Sahel  
ur-t laq ara tatut; tajmilt i Muḥya akw d ǧaεuṭ Taher.... que la terre leur soit légère

Précédent   Sahel > Crif xeddam, Ferḥat, Lunis, lwennas et Muḥya > Lwennas Matoub

Lwennas Matoub Lwennas Matoub

Réponse
 
Outils de la discussion Modes d'affichage
  #1  
Vieux 08/06/2011, 17h33
Avatar de Icerfan
Icerfan Icerfan est déconnecté
Werisem
 
Date d'inscription: mai 2011
Messages: 2 017
Par défaut Tamedit b-was

Aka i d -dunit teḥṣiḍ
mi tγabeḍ, tefniḍ
ak rebbin medden tisas,
wamag as maken telliḍ
mi traεḍ ur tekniḍ
qaren-as : « i teţţ di lḥerma-s »,
felli as ma d-yeγli yiḍ
a m-timmi a-ţţ-walliḍ
f iεdawen-iw, ad yalli was…



qnent wallen-iw si lemraṛ
ugwint ak xeẓṛent maḍi,
melmi aka sent giḍ leqṛaṛ
aken ak narent tamuγli ?
tneǧṛeḍ terga i uxeṣaṛ
tsegx lǧeţţa, tγeli,
ah ! limer neţţemcawaṛ
tili ur nḥedr i tigi,

am lexyal bedeγ i ṣeṛṣaṛ
deg ul ţţṛebiγ iẓmi,
limer d-ik terbiḥ meqaṛ
as d-afeγ sebba i yixef-i,
teḍṛa yidek am yir ṣγaṛ
yurǧa lkanun d-inebgi,
ma ziγ γuṛek bwiγ lεaṛ
xas ad yeḍs wedrum felli,

seg mi d-nelḥa ur k ḍlimeγ
rriγ-n cada i yiri-k,
daw yifer-ik zgiγ zedleγ
susumeγ qebleγ lebγi-k,
asa dayen ndekwaleγ
ma d-kečč teǧǧak tezmart-ik,
γas tγaḍeḍ-iyi ad zewǧeγ
ur ţţγimeγ s-idis-ik,

nwiγ tceṛḍ-ik tyita
asa zdat-k d-asawen,
ziγ dgek ur d-yegwra wara
ǧǧan-k ulla d-imeṭawen,
tesembabayeḍ deg sufa
εeǧben-k, tzehuḍ yisen,
γas aken lǧeţţa-k tebwa
mazal tesmendageṭen…

***

txillem arǧu ur regwl-ara
d-kem i d-ţţafat-iw,
a d-id-yeţţban uẓeka
yebweḍ-d ṣefṛ-iw,
ul-iw yeqbeṛ, iceqeq
tekna tgecrirt-iw,
wa i εuden zman aγ yefṛeq
ahya taḥnint-iw ?

mačči dayen ar a d-ḥebseγ
a zerben wusan,
lǧeţţa-w ur s-zmireγ
laεyub degs γman,
ma ǧan-iyi widak ḥemmleγ
ur seḍlameγ zman,
lmuţţ mi d-nna : "ak γafreγ"
d-nek i-ţţ-yebγan,

ḍḥiγ-d ur sεiγ azal
ger widak ḥemmleγ,
εebbeγ azaglu n temsal
ur d-as zmireγ,
ulla d-zwaǧ n leḥlal
deg ul-is udreγ,
gliγ yis deg mureǧ n cwal
armi ţţ-smesxeγ,

yidem ẓriγ kulci yekfa
ur d-yegwra usirem,
tabburt n temẓ-iw tefla
aḍu as d-ikeččem,
ya ṣellaḥ nAt Dwala
ndehγ-n yiswen,
illit yidi daw lqaεa
ma d-yas wasen…



1996
Volume 1
Assirem


Transcription : Icerfan
Réponse avec citation
Réponse

Outils de la discussion
Modes d'affichage

Règles de messages
You may not post new threads
You may not post replies
You may not post attachments
You may not edit your posts

BB code is oui
Les smileys sont activés : oui
La balise [IMG] est activée : oui
Le code HTML peut être employé : non

Navigation rapide


Fuseau horaire GMT +2. Il est actuellement 15h02.


Édité par : vBulletin® version 3.8.0
Copyright ©2000 - 2024, Jelsoft Enterprises Ltd. Tous droits réservés.
Version française #13 par l'association vBulletin francophone
Sahelkabylie-infos.com