Igujilen
Lemer zmireγ ad rewleγ i yiman-iw
εemedγ iḍaren-iw
ad derin wala ad ḥebsen,
lemer zmireγ ad kelxeγ lebγi-w
ad yesagen ul-iw
ad rewleγ, wa di yafen ?
imi d-nitni i d-iman-iw,
d-lḥekam terwiḥt-iw,
ma netqeγ-d a yiεeqben
tekid amnar b-wallen-iw
dayen ur kem ţţawlint ara,
lxiḍ γur cudeγ zehr-iw
yeqerṣ-d, yisem yegla,
riḥa-m deg wexxam-iw
teqimed i cum-iw
tekseb leḥyuḍ d lḥara,
win muqleγ seg warraw-iw
icellex wul-iw
m-ara yi-d-yinni : « i yemma ? »
tideţţ, amek ara sen-ţţ-mleγ ?
yegugem yiles ay neṭqen,
deg rebbi-iw ma ten id jemεeγ
ţţagwadeγ acu iyi-d-qaṛen,
ţţimes i ţţmagareγ
m-ara ten i d-ḍilleγ
si llakul m-ara d-fγen,
azal, iḍ, ţţucebleγ
amek ara sen mleγ
amek i teḍṛa d-yemma-tsen ?
lekdeb d ţţideţţ qerḥen
sfeqden-d, lḥal mazal,
lemer ṣber d-imeṭawen
iẓri-w ad yeg tiḥemmal,
ţţagwadeγ medden a sen mlen
ayen aken yefren,
ad yeceḍ deg yir awal,
tifeḍ-iyi kem yemuten,
nek i d-yeqimen,
amek ar a qableγ timsal ?
Lounès Matoub
A tarwa lḥif - 1984
Trancription :Icerfan
|