Alma (kab)
Ufiγ alma yesderwic
iṭij, abeḥri, luḍa,
yemγid yifer leḥcic
iγil bab-is d neţţa,
« walit-iyi-d a meden »,
mi d-yukwi ṣbeḥ ad yedden :
« d-ayla inu, d-ayla inu,
tamurt-agi d-ayla inu,
d-ayla inu, d-ayla inu,
d-ayla inu, cah inu ! »
Ata yusad ikeri
izuγuṛ deg yiman-is,
i ksa aken ad yeqebwi,
ičča lmal, yefṛeḥ bab-is,
leḥcic yeṣnufuz dges,
alma yuγaled d-ayla nes,
« d-ayla inu, d-ayla inu,
tamurt-agi d-ayla inu,
d-ayla inu, d-ayla inu,
d-ayla inu, cah inu ! »
Tezid lεid tameqṛant
ikeri dγa tegla yes,
fesren tacriḥt taquṛant
a wi dern a d-as nales,
axxam yella dges umγaṛ
yebed aka zdat umnaṛ :
« d-ayla inu, d-ayla inu,
tamurt-agi d-ayla inu,
d-ayla inu, d-ayla inu,
d-ayla inu, cah inu ! »
Yusem kra aken n buqecṛuṛ
yesufγasid lkaṛṭa,
yufa wi cahden s ẓuṛ
fkan-as lḥeq i neţţa,
yennay-as : « anda teẓṛam
leḥlal ur nedi s leḥṛam ?
d-ayla inu, d-ayla inu,
tamurt-agi d-ayla inu,
d-ayla inu, d-ayla inu,
d-ayla inu, cah inu ! »
Yuwtit waṭan n diri,
ad yenğğu Ṛebbi lmumnin,
yeṛuḥ s-axxam aneṣli
sanda ullac tuγalin,
abaεuc iγ yegunin
yefraţţid nebla limin,
« d-ayla inu, d-ayla inu,
tamurt-agi d-ayla inu,
d-ayla inu, d-ayla inu,
d-ayla inu, cah inu ! »
Transcription : Icerfan
|