[Icerfan]

Tajmilt i Lounis Ait Menguellet


Rriγ-ak tajmilt tameqwṛant mi sen d-nniḍ :
asif yeţţawin deg kwesar
nutni yedmiten g sawen,
targa tefkaten i yiγẓeṛ
ur faqen d-yiman nsen,
asagi tagmaţţ tenṭeṛ
εebanţţ i yirawen nsen,
anwi wigi ?
d-iqmayliyen γef iqmayliyen
iγ yekaten s-yisem n-tlelli,
qaseγ, feṣleγ, xaḍeγ,
slesγasen isem i di εeğğben
fellasen i la d-neţţγenni

rriγ-ak tajmilt tameqwṛant mi s tfaqeḍ,
aγaṛbez ig ṛeγb mmi-k
aken ad yuγal d-aqaṛu,
tefkiḍ-as tiktiwin-ik
amek gerasen a yelḥu,
ma yella yuγ awal-ik
γef ufus-is a tedu,
anwa wagi ?
d-aselway γef iselwayen
i d-aγ yeḥkemn ur γ yehwi,
qaseγ, feṣleγ, xaḍeγ,
slesγas isem i di εeğğben
fellas i la d-neţţγenni

rriγ-ak tajmilt tameqwṛant γef tmacahuţţ,,
γef winna yefkan aqaṛu-s
ur steqsan medden acimi,
kul segwas katen-as afus
γef as n-lumt-is ma d-yezi,
acḥal d-argaz nγan, ma drus
ur bγan yiwen a d-yegwri,
anwi wigi ?
d-imḍebṛen-nneγ γef imḍebṛen
i-ţţ-yefarun s-lfuci,
qaseγ, feṣleγ, xaḍeγ,
slesγasen isem i di εeğğben
fellasen i la d-neţţγenni

rriγ-ak tajmilt tameqwṛant imi ur sen d-ğğiḍ,
widak yeskalayen ayefki
nutni ţţεicin di laman,
imeγban ţţhuzun iγi
ţţeksen-d udi d-azedgan,
ţţrajun tifrat di tikti
deg wid yesenduyen aman,
anwi wigi ?
d-imaziγen yesmuzughen
yekaten abrid s uqeṛwi,
qaseγ, feṣleγ, xaḍeγ,
slesγasen isem i di εeğğben
fellasen i la d-neţţγenni

teṛriḍ tajmilt tameqwṛant i widak-nni,
alfin akw d tesεa miyya
ig εedan seg was mi neţţwaγ,
limer ur γ d-ninn-ara
ur neẓṛ-ara d-acuyaγ,
sḥesebtay-d γef asa
wi d-yegwran yides a nennaγ,
anwi wigi ?
d-Cacnaq d wid niḍen
d Kahina ur neqbil tigi,
qaseγ, feṣleγ, xaḍeγ,
bedraγ-d kra g yesmawen
ma yella cḍeγ semeḥt-iyi





Transcription : Icerfan