Sahel  
ur-t laq ara tatut; tajmilt i Muḥya akw d ǧaεuṭ Taher.... que la terre leur soit légère

Précédent   Sahel > Crif xeddam, Ferḥat, Lunis, lwennas et Muḥya > Lunis Ait Menguellet

Lunis Ait Menguellet Amedaḥ

Discussion fermée
 
Outils de la discussion Modes d'affichage
  #1  
Vieux 30/05/2011, 22h59
Avatar de Icerfan
Icerfan Icerfan est déconnecté
Werisem
 
Date d'inscription: mai 2011
Messages: 2 017
Par défaut Acimi ?

Acimi ?


Leqrun ig εedan, εedan,
mazal wiyeḍ defir-sen,
ur neẓṛi d-acu n-ğğan,
ur neẓṛi d-acu ar d-ğğen,
ahat s-wayen yellan
a nefhem d-acu i d-aγ yuγen ?
ahat d-ajenwi iγ yezlan
d-netta a d-aγ d-isekren ?


win iγ d-yusan
yebwi-d Rebbi-s d-amεiwen,
anga i d-aγ d-ufan
iγ ğğan wid i ruḥen,
kemeln i d-yugwran
ulla d-Rebbi d-ayla nsen !
acimi ? acimi ? acimi ?

tafat tefrari
mkul lğğiha tecreq,
cedda tefsi
γef wid inudan lḥeq
yiwen ur d-aγ d-yenni
ma d-tas nuba a nenṭeq…
acimi ? acimi ? acimi ?

yiwen ma yeffreγ
awid kan ad yilli nsen,
at erren a d-yeffeγ
d-lemxeyer gerasen,
win yecḍen γurneγ
ketren γures ijenwiyen…
acimi ? acimi ? acimi ?

nuγal d-aεdawen
nettemcara(ε) geraneγ,
win i d-iruḥen
i refd iman-is yisneγ
γer leğğnas (n)iḍen
mechuret lefhama-nneγ…
acimi ? acimi ? acimi ?

sekra nzemr i cwal
mi g laq, ur s-nezmir-ara,
mi d-yewet uḥemmal
aγ yeğğ nebded mi g εeda,
γef tgucrar nuγal
zdat welγum di Ṣeḥṛa…
acimi ? acimi ? acimi ?

nsaεb i tikli
tikli-nneγ ur ttnefhim-ara,
nesaεb i tdukli
ur nettemyaεqal-ara,
γas aken ur neγli,
leqrun ur γ-zmiren-ara…
acimi ? acimi ? acimi ?

ayen yelhan, ma nneγ,
a t-yeg Rebbi d-lemxeyyer,
a d-tek segneγ
a nezwir γures at neḥqer,
fellas a tt-nesbeγ
mebla ameyez d uciwer…
acimi ? acimi ? acimi ?

s-lmux d-yiles
nzemr a nḍeber γef lqum,
yiwen ur γ-tt-itekes
nzemr i uberez lehmum,
a wi ččan times
ṣeḥa di zehr-nneγ amcum !
acimi ? acimi ? acimi ?


Transcription : Icerfan
Modif’s : le 25.12.10
  #2  
Vieux 30/05/2011, 23h00
Avatar de Icerfan
Icerfan Icerfan est déconnecté
Werisem
 
Date d'inscription: mai 2011
Messages: 2 017
Par défaut

Lukan

Ma teγliḍ, meden akw inek,
ma trebḥeḍ, ḥed wer k-yesin,
aka i l-ak d-iban lqum,
a tṣegem dunit yisek
lukan am kečč ttilin
as tekes nuba i wemcum…

telhiḍ, amarezg-ik,
lukan am kečč ttilin,
ṣbeṛr d-ittbanen γef udem-ik
yettak lğğehd i umuḍin,
lxir ig zerε ufus-ik
medden akw seg-s ttawin,

ma teγliḍ, meden akw inek,
ma trebḥeḍ, ḥed wer k-yesin,
aka i l-ak d-iban lqum,
a tṣegem dunit yisek
lukan am kečč ttilin
as tekes nuba i wemcum…


dunit ma theḍreḍ fellas
tbaned d-ağğuğğeg b-usan,
lmut ma theḍreḍ fellas
tbanned d-innig ameqṛan,
i deg kul wa ad yaf ayla-s
akw d-zhu bγir lawan,

ma teγliḍ, meden akw inek,
ma trebḥeḍ, ḥed wer k-yesin,
aka i l-ak d-iban lqum,
a tṣegem dunit yisek
lukan am kečč ttilin
as tekes nuba i wemcum…


ma nsteqsa-k γef sirem
nettaf-it-id ar γurek,
ma nsteqsa-k γef lhem
nettaf-as-d dwa yisek,
tamurt-ik ur tesεi isem
kul tamurt amzun inek,

ma teγliḍ, meden akw inek,
ma trebḥeḍ, ḥed wer k-yesin,
aka i l-ak d-iban lqum,
a tṣegem dunit yisek
lukan am kečč ttilin
as tekes nuba i wemcum…


ur tqebleḍ tiseγlit
mullac ẓeṛb i wul-ik,
naγ lxilaf di tnaṣlit
ama yecbeḥ naγ berik,
γurek yemma-k d-dunit
lεibad-is d-atmaten-ik,

ma teγliḍ, meden akw inek,
ma trebḥeḍ, ḥed wer k-yesin,
aka i l-ak d-iban lqum,
a tṣegem dunit yisek
lukan am kečč ttilin
as tekes nuba i wemcum…


nsteqsat γef din-is,
a neddu yides, at netba(ε)
a neẓeṛ amek ig ga yisem-is,
isem-is nbi is yettẓalla,
mi nettrağğu lewjab-is
yezi aken udem-is, yeḍṣa…


Transcription : Icerfan
Modif’s : le 25.12.10
  #3  
Vieux 30/05/2011, 23h01
Avatar de Icerfan
Icerfan Icerfan est déconnecté
Werisem
 
Date d'inscription: mai 2011
Messages: 2 017
Par défaut

Tiyita

Melt-aγ a widen yesnen
ma ilaq a nebnu γef rmel ?
tameslayt deg ilsawen
ma ilaq a-tt-neğğ aγ terwel ?
a d-yef win ad-ilalen
ṣeḥ i waken ad ikemel,
mačči d-nekwni a-tt-ifaken
acḥal yettḍul lebni llaṣel…

d-leqrun mačči d-kra
i-tt-εusen amer a-t-xsi,
alarmi iγ d-tebweḍ asa
tirgit geraneγ i d-teγli,
kul wa d-asγer is d-yerna
iεawen-i-tt yis a d-teflali,
isγaren-nni a d-gen tafa
ajajiḥ deg genni ad yali,

anwa ar a ybedlen tikli-s
alama i bedel laṣel ?
anwa ar a yettun isem-is
s lebγi-s ar d-at yeγḍel ?
ma yeqebl ad iwet ufus-is
ad ihud dunit-is
xas d-aẓeka dges yenṭel,
anwa ay zenzen axam-is
arraw-is d watmaten-is ?
meyzet kan, sεut laεqel…

sεedit-tt di lmizan
weznet, steqsit, rğğut,
s-imir tinnim-d ayen yellan
ma yella ixerb-as ṣut,
γas aka ifaden-is aεyan
yettḥazat-id wayen iḍran
ẓeṛt ul-is mazal yemut,
yeẓṛa d-acu t-iḥuzan
a w-ur nefhim, mekt-id kan
taqsiṭ b-wezdud di teylut…

acḥal b-widak yecnan
kul wa amek i sxedm aqaru-s,
yak d-lεibad a yellan
kul wa da yezad, da ixuṣ,
a wid yeṭefn imegran
xas tegzem, ğğet iẓuṛan
mullac ka t-nedmem drus,
tt-mektited d Sliman
acaqur d tejra is yennan :
ẓṛiγ ansi d-tuγeḍ afus…

γas ma yella ad agwadeγ
mi d-tella sebba a-tt-nekes,
si mkul lğğiha ttewteγ
ayen ufiγ ad uwteγ yes,
muqleγ s-anida ar rreγ
defir i lebḥer selleγ
zdat aεdaw yesuqes,
ya Tariq ak nsiwleγ
lbabur i deg a rewleγ
zwir caεl dges timest...



Transcription : Icerfan
Modif’s : le 26.12.10
  #4  
Vieux 30/05/2011, 23h02
Avatar de Icerfan
Icerfan Icerfan est déconnecté
Werisem
 
Date d'inscription: mai 2011
Messages: 2 017
Par défaut

Wi d-iṛuḥen

Anwa i d-abrid a yuḥṛic ?
anwa i d-abrid a yuḥdiq ?
ma s-leḥdaqa a d-yas weḥric,
ma s-leḥraca a d-tafed aḥṛiq…

anwa i d-abrid a yungif ?
anwa i d-abrid a niyya ?
ṣbeṛ naγ azel, kif kif,
di tnac a teğğeḍ miyya…

aka i tḍeru d-win ik yecban
zaḍen ak garen awren,
at lbarud wi ten illan ?
d-acu id asen d-yeqimen ?


wali kan wi d-iruḥen ?
wi d-ikaten di teburt ?

muqel kan wi d-iruḥen
yak allen-iw ğğant-iyi,
yah a tamγart qabliten
kem meqar mazal iẓṛi,
fkiγ iẓṛi-w d-lwaεda
i waken ad wallin wiyeḍ,
ar asa aqlaγ kan da
a ntett aγrum d-asemmaḍ...


wali kan wi d-iruḥen ?
wi d-ikaten di teburt ?

d-acu a d-teqareḍ aka ?
ahat bwḍen-d yeḥbiben ?
acuγer a yarğğun asa
lukan di mazaliten ?
tagucrirt lemer tṣeḥa
ahat a d-aγ d–ttasen,
asmi ur d-yegwri dgenγ nfa(ε)
ulla d-abrid yettuten...


wali kan wi d-iruḥen ?
wi d-ikaten di teburt ?

d-acu a d-teqared aka ?
ahat d-irfiqen lğğihad ?
widen ruḥen di lfetna
wisen yiwen ma yegwrad…
xas ma yella wi d-yeqimen
ur yezmir a d-yas γuri,
lğğehd a t-id-yeṣiwḍen
ur d-as i d-yeğğa urumi...


wali kan wi d-iruḥen ?
wi d-ikaten di teburt ?

d-acu a d-teqared aka ?
ma d-ṭamen i d-iruḥen
ur yelli lexber yelha
ma d-winna a d-aγ d-isiwlen...
win(na) ur t-iqebel laεqel
d-yir lexber ig sugut,
rran-t amzun d-iḥiqel
ig sawalen i gma-s γer lmut…


wali kan wi d-iruḥen ?
wi d-ikaten di teburt ?

εawded kan d-acu d-nniḍ ?
ma d-gma ar a d-yesteqsin ?
as mi d-yenna lḥeq tecfiḍ
asen γer lḥebs i tebwin...
ur yezmir a d-yas γurneγ
ur nezmir a nruḥ γures,
ar asagi ahat cukeγ
ur yeεqil aεdaw ines…


wali kan wi d-iruḥen ?
wi d-ikaten di teburt ?

amek γer lgira niḍen
ayi-d-siwlen ad kreγ ?
yak teẓṛiḍ aεdawen fγen
anwaka ay d-axṣim-nneγ ?
wid yetett(e)n aksum nsen
awer d-xleqn segneγ,
awer d-aγ i d-yaf wasen
i deg a nennaγ geraneγ…


wali kan wi d-iruḥen ?
wi d-ikaten di teburt ?

mlid wi d-yekcemn aka ?
εawed-iyi-d aken ad sleγ…
bwin-iyi-d ciεa
γef yidmaren-iw a-tt-εelqeγ…
nek γileγ dunit tekfa
ur d-yegwri wara sirmeγ,
nek γileγ ur d-yeqim kra
ziγ mazal-iyi ad ḍseγ…



ziγ d-kunwi i d-iruḥen…



Transcription : Icerfan
Modif’s : le 25.12.10
Discussion fermée

Outils de la discussion
Modes d'affichage

Règles de messages
You may not post new threads
You may not post replies
You may not post attachments
You may not edit your posts

BB code is oui
Les smileys sont activés : oui
La balise [IMG] est activée : oui
Le code HTML peut être employé : non

Navigation rapide


Fuseau horaire GMT +2. Il est actuellement 22h51.


Édité par : vBulletin® version 3.8.0
Copyright ©2000 - 2024, Jelsoft Enterprises Ltd. Tous droits réservés.
Version française #13 par l'association vBulletin francophone
Sahelkabylie-infos.com