[Yidir]

Anef iyi ad ruγ

I waḍu m-ad iεazem
Fell-ak ad yezdem
Ad yeglu s iferawen-ik
Ahat si ṭṭnaṣfa ak yedem
Ak yerẓ ifaden ak yedem s lekmal-ik
Di dunnit ak iḥecem
Ak ibedel issem
Ak yecmet degw mkan-ik
Anef iyi ad ruγ...
Serḥ iyi ad ruγ

Yeffeγ-d wejgu deg mager aman
Ibedel iẓuran
Yeṣṣerwa i zman taḍṣa
Yeṭṭzuxu i medden s wurfan
Εağğben-as wussan
Waqila ibedel cetla
Acuγer ik γunfan waman
Dima d arẓagan
Temnaεḍ awtul di lγaba
Anef iyi ad ruγ
Serḥ iyi ad ruγ


Berka-k lemεanda ar wiyaḍ
Ulac win tifeḍ
Kul ajeğğig s lqima-s
Ur tzerεaḍ ur tmegreḍ
Weḥdek it selγeḍ
Ur tḥemleḍ ḥed ak imes
Tḍureḍ ur tenfiεaḍ
Di nḥas it gemeḍ
T ifi-k lğedra m aras
Anef iyi ad ruγ
Serḥ iyi ad ruγ


Bγan akw medden ak gezmen
D lγaba aṭṭ fersen
Iwaken aṭṭṣegem tferka
Rğan ad yass w-ak yeksen
Setḥan ak qerben
Sikkiden i wudem lqaεa
Tusṣṣiḍ-d ur-k yebγi yiwen
Tezgiḍ ger wallen
Tekfa deg udem-ik leḥya
Anef iyi ad ruγ
Serḥ iyi ad ruγ