[Icerfan]

Amedyaz


Yekker umedyaz yettaru
yebwi-d asefru
i segmit-id yennay-as :
yekfa laman di lγaci
yiwen ur d-yegwri
xaṛṣum a d-yefdu wayeḍ,
win testeqṣaḍ ak yinni :
« lukan am neki,
i gan laεbad at feṛḥeḍ… »
mazal nettnadi ur nufi,
ya lεebd aṣeḥi,
mleγ-d anida tfereḍ…

kren-d akw wid is yeslan
qesḍent s-wurfan
nann-as : « bedel asefru ! »

yekker umedyaz yettaru
i εawed asefru
i segmit-id yennay-as :
neḥṣel sani ar a nuγal
tibura d-uzal
tin telliḍ, medlent snat,
nellul-d deg yir lḥal
wisen ma nuklal
si yal d-lεeǧǧb nwalat,
yeγli si lmizan wawal
yeṛẓayeγ cwal
nenṭeḍ a buh a lxalat !

kren-d akw wid is yeslan
qesḍent s-wurfan
nann-as : « bedel asefru ! »

yekker umedyaz yettaru
i εawed asefru
i segmit-i-d yennay-as :
ur tban ma d-lfetna
ur tban lehna
wi ttuwten, wi g katen ?
ma yilli tγab lefhama
wa wer yeεqil wa
d-draε ar a d-iṣewqen,
d-lemgwaḥel sya u sya
nukwni di ttnaṣfa
s-ifasen-nneγ d-ilmawen...

kren-d akw wid is yeslan
qesḍent s-wurfan
nann-as : « bedel asefru ! »

yekker umedyaz yettaru
i εawed asefru
i segmit-i-d yennay-as :
nekat deg wid γ iḥekmen
ma s-tidett nwezzen
nuklal imḍebṛen nesεa,
d-nukwni i d-asen iεemden
aken ad sruwten
nesasayed tiyita
cah ! d-nukwni ig ḍelmen
win i d-aγ yuwten
yelha uεekwaz is nefka...»

kren-d akw wid is yeslan
qesḍent s-wurfan
nann-as : « bedel asefru ! »


yeker umedyaz m-ig rfa
sekra i d-yesefra
i ḍegṛit marra, i εiwd-as,
i waken as ğğen lehna
sekra i d-yesefra
i bedlit-i-d yennay-as :
segemneγ wusan, lγaci akw lhan,
wa γ yesbzegn, a kwen iṛuc,
iğğeğğigen fsan, lγaci akw zhan,
seḥmud ṭebl a Σliluc !

laman di lγaci yella, si zik neqarit,
lεebd ur nelhi ur yesεi amkan di dunit,
i segem kulci, seḥmu-d ṭebl, sneṭqit !

segemneγ wusan, lγaci akw lhan,
wa γ yesbzegn, a kwen iṛuc,
iğğeğğigen fsan, lγaci akw zhan,
seḥmud ṭebl a Σliluc !

nbed-d ur nemal, neγleb laεğğeb ma nwalat,
tibura b-uzal, tin yemdeln,a d-nelli snat,
d-rebḥ i nuklal, laεbemt-tt-id a lxalat !

segemneγ wusan, lγaci akw lhan,
wa γ yesbzegn, a kwen iṛuc,
iğğeğğigen fsan, lγaci akw zhan,
seḥmud ṭebl a Σliluc !

wa wer yekat wa, di tmurt-nneγ d-atmaten,
ṣegemt reḥba, nukwni a nezhu gerawen,
lbaṛuḍ, lehna, εemeṛteγ-d ibeckiḍen !

segemneγ wusan, lγaci akw lhan,
wa γ yesbzegn, a kwen iṛuc,
iğğeğğigen fsan, lγaci akw zhan,
seḥmud ṭebl a Σliluc !

a wid γ iḥekmen, iyaw a tezhum yidneγ,
bezef i εettben, i la xedmen fellaneγ,
asagi ad ferḥen, a tt-id-laεben geraneγ !

segemneγ wusan, lγaci akw lhan,
wa γ yesbzegn, a kwen iṛuc,
iğğeğğigen fsan, lγaci akw zhan,
seḥmud ṭebl a Σliluc !



Transcription : Icerfan
Modif’s : le 28.12.10