[Icerfan]

Tayri-nneγ


Fiḥel am inniγ, teẓṛiḍ, ẓṛiγ,
tabburt i ll(d)iγ s-ul-im iyi-d-igan amkan,
amek ttilliγ, amek ur lliγ,
ulla d-nek urğğiγ, yukwer-iyi w-ul-iw fellam,
tekcemḍ bγ’iγ aken ur bγiγ,
xas aken urğğiγ, d-layas i d-yezwaren axxam,
yides i yekriγ, yides i ttilliγ,
aken at ttwalliγ ma txuṣeḍ-iyi di lmizan,

d-tayri-nneγ ig ğğan awal…

d-adfel yesan, εedan waman,
ayen aken yellan, amzun ur yelli wara,
tayri-nneγ aken am tin yulwan,
uqbel lawan ihegad zman aẓeka,
d-yir lawan (i)deg i tesgan,
fiḥel ma nendem d-nettat ur γ-nebγi-yara,
ullamek aken yides aγ tedem,
nsemḥ ay-tezdem, (de)g-ulawen ur d-teğği wara,

d-tayri-nneγ ig gan aka…

d-iṭij yeγlin ar am yezin,
a kem i nyef din, am nuγalaγ di cfawat,
tiṭ yettwalin, ig ttnadin,
nayel w-udem-im, tuγaleḍ-iyi-d di nehtat,
usan tettin, uḍan regwin,
ayen (i)d-ttawin, ulla d-as d-grent ceḥnat,
tayri a d-yegwrin geranneγ isin,
i tirga ur nemεin, wama ayen yelhan ifat,

d-tayri-nneγ ig γunzan tafat
d-tayri-nneγ ig γunzan tafat…




Transcription : Tasusmi