[Icerfan]

Asegwas


A widak yeγṛan
i ḥettben, rennun,
melteγ-d ayen i llan
d-acu iγ yettrağğun,
ur yelli wi ẓṛan
ayen i d-iteddun,
nqebl ayen i ḍṛan
nugwad a yeḍrun...

a widak yeẓṛan
di temsal ferun,
azeka b-usan
amek is ttḥulfum
ur yelli wi ẓṛan
ayen i d-itedun,
neqbel ka i d-nnan
negwad i d-rennun…

a wid ur negan
deg zal ttargun,
steqsit itran
ma wen tt-i-d-frun,
wer yelli wi ẓṛan
ayen i d-iteddun
s-ayen d-inulfan
d-acu a d–yenulfun ?

a widak yeslan
di lkaγeḍ srusun,
nsteqsaten kan
d-acimi ttarun ?
nann-d : i lukan
wid a yettrun ?
asagi akw cfan
azeka ad ttun...

teẓṛam ig xedem yilem
nreba-t, dges neγli,
neker i wuzlig at namen (?)
ma d-aγ yeḍmen taduli,
nerray-as i lbir lγem
ayen yefern ur d-ittwali,
mi nenwa ngezm-as sem
a yettimγuṛ di tili,
yal lbir yefeγ-d lhem
mi d-yufa zdat-s at yedhem,
ayen yelhan at yesedrem,
ayen n-diri, at yesali,

at ẓṛem ig xedem uṣexṣaṛ
ma yaγ amkan di tmusni,
yir awal ar d-at yeṣγaṛ
a d-yerr ugur di tsusmi,
yettimγuṛ, yullit yiqceṛ
ayen i fern, ur d-ittwali,
ur nukwi m-ig γum, yeṣeṛ
la yettimγur di tili,
m-ig qcer, yeffeγ-d ceṛ
sekra nugwad a tenẓeṛ,
m-ur nezmir at nwexxeṛ
aγ yedem yides aγ yawi,

a kra lejdud n tmurt-a
neẓṛa ur d-aγ d-tettwalim,
nettadrik-wen-id ur neẓṛa
ma telham naγ ur telhim,
deg-wen neḍleb tisura
γas ma yella ur ten tesεim,
ayen ur neḍra at ner yeḍṛa
a nebnu ajdid s-weqdim,
γas aken ur tellim-ara
nettarak-wen-id s tmara,
ayen yelhan degneγ yella
nesaram a t-id-tesakwim...

ma hedren medden γef acu ?
γef segwas, zgan ḥekun,
asegwas-agi ad yelhu
ad yif win la d-itedun,
γef aken akw a d-tḍerru
wisen ma d-yegwri wa yerun ?
ay mazal a nẓeṛ
wis kan m-ad yeγzif laεmaṛ ?

iγẓeṛ yellan d-ameḥquṛ
yufa asif ad γers yernu,
tuγal lmuğğa teččuṛ
win yeγfeln ad yes teglu,
tḥuzat-id s leγṛuṛ
wi selken, a yemger a yeḥku,
a wid tt-iḥemlen
amek ar a temdelm allen ?

mig yefeγ usegwas, yebweḍ,
yusa-d wejdid s wadu,
wisen d-acu aγ d-yeṣiweḍ ?
d-acu d-yegla a d-yenulfu ?
nenwa yusa-d a ttifṛeḍ
d-aγebaṛ iγ d-irennu,
aḍu i d-aγ yesnen
nennum aγebaṛ s-allen,

yekcem-d usegwas s-laẓ
ṣber mačči dayen i nxuṣ,
nefkay-as lebγi i weγẓaẓ
yugwi wekmaz aγ yifsus,
yekateγ lhem nettaẓ
m-ar a a nesiweḍ agus,
win yenfan amek ?
wi qimen iṣaεb i uselek,

qeblen akw medden nefu
siwa kečč a bu-tγennant,
sked wis yegla waḍu
kečč tejgugleḍ di tsenant,
tenniḍ : «amek ar a nebḍu
ger iεeqayen di tremant ? »
nnif aṣeṭaf, ur iṛehn,
ur d-ittwaṭef,

lqella n-tezmart s-nnif
seγṛasen ulla d-snasel,
xas aken tezwer s-lḥif
lḥif di lğğehd-es yewṣel,
ma d-yir tagmatt d-aγilif
d-acaquṛ ma d-ak yenṣel,
ma yef(e)γ afus-ik
a d-yezi, ad yeglu s-yiri-k,

ma d-yir tagmatt di laṣel
d-akwerfa a ytebεen tirec,
saεa i teddun, tetwel
teṛẓ am tuγmest di leryec,
yiwen ufus ar d-ak yemsel
wayed ar d-ak d-yebru i illac,
ur zemern i lxiṛ
mi qerebn ad yettwexxiṛ,

la nsel i medden qaren :
«ur tsaεd wi tceγb tmurt-is,
sekra b-wargaz s-inumen
kul wa yeseweq-d i (yi)man-is,
a Ṛebbi tt-id-iεusen,
ur ttεemmid i lmut-is… »,
imi tnedhem yes,
tibwḍawen tfidi s-iγes…


Transcription : Icerfan
Modif’s : le 28.12.10