[Icerfan]

Yelha win d-ismektayen...


Ifenanen


Neğayawen lxiṛ ma d-yettfaka,
amek ara nettu tin tebwi tnafa ?
d-ttafennant-nneγ i d-yekren di lmeḥna
a Ṛebbi ad yeṛḥem tucbiḥt Ḥnifa…

neğayawen lxiṛ a nbedel lhawa
ṣifa n lbaz, taγuct i zedwa,
d-afennan-nneγ, d-ameqwṛan yeswa
a Ṛebbi ad yeṛḥem Zeṛuq Σellawa…

neğayawen lxiṛ, neğayawen slam,
i sekneγ-d tafat γas yemut di ṭlam,
d-afennan-nneγ…
a Ṛebbi ad yeṛḥem Slimane Azem…

neğayawen lxiṛ, ifuk uγenni,
d-mmis b-wedrar yexsin am yetri,
d-afennan-nneγ yemut wer neẓṛi,
a Ṛebbi ad yeṛḥem Ḥsen Mezani…

neğayawen lxiṛ, a nebdu tikli
yeffeγ γer wedrar, d-mmis n tleli,
d-afennan-nneγ, d-argaz, d-afeḥli,
a Ṛebbi ad yeṛḥem Ccix Farid Ali…

neğayawen lxiṛ, a nebdu amereḥ
amek ar a-tt-nettu, isem-is yeṣefṛeḥ ?
d-ttafennant-nneγ, fellas ul yejreḥ,
a Ṛebbi ad yeṛḥem Bahia Faṛaḥ…

neğayawen lxiṛ a yideflawen,
yeḥwağ, yesawled, ur s-yesli yiwen,
d-afenan-nneγ, deg wedrar εlayen,
a Ṛebbi ad yeṛḥem Ccix Uzellagen…

neğayawen lxiṛ, a nefṛeq yidwen,
yegul ur yeḥnit, tuγalin dayen,
d-afennan-nneγ, d-amγaṛ g mγaṛen,
a Ṛebbi ad yeṛḥem Ccix Bu-yizegaren…

neğayawen lxiṛ, tfuk tmeγṛa,
xas w-ur ti-d-nebdir, ur ten nettu-ara,
d-ifennanen-nneγ s-yisen i nella
a Ṛebbi a sen yaεfu, a ten yarḥem marra…



Transcription : Icerfan