di ṣifa-m,
nek ad uγalaγ d-agu
si nigem am d-hduγ slam,
leḥcic am yuγal d-usu
igenni d-aεdil fellam…

tseḍlemḍ-iyi ur ḍelmeγ
xas ḍelmeγ mebla lebγi,
semḥ-iyi aken d-am semḥeγ
a tin aεzizen felli…


a d-tas teslit b-wenẓaṛ
as tefk i lwerd lfuḍa-s,
lebraq a d-iwet am lefnaṛ
a d-ibegen ṣifa-s,
lehwa-s d-iḥegun aẓaṛ
d-nek a t-id-yaznen fellas,
a tin mi d-zin lenwaṛ
a d-am illiγ d-aεesas…

tseḍlemḍ-iyi ur ḍelmeγ
xas ḍelmeγ mebla lebγi,
semḥ-iyi aken d-am semḥeγ
a tin aεzizen felli…


atan unebdu yebwḍeḍ
yebwḍed was-iw d was-im,
nek seg genni a d-iyi-sfeḍ
kem am yeserγ afriwen-im,
ğğiγ-kem a d-it-semḥeḍ
xas fehmiţţ deg iman-im,
lemḥiba-w γrem teγleḍ
tusad tεeda ur teqim…

tseḍlemḍ-iyi ur ḍelmeγ
xas ḍelmeγ mebla lebγi,
semḥ-iyi aken d-am semḥeγ
a tin aεzizen felli…



Transcription : Icerfan
Modif' : 25.12.10
  #4  
Vieux 30/05/2011, 22h37
Avatar de Icerfan
Icerfan Icerfan est déconnecté
Werisem
 
Date d'inscription: mai 2011
Messages: 2 017
Par défaut

Igenni-m

Deg iγes ur d-yegwri wadif
isufeγ-it wurif
uḥeq kra i kwen i d-yesawḍen,

cbiγ agadir s-asif
d-isegxen s-lḥif
bwin-t waman d-asawen


igenni-m trekbit tawla
ur tefhimeγ-ara
mi d-yerra amendil yeḥmeq,
ur d-yefki tafat naγ lehwa
ur iban-ara
ur yeğği iṭij ad yecreq,

ma nniγ «ih», tenniḍ «ala»,
ur tezriḍ-ara
degneγ anwa ig sεan lḥeq,
ul-im d-aẓṛu n-tnica
budγ-as lmina
as ţţendiγ ad i feleq…

ma yella kra εetbeγ yebwi-d
aha begnit-id
a neẓṛ anda dan lecγal,
ayen im nniγ, ma tḥesḍ-iyi-d
aha εiwdit-id
bedelγ dehb s wuffal,

imi d-aḍu yebwikem-id
γuri i sersikem-id
teẓenẓḍ aṣurdi s ryel,
awid amezir, awid
s-ul-iw ferḍit-id
ad yefsus seg yir awal…

a yaken xedmeγ kif kif
xas yebwiyi nnif
banen-d iberdan malen,
kul ma yali was ya laṭif
cerweγ besif
seg wayen a qablent wallen,

deg iγes ur d-yegwri wadif
i suffeγ-it wurrif
uḥeq kra i kwen i d-yesawḍen
cbiγ agadir s-asif
d-isegxen s-lḥif
bwint waman d-asawen…



Transcription : Icerfan
Modif’s : le 25.12.10
  #5  
Vieux 30/05/2011, 22h38
Avatar de Icerfan
Icerfan Icerfan est déconnecté
Werisem
 
Date d'inscription: mai 2011
Messages: 2 017
Par défaut

A win iqazen iẓekwan

A win iqaẓen iẓekwan
nhelk ur nuksan
ak ḍelbeγ yiwet lḥaǧǧa,
a nruḥ γer yiwen wemkan
laεbad ur teẓṛan
bexlaf win turz lmeḥna,

acḥal b-wid t-inudan,
ar asa ur tufan
nek ẓṛiγ anda yella,
tafat fellaneγ tḥawel
γurek aha γiwel
skefl-iyi-d aẓeka,
zehr-iw isem-is fiḥel
muqel anda yenṭel
isem-is (γe)f tmedlin yella,
ţţxilek a t-id-nesekfel
iwaken a nmuqel
ma yefuk naγ mazal yerka…

a win yeqaẓn iẓekwan
ker a nruḥ a d-nesekfel,
zehr i ruḥen ur iban
ufiγ anida yenṭel…


d-cfaya b-win meẓiyen
ur teţţuγ-ara as-nni,
bwint-id bγir lekwfen
εeddan akin i tizi,
ur d-as d-bwin imrabḍen
ur run fell-as lγaci,
d-zehr-iw ig muten
neṭlent meskin d-ilemẓi,

a win yeqaẓn iẓekwan
ker a nruḥ a d-nesekfel,
zehr i ruḥen ur iban
ufiγ anida yenṭel…


di tqerabt ger iẓekwan
ibwas i d-iban later-is,
ţţεediγ mkul lawan
iwaken ad qeglaγ s-ixef-is,
yenna-yas win d-iεeddan :
“meskin yemut zehr-is,
i tura d acu is d-yegwran ?
d-acu ig sεa d-aεwin-is ?”

a win yeqaẓn iẓekwan
ker a nruḥ a d-nesekfel,
zehr i ruḥen ur iban
ufiγ anida yenṭel…


a win yeqaẓen iẓekwan
ahat mazal-d ruḥ-is ?
as nekes akal d-as εeban
ad iẓeṛ iṭij s-wallen-is,
wisen amek is xedmen wusan ?
ma ǧǧan ad yeḥbek wul-is ?
ma nufa iγsan-is arkan
neṭl-iyi deg umkan-is…

win yeqaẓn iẓekwan
ker a nruḥ a d-nesekfel,
zehr i ruḥen ur iban
ufiγ anida yenṭel…




Transcription : Icerfan
modif’s : le 25.12.10
  #6  
Vieux 30/05/2011, 22h39
Avatar de Icerfan
Icerfan Icerfan est déconnecté
Werisem
 
Date d'inscription: mai 2011
Messages: 2 017
Par défaut

Taγzalt

Rriγ s-ul-iw yesefra,
d-acu di yenna ?
« nγan-t-iyi tmucuha-k… »

ayen (γe)f i d-yezem yella,
nṭeṛeγ yeẓṛa,
mi εiceγ defir cbak…

tasarut ur ţţ-nufa,
tḍuleγ tufγa,
a yul ru, wa d-ruγ fellak…


taγzalt ig zdeγn ul-iw
mazali faqeγ,
tesufeγ-iyi si lεeql-iw
kul mi ţţ-id-fekreγ…

γ(u)ri teẓleḍ-d afus-im
tkelxeḍ felli,
nek γileγ ul-iw d wul-im
ad qablen kulci,
texḍeεḍ-iyi s-zin-im
wekkelγ-am Rebbi…

taγzalt ig zdeγn ul-iw
mazali faqeγ,
tesufeγ-iyi si lεeql-iw
kul mi ţţ-id-fekreγ…


waleγ-ţţ tusa-d di tmeγra
walanteţţ wallen-iw,
tif γuri dunit mara
yemekti-d wul-iw,
ruḥ a kem ţţuγ tamara
yugwi-kem zehr-iw…

taγzalt ig zdeγn ul-iw
mazali faqeγ,
tesufeγ-iyi si lεeql-iw
kul mi ţţ-id-fekreγ…


teğğa yesleb wi ţţ-yumnen
ul’ i d-as yinni,
tmeḥn-iyi, ẓṛan medden
qbelγ-as kulci,
wisen wi tebγa niḍen ?
mačči d-nekini…

taγzalt ig zdeγn ul-iw
mazali faqeγ,
tesufeγ-iyi si lεeql-iw
kul mi ţţ-id-fekreγ…


udem-im yezga ger wallen-iw
i tedu yidi,
fellam i sebleγ temẓi-w
ṛwiγ lemḥani,
kemmel kan i leγbayen-iw
uγeγ tanumi…

taγzalt ig zdeγn ul-iw
mazali faqeγ,
tesufeγ-iyi si lεeql-iw
kul mi ţţ-id-fekreγ…




Transcription : Icerfan
Modif’s : le 25.12.10
Discussion fermée

Outils de la discussion
Modes d'affichage

Règles de messages
You may not post new threads
You may not post replies
You may not post attachments
You may not edit your posts

BB code is oui
Les smileys sont activés : oui
La balise [IMG] est activée : oui
Le code HTML peut être employé : non

Navigation rapide


Fuseau horaire GMT +2. Il est actuellement 23h53.


Édité par : vBulletin® version 3.8.0
Copyright ©2000 - 2024, Jelsoft Enterprises Ltd. Tous droits réservés.
Version française #13 par l'association vBulletin francophone
Sahelkabylie-infos.com