Imesdurar
Idurar, tideţţ cebḥen
s-uqeṛuy-iw ar cebḥen
ar cebḥen amzun d-llaẓ,
d-llaẓ akw i ten icebḥen
yeğğuğğug γef yedγaγen
idγaγen if i nejṭutel,
deg wayen cnan wid i zwaren
ar asa tideţţ teffer,
cbaḥa bwin-ţţ yedγaγen
llaẓ yeqim i wmesdurar,
imesdurar n twaγit
tawaγit tezzi-yasen
ala neţţat i ten i ḥemlen,
tḥemliten i tmeţţant
ţţmeţţaten γef ayen ur teţţen
akw d wid ar a ten yeččen,
sawalen-asen-d ad nγen
tinekriwin g imγiden,
iγallen m-ar a buren
awid wa ten yaγen,
ansi i d-yeka waya ?
ayagi yeka-d si tsiγrant,
tasihrant tameqwraḥant
i d-yekren deg ẓaγaṛ
yarẓan taxedimt deg wedrar,
anwa i d-amsedrar asa
i tsarwa tmurt-is ?
asagini, taγaṭ-is d-ţţacabcaqt uyefki,
asγaṛ-is d-ţţaqerεaţţ n lgaz,
tibḥirt-is d-ṣuq,
awid kan tadrimt,
anidaţţ ?
tadrimt treba aqacuc
di temdinin f izuγaṛ
izuγaṛ sufella idurar,
sayasen-ţţ-id iγallen
teţţenţţ ala at iεebaḍ
widak-nni iγ i teţţen,
ṭfen tamurt di Marikan,
di Rrus d wanda sawḍen,
tekan f wid mi ţţaken iγsan
iḍan wid iγ iḥekmen,
a yiγallen aken nella
nella d wid i buren
naγ d wid n luwzinat,
amennuγ iγ i cebwlen
mačči ger-anneγ a d-yas,
wid γi smarkayen anidat ?
ekert a nduklet fellas
a nefrut bway ger-anneγ,
dunit a-ţţ-bedel lsas
ad yalli yiṭij-nneγ…
Transcription : Icerfan
|