[Icerfan]

Ṛuḥ-is a d-yeselqaf
am εeqqa ger iγuraf,
yettrağğu nuba-s, yettru,
umeḥbus-iw...

yugwad as tinnim d-amcum
taggara ar tettum,
γeṛs, anwa a yarẓen asalu,
umeḥbus-iw ?

lbaṭel yegred isuraf
γer zdat d-lkaf,
defir(e)-s lmutt a d-ttedu
umeḥbus-iw,

siwl-as a yul-iw, siwl-as,
ma yeslad inn-as,
ḥader win i d-yeznuzu,
umeḥbus-iw...


a yaḍu ihuzen izemran
ttxilek inni-d a yaḍu,
cbiγ lğğedra yerkan
ugwin medden d-aserγu,
anda tella seba it yenfan
it yecleqfen ger imawlan,
a yaḍu iyi-d-inudan
ma iweṣak-id naγ ala
umeḥbus-iw ?

ma fkiγ awal i medden
(γe)f cuγl ad yerz ufus-iw,
ttasa-w iyi-smendagen
tesibrik deg wusan-iw,
ufiγ imdanen a hedren
mi ḍalleγ bran i wallen,
a yaḍu d-kečč a yi-mlen
ma mazal yedder naγ ala,
umeḥbus-iw ?

a d-yegar wul nhati
mi d-yebweḍ uqebli n meγres,
mi rfedγ abuqal s-imi
a d-tas lḥağğa a yi-tekes,
asa ḥṣiγ i fat-iyi
tiṭ dayen ur tettwali,
a yaḍu qimed m(e)l-iyi
anida is tebra lmuğğa
umeḥbus-iw ?

talwit ttrağğuγ tebṭel
nefka ttεid ur d-tus-ara,
taluft tucbiḥt tkeḥel
thenna-yi-d γer lḥaṛa,
asa zriγ ayen yaεṭel
tisin-is ayγer tebṭel,
yugwi ad yeknu zdat del
iḥeṛ-it Berwagiya
umeḥbus-iw…



Transcription : Icerfan