Tafat
Tafat n dunit-iw
wali-d win teǧǧiḍ yuḍen,
aẓaṛ-im yuγ-d akw ul-iw
idamen-iw dges uzlen,
tekseḍ i teγzalt ṣer
tamuγli medden akw γṛem,
ilemẓi teǧǧiṭ yeṣkeṛ
tilemzit sgem tusem,
tafat n dunit-iw
wali-d win teǧǧiḍ yuḍen,
aẓaṛ-im yuγ-d akw ul-iw
idamen-iw dges uzlen
ma ẓṛiγ lward n tefsut
tmektayeγ-d ṣifa-m,
lεeql-iw ṣbeṛ yeţţut
tesḥeṛmeḍ felli nadam,
tafat n dunit-iw
wali-d win teǧǧiḍ yuḍen,
aẓaṛ-im yuγ-d akw ul-iw
idamen-iw dges uzlen
lemer zmireγ a d-am hedṛeγ
am inniγ i di yerḥan,
am inniγ wif i selbeγ
m-ur teẓṛiḍ, medden akw ẓṛan,
tafat n dunit-iw
wali-d win teǧǧiḍ yuḍen,
aẓaṛ-im yuγ-d akw ul-iw
idamen-iw dges uzlen
axemem yezga felli
deg uxxam naγ di beṛa,
γas lweqt a yettεedi
fellam ur ṣbiṛeγ-ara,
tafat n dunit-iw
wali-d win teǧǧiḍ yuḍen,
aẓaṛ-im yuγ-d akw ul-iw
idamen-iw dges uzlen
nnan-iyi-d, wid steqsaγ,
lweqt i ttawid ṣbeṛ,
acḥal ayagi ṛujaγ
yugwi ad yethedden lxateṛ,
tafat n dunit-iw
wali-d win teǧǧiḍ yuḍen,
aẓaṛ-im yuγ-d akw ul-iw
idamen-iw dges uzlen…
Transcription : Icerfan
Modif’s : le 28.12.10
|