Ugwadeγ ad selbeγ
Tγaḍ-iyi a laεbad
tinaken id γureγ,
lxiq ay ttzad
aqli ttlejlijeγ,
yenγayi lebεad
d-nettat i jmeγ,
ugwadeγ ad selbeγ
a medden, aḥlil,
ugwadeγ ad mteγ
uqebl a nemlil…
lweḥc n lebda
ig zdeγn ul-iw,
si temẓi id yebda
ur yexḍi abrid-iw,
wisen anida
a yafeγ lferḥ-iw ?
ugwadeγ ad selbeγ
a medden, aḥlil,
ugwadeγ ad mteγ
uqebl a nemlil…
as ar a d-yasen
yifit wig εeddan,
ifaden-iw susen
dwa ur iban,
nettraǧǧu, wisen
m-aγ d-zhun wusan ?
ugwadeγ ad selbeγ
a medden, aḥlil,
ugwadeγ ad mteγ
uqebl a nemlil…
Transcription : Icerfan
|