Ttruγ yibwas
Ttruγ yibwas as cfuγ
txedε-iyi tinna yumneγ,
seḍḥeγ a medden a d-ḥkuγ
ar γures ay sarmeγ,
qwlaγ d-l'ufan, ttruγ
i tayri sanda ttareγ ?
ḥkiγ i lebḥar, i lluγ
ur zmireγ a d-as semḥeγ...
rriyid ul-iw
ad neγleγ tayri-w
ar lebḥer γas ma d-yenfel,
mi tesliḍ i yisem-iw
a n-ibed lexxyal-iw
ṣuṛa-m a-tt-icebwel,
tugwadeḍ-iyi, ugwadeγ-kem
lxuf ar wul yezwareγ,
ayen i bγiγ i tebγiḍ kem
aken aγ yesdukel, i feṛqeγ,
ttruγ yibwas as cfuγ
txedε-iyi tinna yumneγ…
tiyita meqwret
ṛẓaget, tecmet
s-yixef-im ar tettγiḍeḍ,
rritt d-asummet
ur ttru, ur ḥennet
sarameγ-am a-tt-idireḍ,
lexdeε i neq tayri
γas tayri terna lmut,
ma tmuqleḍ udem-im γer lmeri
sefḍit ma tullit tagut,
ttruγ yibwas as cfuγ
as-nni cedheγ lmut…
ttruγ yibwas as cfuγ
txedε-iyi tinna yumneγ,
seḍḥeγ a medden ad ḥkuγ
ar γures ay sarmeγ,
qwlaγ d-l'ufan, ttruγ
i tayri sanda ttareγ,
ḥkiγ i lebḥar, i lluγ
ur zmireγ a d-as semḥeγ...
ma ziden wurfan
ifuk wayen yelhan
ṣwab ad yeffeγ abrid-is,
i tezdeg yerkan
yerna ur tban
d-adfel i s-igan isem-is,
γuṛem ur d-yuli wawal
ruḥ, tzemr-am tsusmi,
qelεeγ-d aẓaṛ deg wakal
yaεaya lmektub, yezzem yimmi,
ttruγ yibwas as cfuγ
wa ma smaḥ bezef felli…
asa ma gulleγ
ul-iw a t-ṣeṛγeγ
ma yuqwel a d-yebder tayeḍ,
a d-ttmektayeγ
d-aẓṛu i sumteγ
timest deg jifaṛ tenṭeḍ,
ur telli tin ar amneγ
γas llant yesis leḥlal,
ur mazal ad sirmeγ
γer γuri, ur d-lul, ur d-ttlal
ttruγ yibwas as cfuγ
txedε-iyi tinna yumneγ,
seḍḥeγ a medden ad ḥkuγ
ar γures ay sarmeγ,
qwlaγ d-l'ufan, ttruγ
i tayri sanda ttareγ,
ḥkiγ i lebḥar, i lluγ
ur zmireγ a d-as semḥeγ...
Transcription : Icerfan
|