Agwni n tayri
D-aṭan aqdim i yisnen
yak mačči d-ajdid,
urfan-is as mi yibran
ğğan-d dgi lεib,
γas fellas εeddan wusan
yuqel-iyi amzun d-aḥbib…
deg ul-iw mazal telliḍ
kem wis ma tecfiḍ ?
aṭas aya εeddan laεwam,
mazal-iyi aken i d-ğiḍ
kem wis ma teḥsiḍ ?
mazal a-ţţ-nadiγ fellam,
a yagur ţţru yidi
εawen-iyi g meṭi
ur ţţγab, ur di ţţkemil,
ţţxilek, qim wanes-iyi
ur ţţağğa weḥdi
lweḥc yeγlid f leḥn-iw,
sawel i yiḍes a d-yas γuṛi
innas : « ţţxilek awiyi
γer targit ad a nemlal »
deg ul-iw mazal telliḍ
kem wis ma tecfiḍ ?
aṭas aya εeddan laεwam…
a yiḍes aqli uyseγ, aṛwaḥ
yisek ul ad yeṛtaḥ
acḥal aya teğğiḍ-iyi,
a targit uqel d-ṣaḥ
ur d-ţţara sbaḥ
yesarwalen udem-is felli,
anefaγ deg sin a nmereḥ
ţţilex ur d-ţţara ṣbaḥ
naγ a nemet ur d-neţţakwi,
deg ul-iw mazal telliḍ
kem wis ma tecfiḍ ?
aṭas aya εeddan laεwam…
ma yella muteγ nṭelt-iyi
di lqeṛb a yitwali
γef luwhi b-uxxam ma d-ḍal,
ma tesalim taγuzi
wekelγawen Ṛebbi
sawelt-as a yi-d-err akal,
γef ẓeka-w aru-t « Tayri »
ur teţţut amkan-nni
d was-nni deg i nemlal,
γef ẓeka-w aru-t « Tayri »
mazal ḥemmleγ-ţţ tenγayi
xas aka aqli daw wakal,
amkan-nni anda a yitneṭlem
γas erret-as isem
semmit-as « Agwni n Tayri »,
a d-yas was anda a t-ẓuṛen
widen yeţţuwten
s tyita i yedmen nekki,
ad yilli win a yeḍṣen
as yinni : « d-imeslayen
iṣegem aken ad iγenni »
win mačči seg wid i tmeḥnen
ur yelli seg widen i εacen
win ur iḥemmel, ur yeẓṛi,
ala winaken i jeṛben
winna kan ad i fehmen
ma yesla, yeţţru yidi,
ala winaken i jeṛben
d-neţţa kan ad i fehmen
ma yesla yeţţru yidi…
Transcription : Icerfan
|