Tin yeγaben am yitri
A tin yeγaben am yitri
yaεreq wanida i teddu,
yeḥzen wagur deg genni
yeḥzen win teğğid’ yeţţru,
yeḥzen win teğğid’ yeţţru
as maken i tγabed’ ma yitri,
yaεreq wanida i teddu
yeḥzen wagur deg genni,
arren aεejaṛ γef udem-is
am agur yeffer usigna,
tawla yeṣerγayen allen-is
yegwrad later-is di lḥara,
allen-iw dant d-uḍaṛ-is
ẓṛiγ dayen truḥ tura,
maεac ad selγ i ṣut-is
win a d-as yeslen yella…
la steqsayeγ ṭaq nsen
nniγ-as : wa d-yeţţḍillin ?
yenn-ak : tura ad i γelqen
ur (te)saεḍ wa d-id-iwallin,
a ţţwalid lemriw yeḥzen
d-uγebar ad i yallin,
dayen ik yuγen, i d-iyuγen
d-nukwni a ţţ-id-yeţţmektin…
tabburt i seg i teţţεeddi
ḍlebγ-as d-acu i twala,
tennak : lğğehd-iw yeγli,
wif ar a εeseγ tura ?
win yebγan ad iεeddi
abrid i medden yella,
win yebγan ad i wali
ur d-yegwri d-acu nesεa…
Transcription : Icerfan
|