Imγeṛeq (amnafeq)
 

A tiyita deg-k yersen
a yasyax ik yedmen
wisen amḍiq deg ak iḍeqeṛ !?
daεewsu ik yeṭafaṛen
twecmik dayen
ger tuyat-ik tṣemmeṛ,
isem-ik ţţunt akw medden
laεmum-ik feṛḥen
γer γursen d-laεwaceṛ,
ayla-k qṛib at kesben
gerasen at feṛqen
ḥader ihi a-ţţ-naqleḍ cfeṛ…

deg jifer g-yir lemḥiba
deg ig skucber wul-ik,
wisen ma d-kečč iwumi yehwa
tefkiḍ d-asfel lfeṛḥ-ik ?
naγ tjebd-ik lγweṛba
tufiḍ lemtahena g-ixef-ik ?
xuḍi tγuṛeḍ-d derrya
εegcenten iḍullan-ik,

ur teṣεid azal, la can
teswi tidi laεḍam-ik,
tenfiḍ tbedel-ḍ amkan
ufan abrid yaεdawen-ik,
arraw-ik ţţuḍegaεn
ur ten rfiden watmaten-ik,
di lğama ur tesεiḍ amkan
di tmecṛeṭ teγba tunt-ik,

tameṭut-ik tegugem
yezga yeţţader cefṛ-is,
si tala ma d-agwem
neğεeteţţ tezyiwin-is,
qaṛent-as : « iγurikem,
fellam ibedel wul-is »
sferḥiţţ, sefḍ-as lhem
uγaled s-idisan-is,

talwit a-ţţ-nfu leḥzen
di tesga a-ţţ-qaεd iman-is,
a-ţţ-kfu lhedṛa medden
ad yaεyu lhem di cuγl-is,
skefled tideţţ a-ţţ-ẓṛen
mkul wa ad izem iman-is,
aṭas ig ţţmeslayen
ibedel ulla d-lekwaγeḍ-is,

deg jifer g-yir lemḥiba
deg ig skucber wul-ik,
wisen ma d-kečč iwumi yehwa
tefkiḍ d-asfel lfeṛḥ-ik ?
naγ tjebd-ik lγweṛba
tufiḍ lemtahena g-ixef-ik ?
xuḍi tγureḍ-d derrya
εegcenten iḍullan-ik.



Lounès Matoub
Lbabuṛ - 1985
(première version)



Transcription : Icerfan