Karim T. - Textes entiers
 

Wid i ḥemlen tamedyazt n teqbaylit, snen akw snat tuγac n Karim :
Tamezwarut : a yagiṭar
Tis snat : a Malika


Karim-agi tura, yal yiwen amek is yeqar :

Karim Tizouiar, wagi d-isem-is (naγ n taddart-is af aken id nnan),
Naγ Karim T., id yekan seg yisem-agi id nenna,
Kra diγen qaren-as kan Karim Agraw axaṭar yetteki deg terbaεt-nni Agraw (Budjemεa akw d Takfarinas), yiwen usegwas kan (1984 naγ 1985, sufγend ad'ebsi-nni "Lexmis d Lǧemεa").

Seg was mi icennu weḥdes , ata wacu id yesufγed, af aken z'riγ :
1986 : A yagiṭar
1989 : Attan truḥ
1991 : Attan a marwilla
1994 : Weḥdi, weḥdi
2002 : Iruḥ zhu
2005 : Ma nettraǧu

Kra n-isallen fellas deg tansa-agi :
http://sites.google.com/site/karimtiziouar/

A yagiṭar


A yagiṭar, siḥnin ṣut ad sleγ,
ekkes demmaṛ, ekkes-as lḥezn i wul-iw

leḥuγ, leḥuγ, kiγ-d nig lebḥeṛ,
a yemma ţţruγ, lmuğğa a d-ṭafaṛ,
af crab i γliγ, rriγ-ţţ lwaεd n tisit,
mi d-mekteγ sin isegwasen lεeskaṛ,

a yagiṭar, siḥnin ṣut ad sleγ
ekkes demmaṛ, ekkes-as lḥezn i wul-iw

kemmelγ abrid, ṣebeṛγ ul-iw mi yeccuṛ,
lexber d-ajdid, bwin-ţţ-id mazal ṭhuṛ,
tin i ḥemleγ, tefkiḍ-ţţ i wayeḍ a baba-s,
tedda d-ţţislit, εeddan fellas temn chuṛ,

a yagiṭar, siḥnin ṣut ad sleγ,
ekkes demmaṛ, ekkes-as lḥezn i wul-iw

tecbeḥ tefsut, di tmurt zhan wulawen,
yiwen yemut, wayeḍ d-lḥenni as qnen,
yeγab ṣut, yuγal d-ṭlam a leḥbab,
temdel tebburt mi yemut wayen aεzizen,

a yagiṭar, siḥnin ṣut ad sleγ,
ekkes demmaṛ, ekkes-as lḥezn i wul-iw



Transcription : Icerfan

Weḥdi


A d-ţţmektiγ
as amenzu fi nemlal,
ferḥeγ, zhiγ
acḥal ḥlawet dunit, a laεmeṛ,
a d-ţţmektiγ
selγ i ṣut a d-yesawal,
a-ţţ-ţţwalliγ
lmux-iw as i heddeṛ,
a d-ţţmenniγ
lemḥiba-as γuri a d-uγal,
a d-ţţmenniγ
lemḥiba-as γuri a d-uγal,
a d-ţţγenniγ
xas aken iṛuḥ lḥal,
a d-ţţγenniγ
xas aken ifut lḥal,

weḥdi, weḥdi, terḥayi
weḥdi, weḥdi, tezlayi
weḥdi, weḥdi, teğğayi (de)g webrid yesewḥac

weḥdi, weḥdi, terḥayi
weḥdi, weḥdi, tezlayi
weḥdi, weḥdi, teğğayi d-zehr i yullac

yegwra d-lexxyal
yeṭafaṛ-iyi am tili,
εerqen lecγwal
leḥuγ, ur iban sani, a laεmeṛ,
yegwra d-lexxyal
ma ţţuγ a yid yesmekti,
a-ţţ-nebed ar lḥal
ulla da yella a-ţţ-xṣeṛ,
cfiγ mazal
ur ţţ-ţţuyγ-ara as-nni,
cfiγ mazal
ur ţţ-ţţuyγ-ara as-nni,
a d-ţţmektiγ, siwa ma yefna laεmeṛ,
a d-ţţmektiγ, siwa ma cuden aγeṛmeṛ,

weḥdi, weḥdi, terḥayi
weḥdi, weḥdi, tezlayi
weḥdi, weḥdi, teğğayi (de)g webrid yesewḥac

weḥdi, weḥdi, terḥayi
weḥdi, weḥdi, tezlayi
weḥdi, weḥdi, teğğayi, d-zehr i yullac...




Transcription : Icerfan