[Icerfan]

A lfahem ak nesteqsi
(γe)f lğğil n-At Qasi
ur yeḥkim ḥed aken llan,

si tizi alamma d-ttizi
ḥed ma ten i εaṣi
s-lbarud i tt-id-ḥellan,

asmi i sen irad s-trusi
cituḥ d-iγisi
ci nsen yegwrad ger yiḍan…

effeγ a yajṛaḍ tamurt-iw
lxir i d-tufiḍ zik yemḥa,
ma d-lqadi ik yezenzen
awid laεqed ma yeṣeḥa…

a yaxxam teduri tmurt
seqf-ik yecteḥ yaεra,
yal tamaṭ a d-tesrugmut
xerben lexyud deg ẓeṭa,
liser ur t-id beder xas rut
ays-it ur d-ibern-ara,
widen ak i d-yağğwen ttbut
fγent-asen tirga mxalfa,

effeγ a yajṛaḍ tamurt-iw
lxir i d-tufiḍ zik yemḥa,
ma d-lqadi ik yezenzen
awid laεqed ma yeṣeḥa…

win ara tt-ifrun ullac
yexleḍ, yemcubak yixef-is,
seg γilif fesden warrac
ur yaεqil baba-s mmi-s,
caren (γe)f lqum n-rbaεtac
win d-itedun aketr-is,
uglan m(e)sden i tkerac
aḥezeb ihujer amḍiq-is,

effeγ a yajṛaḍ tamurt-iw
lxir i d-tufiḍ zik yemḥa,
ma d-lqadi ik yezenzen
awid laεqed ma yeṣeḥa…

yal yiwen aken d-iseweq
s-leqrar ur d-glin-ara,
del yeččad lecqayeq
iḥar ad yeṭef tasga,
nḥedr i tegmatt tefreq
srebḥen-tt tefra reḥba,
yettban wasagi a d-yelḥeq
yeḥsel wexlul di lγiḍa...

effeγ a yajṛaḍ tamurt-iw
lxir i d-tufiḍ zik yemḥa,
ma d-lqadi ik yezenzen
awid laεqed ma yeṣeḥa…

texuxed tegma-tt tuḍen
a tḥefu am yeẓra b-wasif,
tesber i way d-ittṣaṛen
tettagwad as tebru i nnif,
tiḥemmal i d-yenaγlen
εebant-as yal d-aγilif,
itij-is a d-yecrurqen
d-netta as yeskawen adif...

effeγ a yajṛaḍ tamurt-iw
lxir i d-tufiḍ zik yemḥa,
ma d-lqadi ik yezenzen
awid laεqed ma yeṣeḥa…



Transcription : Icerfan