A yul, berka
Ttxilek a yul berka, lmuḥal ḍelbeγ wumi,
henni-yi xedm cuγl-ik, eğğ ik yexdan i Ṛebbi,
henni-yi xedm cuγl-ik, eğğ ayen niḍen i Ṛebbi…
ig cbeḥ yiṭij limer ur txetteṛ tegnewt,
cbaḥa uğğeğğig limer tettdumu tefsut,
i telha dunit lukan ullac lmut,
a yul lmutt tella, lmuḥal ḍelbeγ wumi…
ayen akw di yerḥan bγiγ at kesbeγ γuṛi,
ad yeḥlu w-ul yeṛγan i tečča tmest tayri,
yemma d baba i di reban, bγiγten ad illin yidi,
a nεic usan yelhan, lmutt γuṛneγ ur tettili,
susem a yul di yenγan, lmutt labud a-tt-ili,
di dunit yiwen ur yeksan, aken is yehwa ayili…
i telha targit limer ttidett ur teseγṛeq,
i tezyen tsebḥit limer iḍ ur tt-id-yettlaḥeq,
i ḥlawet dunit limer ur tt-i-tabaε lefreq,
ttxilek a yul berka, lmuḥal ḍelbeγ wumi,
ttxilek xedm cuγl-ik, eğğ ik yeγḍan i Ṛebbi…
i zedigit waman limer ullac i ten i sluγun,
i bninit wusan limer ur ttbedilen, ur ttγuṛun,
acḥal yenfeε wemdan limer ullac wid yettγullun,
yella lḥeq a d-iban limer ullac wi(n) t-yettγumun,
amer ufiγ di dunit ur ttilint tlisa,
ur tettili tḥeqwranit, (de)g ulawen a d-ers ṛehma,
igellil, Ṛebbi i reẓqit, ad rebḥen medden marra,
maεna ta d-ttargit, a yul-iw susem berka,
tilisa ad ilint, lbaṭel (de)g gelil yettgalla,
tagi d-dunit, a yuliw susem berka,
tagi d-dunit, d-ayen iwumi ur teẓmiṛeḍ-ara,
tilisa ad illint, a yul-iw susem berka…
tilisa ad illint, a yul-iw susem berka…
Transcription : Tasusmi
|