Sliγ i yemma
Acḥal d-abrid ay sliγ
i yemma tenna-d : « anneγ
a mmi ur tesεid ay ččiγ
deg dmaren ak t-id fkeγ,
ulla d-akwerfa ur teṛwiγ
amek ar a k-id smeγṛeγ ? »
sliγ i yemma tenna :
« a mmi ifaden kawen
mačči s-weclim d-ukwerfa
is i gemmun yergazen,
ullac teṛbut tekfa,
a nεenni, a nerğğu yiwen »
cfiγ yiwen was di cetwa
nella nezid i lkanun,
nettawi-d timucuha
aken laẓ medden a tettun,
nesa agertil γer lqaεa
uḍan ugwin ad kfun,
tura kra din ur as necfi
nerra-t γer wayen iεeddan,
nuγal nbedel tikli
nettu wid laεmeṛ yeṛwan,
imi dunit tettezi
i uzeka, anwa yeẓṛan ?
Transcription : Icerfan
|