Sahel  
ur-t laq ara tatut; tajmilt i Muḥya akw d ǧaεuṭ Taher.... que la terre leur soit légère

Précédent   Sahel > Crif xeddam, Ferḥat, Lunis, lwennas et Muḥya > Lunis Ait Menguellet

Lunis Ait Menguellet Amedaḥ

Discussion fermée
 
Outils de la discussion Modes d'affichage
  #1  
Vieux 30/05/2011, 22h40
Avatar de Icerfan
Icerfan Icerfan est déconnecté
Werisem
 
Date d'inscription: mai 2011
Messages: 2 017
Par défaut Amacahu

A dunit-iw


A dunit-iw
xedmeγ-am leḥsab γelṭeγ
mačči aka a yebniγ fellam,
a dunit-iw
dliγ (γ)ef leḥsab xedmeγ
ziγ mačči d-tin ay d-ṣifa-m,
ẓṛiγ tebrek
mi g-laq ad ẓṛeγ temlel,
ẓṛiγ lḥeq
mi g-laq ad ẓṛeγ lbaṭel,


a dunit-iw
leḥsab yakw xedmeγ yebṭel
kra d-ikfeln a nεiwed a tnenṭel,
a dunit-iw
leḥsab yakw xedmeγ yebṭel
kra ig nṭeln at i d-nesekfel,


xas m(e)l-iyi-d
d-acu i d-lekdeb ? d-acu i d-ṣeḥ ?
ḥemmleγ lekdeb
kul m’ar a d-id-yesefṛeḥ,
a dunit-iw
teṛefṛaḥd-iyi s-lekdeb
teṛiṭ d-ṣelṭan lehdur,
a dunit-iw
tesbaneḍ tideţţ tesleb
geranneγ tebniḍ ṣuṛ,
ḍelbeγ tideţţ
tenniḍ-d : “iya ak ţţ-sekneγ”,
nebwḍed γer tideţţ
am tgelzimt dges εefseγ,

a dunit-iw
leḥsab yakw xedmeγ yebṭel
kra d-ikfeln a nεiwed a tnenṭel,
a dunit-iw
leḥsab yakw xedmeγ yebṭel
kra ig nṭeln at i d-nesekfel,


mi d-yebweḍ yiḍ
ad tcegeε tirga s-γuri,
mi d-yebweḍ yiḍ
ma ţţuγ-ţţ a d-id-smekti,
a dunit-iw
urgeγ lwerd azegwaγ
tesufγeḍ targit s-idamen,
a dunit-iw
urgeγ lwerd amellal
idamen-nni zin-d i lekwfen,
ulla d-ţţargit
tufiḍ-as sanga teffeγ,
mi urgeγ la ţţruγ
ahat asen ad ferḥeγ,

a dunit-iw
leḥsab yakw xedmeγ yebṭel
kra d-ikfeln a nεiwed a tnenṭel,
a dunit-iw
leḥsab yakw xedmeγ yebṭel
kra ig nṭeln at i d-nesekfel,


ma yehwayam
kra ig qrebn a terreḍ ur yeqrib,
ma yehwayam
aεdaw a t-id-terreḍ d-aḥbib,
a dunit-iw
ziγ d-kem i d-iyi-ṭfen
im yehwan at xedmeḍ yesi,
a dunit-iw
ziγ d-kem i d-imen
im yehwan a ţţ-ḥeţţmeḍ felli,
acḥal γileγ
ger ifasen-iw i telliḍ,
ur εlimeγ
s-ifasen-im i d-iterriḍ,

a dunit-iw
nig uqeru-w tezgiḍ
anida lliγ, telliḍ yidi,
a dunit-iw
am sif i cuden s-lxiḍ
mi d-iqeṛṣ a tegluḍ yesi…



Transcription : Icerfan
Modif’s : le 25.12.10
  #2  
Vieux 30/05/2011, 22h40
Avatar de Icerfan
Icerfan Icerfan est déconnecté
Werisem
 
Date d'inscription: mai 2011
Messages: 2 017
Par défaut

Amacahu


Amkan yuγal
d-lḥebs iwumi erran uzal
medlent fellaγ tebbura,
ma d-nsawal
qareneγ, ma d-aγ d-arren awal :
« susem-t skud i nella ! »

amacahu…
γef temgaṛṭ ma yers lmus
i tideţţ ma (a)d-teffeγ imi…
amachu…
γef (w)in yefkan aqaṛu-s
ur steqsan medden acimi…

fkan afus
widak s-inumen iḍelli,
weṣan si zik
γef temεict n-daw uḍaṛ
aken anegaru a d-yerr tṣaṛ,

kr(a) i daγ nnan
ulla d-abrid iγ mlan
wisen sani ig ţţawi ?
nejmaεn, kfan,
γef iqerra-nneγ i ţţ-fran
nutni ẓṛan, nekwni ur neẓṛi,

amacahu…
s-cac ma (a)γ mdeln allen
yerna qaren i medden : « ţţwalin…»
amacahu…
neţţwali kan ay d-qaren
neţţruḥu kan sanda (a)γ awin…

yibwas wisen
tadukli ar a d-yesteqsin,
weṣan si zik
γef temεict n-daw uḍaṛ
aken anegaru a d-yerr tṣaṛ,

tura nekfa
neţţara-ţţ ala i tmucuha,
nḥeku γef (w)in i d-yeğğan isem-is,
zik amek yella ?
qaren-as : « d-mmi-s n tseda
ur yaεfis ḥef (γe)f uḍaṛ-is »,

amacahu…
adrar as mi d-yerra ṣut
lhiba-s tebwḍed s-arraw-is…
amacahu…
s-yedmaren i ţţqabalen lmut
saεraqn i waεdaw later-is…

i tneggarut ?
amek ar a yefru ṣuq-is ?
weṣan si zik
γef temεict n-daw uḍaṛ
aken anegaru a d-yerr tṣaṛ…


Transcription : Icerfan
Modif’s : le 25.12.10
  #3  
Vieux 30/05/2011, 22h41
Avatar de Icerfan
Icerfan Icerfan est déconnecté
Werisem
 
Date d'inscription: mai 2011
Messages: 2 017
Par défaut

Lxuf

A yas mi la-ţţnadiγ di ṭlam
a tafat ur d-id-tṣaḥeḍ,
ṣaγen-ţţ-id wid nesaram
kečč a gma a ţţ-i-d-tesenseḍ,
zwaren dgek at wexxam
xas aken la tesarameḍ,
uuuhhh…
nnan-t di zman :
« lxuf yekad si laman… »

as mi n-ufiγ agraw yeččur
susmen, ugwin ad cnun,
εreqn-asen ulla d-lehdur
wehmeγ d-acu la ţţrağğun,
ziγ kul yiwen i kukra maεḍuṛ
i ţţrağğu wa ţţ-id-yebdun,
uuuhhh…
xas tugwadem
ad rewlen ma teduklem…

lğğerḥ i tabaε wayeḍ
nṭeṛeγ d-dwa yella,
sawelγak a gma tγabeḍ
ufiγ yakw tagmaţţ teḥfa,
ma tḥulfaḍ s-udfel ṣemmeḍ
a win yeṭṣen di trakna ?
uuuhhh…
d-iṭij, d-agris,
kul wa yelha-d d-ceγwl-is…

a win i leḥun deg iḍ
dug zal d-acu tegwadeḍ ?
bexlef ṭlam d usemmiḍ
d-acu lweḥc i d-temlaleḍ ?
muqel di lemri a twaliḍ
ak d-iban win (γe)f i tregwleḍ,
d-iman nwen
i tugwadem a d-temlilem…

a win yugwaden tideţţ
mi ţţ-tegzemḍ ad yaγ uẓaṛ,
tezriḍ gma-k di tcerkeţţ
tenniḍ aken ig xtaṛ,
yibwas a-tbedel twerqeţţ
d-kečč ar a ḥebsen leṣwaṛ,
asen, a-tinniḍ :
« a tideţţ anda telliḍ ? »

a win yeţţagwaden uzal
lmut yides i teţţiliḍ,
ur tneṭeq, ur tesawal
am tili-k i ţţ-teţţawiḍ,
yibwas yidek a d-temqabal
as m(i) ar ak-id-yer lḥiḍ,
sani a taṛeḍ ?
m(a) ur tenγiḍ, ar d-a-tmteḍ…

a win yeţţagwaden cwal
i lehna s-wacu i d-teţţas ?
ḥaca neţţa iwumi tesawal
kul ma a ţţ-id-qeṣḍen γ(er) lsas,
i tejra-nni ig feţţu lḥal
d-cetwa ig εedan fellas,
ur thennaḍ,
alami εeţţben wiyaḍ…

Transcription : Icerfan
Modif's : le 25.12.10
  #4  
Vieux 30/05/2011, 22h43
Avatar de Icerfan
Icerfan Icerfan est déconnecté
Werisem
 
Date d'inscription: mai 2011
Messages: 2 017
Par défaut

Eṭes, eṭes

A win iwumi g-ruḥ yiḍes
di tmurt-nneγ ar a tafeḍ,
nḥemlit, neţţaf γures
i melkeγ, ḥader aγ tekseḍ,
win ig bγan a d-yakwi
a t-ner s-iḍes, a d-as ninni :
« eṭes, eṭes, mazal lḥal,
mačči d-kečč ig ṣeḥ wawal !»

krem-t a Tiqbayliyin
awimt-iyi-d taciṭa,
ansi ar a yi-ţţ-id-awimt ?
awimt-ţţ-id si Meka,
win iwumi a nesbuḥru yes
ad yeṭes, ur d-yeţţakwi-ara...

« eṭes, eṭes, mazal lḥal,
mačči d-kečč ig ṣeḥ wawal !»
a win iwumi g-ruḥ yiḍes
di tmurt-nneγ ar a tafeḍ,
nḥemlit, neţţaf γures
i melkeγ, ḥader aγ tekseḍ,
win ig bγan a d-yakwi
a t-ner s-iḍes, a d-as ninni :
« eṭes, eṭes, mazal lḥal,
mačči d-kečč ig ṣeḥ wawal !»


γer temdint n Cam γewwes
ţţxilek a yitbir ukyis,
awid lḥerz g-iḍes
win iwumi ig qeεd lḥeṛf-is,
mi d-yukwi, a t-id-yaf γres
mi t-yeẓṛa ad medlent wallen-is,

« eṭes, eṭes, mazal lḥal,
mačči d-kečč ig ṣeḥ wawal !»
a win iwumi g-ruḥ yiḍes
di tmurt-nneγ ar a tafeḍ,
nḥemlit, neţţaf γures
i melkeγ, ḥader aγ tekseḍ,
win ig bγan a d-yakwi
a t-ner s-iḍes, a d-as ninni :
« eṭes, eṭes, mazal lḥal,
mačči d-kečč ig ṣeḥ wawal !»


bdu-d i Maṣaṛ si rrif
a ṭiṛ ak weṣiγ γursen,
innasen : « isnedyaq n lkif
iγ d-tcegεem neṭfiten »
intasen : « ekes-t aγilif
widen i tugwadem akw ṭṣen »

« eṭes, eṭes, mazal lḥal,
mačči d-kečč ig ṣeḥ wawal !»
a win iwumi g-ruḥ yiḍes
di tmurt-nneγ ar a tafeḍ,
nḥemlit, neţţaf γures
i melkeγ, ḥader aγ tekseḍ,
win ig bγan a d-yakwi
a t-ner s-iḍes, a d-as ninni :
« eṭes, eṭes, mazal lḥal,
mačči d-kečč ig ṣeḥ wawal !»


zuznen-k almi teṭṣeḍ
aran fellak taduli,
yella sekra ar a t-ḍelbeḍ
di targit yeshel kulci,
mdel tiṭ-ik, tuγaleḍ
amer ak-id-nesakwi…

« eṭes, eṭes, mazal lḥal,
mačči d-kečč ig ṣeḥ wawal !»
a win iwumi g-ruḥ yiḍes
di tmurt-nneγ ar a tafeḍ,
nḥemlit, neţţaf γures
i melkeγ, ḥader aγ tekseḍ,
win ig bγan a d-yakwi
a t-ner s-iḍes, a d-as ninni :
« eṭes, eṭes, mazal lḥal,
mačči d-kečč ig ṣeḥ wawal !»




Transcription : Icerfan
Modif’s : le 25.12.10
  #5  
Vieux 30/05/2011, 22h44
Avatar de Icerfan
Icerfan Icerfan est déconnecté
Werisem
 
Date d'inscription: mai 2011
Messages: 2 017
Par défaut

Innas i gma

Innas i gma wer neẓṛi
mačči s-tmuγli
at cebwleḍ lebḥer yersen,
jbed-d arεud igenni
lehwa d ubruri
asemmiḍ d ideflawen,
tezged-d mbεid s-tmuγli
a t-zeṛḍ as-nni
walli lembwaber a yγerqen...


anida-t webrid
neţţrağğu mazal nufa ?
anida-ţţ tideţţ
teţţnadi wer d-aγ tufa ?
anga-t lbaṭel
yeţţaken lğğehd i tlufa ?
win ur teţţnadi
tezṛiḍ γurek i d-yestufa,
arwu taguni
tinnḍ-as : " isehl i twaksa ",

ma yeḥmu wul-iw
iṭij γer lğğiha-s yiwwet,
tasa-w tedduri
teqim i wegris semḍet,
ma teḥmu tasa-w
iṭij fell-as i d-yecreq,
ul-iw yedduri
s-ugris yebγa ad iceqeq…


ad ak galleγ
uḥeq ayen if ur tebniḍ,
ad ak galleγ
ar ayen aεzizen ur teẓṛiḍ,
siwa ma tekseḍ
targit-nni deg i teγliḍ,
ma yella tẓewṛeḍ
a-ţţ-tefreḍ s-ayen tebγiḍ,
ma yella tfehmeḍ
kul gma-k ar d-as tinniḍ,

ma yeḥmu wul-iw
iṭij γer lğğiha-s yiwwet,
tasa-w tedduri
teqim i wegris semḍet,
ma teḥmu tasa-w
iṭij fell-as id yecreq,
ul-iw yedduri
s-ugris yebγa ad iceqeq…


azaglu yaṛẓen
neţţrağğu ak εiwden wayeḍ,
kul agu yeksen
gma-s ak-id-yeṣiweḍ,
kul afus ik yewten
m-ik yeself ad as teḍṣeḍ,
a win yeţţwarzen
iğğehd rebg si teqneḍ,
afus k-icudden
suden-it uqbel a tγeẓeḍ,

ma yeḥmu wul-iw
iṭij γer lğğiha-s yiwwet,
tasa-w tedduri
teqim i wegris semḍet,
ma teḥmu tasa-w
iṭij fell-as id yecreq,
ul-iw yedduri
s-ugris yebγa ad iceqeq...



Transcription : Icerfan
Modif’s : le 25.12.10
Discussion fermée

Outils de la discussion
Modes d'affichage

Règles de messages
You may not post new threads
You may not post replies
You may not post attachments
You may not edit your posts

BB code is oui
Les smileys sont activés : oui
La balise [IMG] est activée : oui
Le code HTML peut être employé : non

Navigation rapide


Fuseau horaire GMT +2. Il est actuellement 08h11.


Édité par : vBulletin® version 3.8.0
Copyright ©2000 - 2024, Jelsoft Enterprises Ltd. Tous droits réservés.
Version française #13 par l'association vBulletin francophone
Sahelkabylie-infos.com