Abrid n temẓi
 

Tsellimmeγ fellawen

A tsellimmeγ fellawen
a wid i wedzen awal,
ternam-as lefhama nwen
armi (i)g sefsay uzal,

acḥal nelḥa gerawen
nzerε mkul d-asefru,
mγin, gman, ğğuğğgen
kecmen si yal d-aqaṛu,

kecmen si yal d-aqaṛu
kecmen si yal d-ṣuṛa,
yisen i neḥzen, nettru
yisen i nfeṛeḥ di littaε,

a tsellimmeγ fellawen
a wid i wedzen awal,
ternam-as lefhama nwen
armi (i)g sefsay uzal,

kul wa d-acu i d-yesaweḍ
aẓru s-aẓru nesduklit,
d-ṣur n lḥerma i d-nenneḍ
γef ser-im a Taqbaylit,

a wid yekern s-ullac
ullac nwen d-aẓayan,
xas aken abrid yestuwḥec
tellim-t s-lğğehd b-urfan,
urfan zdeγn ullawen
ig zdeγn adrar aεlay,
s-azaγaṛ mi (?)
bwin-d lǧǧehd umeslay,

a tsellimmeγ fellawen
a wid i wedzen awal,
ternam-as lefhama nwen
armi (i)g sefsay uzal,

tselimmeγ fellawen
a wid i cerwen tidi,
at iεebaḍ d-ilmawen
at tisas mebla iγisi,

lemtel i d-nebwi seg-wen
sebdedneγ ma d-yil(i) neγli,
mazaleγ lehdur nwen
yisen i neqaz di tmusni,
yisen a nefṛeḍ mkul amus
a nezwir zat (n) teburt,
yisen ar a d-necud agus
yisen ar a n-cebeḥ tamurt,

a tsellimmeγ fellawen
a wid i cerwen tidi,
at iεebaḍ d-ilmawen
at tisas mebla iγisi,

it xedemm d wayen yeḍran
kul wa yeğğad amur-is,
yebwiten-id waḍu n zman
yeḥkatend baba-s i mmi-s,

ttazalen, cban aman
yettfegiḍen di tliwa,
ddan di targa n zman
tekesneγ fad mi neswa,

a tsellimmeγ fellawen
a wid i cerwen tidi,
at iεebaḍ d-ilmawen
at tisas mebla iγisi,

wisen lemr a d-tuγalem
d-acu a tinim di lweqt-a ?
a yasen-nni is temutem
ma mazal yidneγ yella ?

a d-tillim di zman nneγ
lweqt ur yeεdil-ara,
tezga teẓmeg fellaneγ
nebwed armi ur nezmir-ara,

asa s-lqela n kulci
i nettberiz dunit,
s-laεtab d lkutra n tidi
i nettaṭaf di tneṣlit,
neṭef deg (we)drar-nni
ulla d-winna wisen amek ?
arnu nḥemed di Ṛebbi
terdast ma tt-id-nselek,
a d-ttilim tura tfehmem
tawil deg fus yella,
asa ma teduklem
a-tt-ksebm adrar, luḍa,

a tsellimmeγ fellawen
a wid i cerwen tidi,
at iεebaḍ d-ilmawen
at tisas mebla iγisi…




Transcription : Icerfan

Abrid n temẓi/ur yeţţağğa


Ma nmuqel abrid deg i d-neka
s nehtat i d-neţţmekti,
γas d-ẓuṛ i d-nεedda
yedlit ucebḥ n temẓi,
aya kan di tnafa
i l-at-id neţţemlili,
dayen yeḍṛan yidi laεca
mi tegla targit yesi,

urgaγ abrid i ḍulen
a d-iyer ansi d-kiγ,
leḥuγ ur qeḍεent wallen
anda bweḍγ a d-mektiγ,
mugreγ-d akw ayen i faten
ayen ugwiγ d wayen bγiγ,
ṭefγ imukan nsen
mkul yiwen anda teğğiγ,

muγreγ-d aḥbib yemuten
wallaγ-t kan tendef tasa,
yenwa wis d-acu ig bedlen
yefreḥ mi d-id-iwala,
“mazal-ik deg ullawen
neţţemwalli di tnafa,
yibwas wiyeḍ aγ ğğen
deg ubrid ig ik neğğa”,

mugreγ-d tamegwḥelt n sin
nemyeεqal mi d-teflali,
γef tarkast tifzimin
yeḍbaε uḥedad n At Yenni,
as mi njebu di tγaltin
lγerḍ ma nqesd as yeγli,
ziγ yeserka-ţţ win ţţ-yebwin
jbed-γ znad yefruri,

mugreγ-d yiwen n cna
ţţuγ-t yeffeγ aqaruy-iw,
la yeţţmenṭar ger yeẓṛa
deg webrid n dunit-iw,
felli ur ţţlumut-ara
yesmekt-iyi-d akw temẓi-w,
mazal-iyi-d dges kra
bwiγ-d cwiṭ di ṣut-iw :


Ur di ţţağğa, ur di ţţḥerrim di ṣut-im,
ur yeţţağğa akw d-ariḥa lexyal-im,
ur yeţţağğa, lεemr-iw yecba aγanim
ad yeţţara s-anida s-yehwa i ufus-im,

ur di ţţağğa, axir lemr ad i tenγeḍ,
ur yeţţağğa, s-anda truḥeḍ ad i tafeḍ,
ur yeţţağğa, lεemr-iw yecba lkaγeḍ
ger ifasen-im cerg-it uqbel at ruḥeḍ,

ur di ţţağğa, qim kan nek yidem a nelḥu,
ur yeţţağğa, anef i wul a d-am yeḥku,
ur yeţţağğa, ul-iw yuγal d-asaru
degs a twaliḍ sekra yellan d-asefru,

ur di ţţağğa, a kem ţţḥawateγ ar melmi,
ur yeţţağğa, a tsaεuẓegḍ acimi ?
ur yeţţağğa, ul-iw yuγal d-lemri
degs a twalliḍ sekra tekseb yakw tayri...




Transcription : Icerfan
Modif’s : le 26.12.10

Cna yagi...

A yennan...

Mi kfiγ...

Mi di tenniḍ

Mi di tenniḍ : « aylaw at rehnaγ fellam »
mi di tebwiḍ, ṛwiγ laεtab b-uxxam,
a d-ak bruγ zdat juj n lḥemam,
aka i d-jwaj a yemma…

mi di tenniḍ : « lεemr-iw dgem yella »
mi di tebwiḍ, ṛwiγ laεtab lexla,
a d-ak bruγ zdat juj Larbεa,
aka i d-jwaj a yemma…

mi di tennid : « ur kem i ţţḥaz uγilif »
mi di tebwiḍ, ţţislit bdiγ lḥif,
a d-ak bruγ zdat juj n-At Wasif,
aka i d-jwaj a yemma…

mi di tennid : « nek yidem a nezhu kul as »
mi di tebwiḍ, yiwet tqendurt i usegwas,
wekelγ-ak sekra yellan d-aεesas,
aka i d-jwaj a yemma…

mi di tennid : « lxir i tebγiḍ yella »
mi di tebwiḍ, ṛwiγ laεtab uẓeṭa,
wekelγ-ak lemqam n Sidi Belwa,
aka i d-jwaj a yemma…



Transcription : Icerfan
Modif’s : le 25.12.10

A nwalli


Ṭefγ abrid d-asawen
feγ-γ i taddart akin,
mugreγ-d d-yilmeẓyen
di laεmeṛ qaṛben εecrin,
leḥun, cenun am yiwen
ṣut yeqleb si tγaltin,
di lhiba cban izmawen
ata cna i la d-ttawin :


Tafat mi ţţneẓṛa tusam-d a-ţţ-tesensem,
tiṭ is i nwala tebγam a-ţţ-tesdreγlem,
ur tezmirem-ara aγ teksem tamuγli,
a nwalli ! a nwalli ! a nwalli !

ma tennam « susmet !», isem-nneγ at nεegeḍ,
ur nqebl ad yemet, s-igenni at nesiweḍ,
s-idmaren-nneγ uwtet, takwmamt ar d-a-ţţ-nefsi,
a d-ninni ! a d-ninni ! a d-ninni !

ma tennam « wexret !», γer zdat a nqeṛeb,
ma tennam « ḥebset !», ur nqebl aẓeṛeb,
aken ibγu nmaret, abrid ar d-at nelli,
a nεeddi ! a nεeddi ! a nεeddi !

gezmet taciṭa, aẓaṛ a t-id neḥyu,
sefḍet kra i d-nenna, s i-damen-nneγ at naru,
mi tenṭelm asa, a d-iban yiḍelli,
a nilli ! a nilli ! a nilli !


Cna-yagi ur tesineγ
cnan-t mi lliγ d-lufan,
freh-γ i mi d-mlaleγ
wid iγ yenǧǧern iberdan,
kemelγ abrid-iw, ruḥeγ
a d-mlileγ d-wayen yeḍṛan
deg usu mi neqlabeγ
teǧǧayi targit yekfan...



Transcription : Icerfan
Modif’s : le 26.12.10

Cεeltaγ tafat


Cεeltaγ tafat
nfud a nwali,
a neẓṛ γer zdat
amek ar a nilli…

amek ar a nilli,
sani la nleḥu,
a(γ) yeẓeṛ yiḍeli
nugwad aγ yernu,

nugwad aγ yernu
nesεa tanumi,
ngum a necfu
yis-nneγ ay tezi,

yis-nneγ ay tezi
yis-nneγ la tezin,
aṭas ur necfi
i wayen yeţţεedin,

ayen yeţţεedin
i ruḥaγ mara,
iḍeli d-uḥzin
asa neţţaḍsa,

asa neţţaḍsa
ur neẓṛi acimi,
naγ ahat nenwa
nerbeḥ dayenni…

nerbeḥ dayenni
acu aken i nerbeḥ ?
nzemr a nγenni
nzemr a necḍeḥ,

nzemr a necḍeḥ,
nutni aγ d-katen,
aken kul sbaḥ
a d-aγ d–ţţafen,

a d-aγ d–ţţafen
d-nukwni d-sebba,
i lmux b-ucen
ig ţţilli dwa,

ig ţţilli dwa
i lehlak nsen,
si zik i nezga
d-asefl ar γursen,

d-asefl ar γursen
ur zmiren-ara,
ar d-aγ ṭixren
fellaγ i tebna,

fellaγ i tebna
aka i la hedren,
nnan-d usan-a :
a d-illal yiwen,

a d-illal yiwen
naγ a d-lallen sin,
a d-nas ger-asen
anwa d-aγ yawin ?

anwa d-aγ yawin ?
sani a d-aγ yawi ?
a nenṭeḍ kan din
waqila terwi...

waqila terwi
naγ a ţţ-ṣegem ahat,
nukwni neţţnadi
cεeltaγ tafat…

cεeltaγ tafat
nfud a nwali,
a neẓṛ γer zdat
amek ar a nilli…

amek ar a nilli
ma d-illal yiseγ ?
naγ mazal nefri
i tidak-nneγ ?

i tidak-nneγ
wa yifit wayeḍ,
sges ma neffeγ
ahat a naweḍ...

ahat a naweḍ
sayen i neţţmenni,
abrid ad yenneḍ
i ṣaeb i tikli,

i ṣεeb i tikli,
tideţţ a ţţ-id-nehdeṛ,
ul-nneγ meẓi,
lebγi-nneγ meqweṛ,

cεeltaγ tafat
nfud a nwali,
a neẓṛ γer zdat
amek ar a nilli…

tnam-d tbedel,
d-acu aka ay bedlen ?
anwa aka yeγlin ?
anwa aka yebedlen ?

anwa aka yebedlen ?
yak d-leflani,
winna yegulen,
di tmaziγt-nni,

a tamaziγt-nni,
yegul a ţţ-teţţum,
asa dayeni
yestaεfa wemcum,

yestaεfa wemcum,
leḥbas akw ferγen,
limer ad serfun,
daγen ad ččaren,

daγen ad ččaren,
wa yekes lqid,
naγ yerka dayen
a ţţnadin ajdid,

a ţţnadin ajdid
is aγ ṭfen,
mazal kan yuwğğid
simal ad ṣegmen,

cεeltaγ tafat
nfud a nwali,
a neẓṛ γer zdat
amek ar a nilli…

d-acu aγ d-segmen ?
a d-xiḍen akustim,
a d-aγ tselsen,
di tesga a neqim,

di tesga a neqim,
acḥal a necbeḥ !
aγ arnun afzim
i waken a nefṛeḥ,

cεeltaγ tafat
nfud a nwali,
a neẓṛ γer zdat
amek ar a nilli…

a wid i faqen
yegwrad yiwen ulqaf,
d-idles aγlayen
di ṭiq i tneţţaf,

di ṭiq i tneţţaf
ḥadret wa t-yerren,
naγ ger iγuraf
aken a d-aγ taṛẓen,

idles aγlayen,
γurwet a neţţu,
yiwen ur t-irehen
yiwen ur t-iznuzu,

cεeltaγ tafat
nfud a nwali,
a neẓṛ γer zdat
amek ar a nilli…


Transcription : Icerfan
Modif’s : le 26.12.10

Lxuǧǧa

Anef-iyi, lxiḍ wisen anda yexṛeb, wer d-iban yixef-is ?
ur neẓṛi, leslak-is ansi ig qreb, ma d-yili bab-is,
ilaq a t-id-nqeleb, as nernu afud i yisem-is,
a nemεawan, ad yebded, nukwni a nelḥu di ṣuq-is,
aγ yaru lxuğğa a necḍeḥ,

anef-iyi, am igujilen, a t-waliḍ, yegunin tabburt,
anef-iyi, tebγiḍ a t-aṭafeḍ lxiḍ, ak nefru takurt,
maεlic, awid a-t-iliḍ aγ t-ṣegmeḍ tameddurt,
neṭqed kan aγ t-inniḍ, ak ner am yizem (γ)ef tmurt,
aγ yaru lxuğğa a necḍeḥ,

anef-iyi, si zik nesεat di lemtul « nezga nxuṣ kra »,
anef-iyi, wa ur ilaq, wayeḍ ur d-illul, wa ixuṣ-it w-aya,
m-ullac a d-nextiṛ lefṣul, a ten id nawi sya u sya,
yisen ar a d-nebnu lefḥul aγ i ṣegmen tagara,
aγ yaru lxuğğa a necḍeḥ,

anef-iyi, nugwad tid g-iḍelli, ar γursent nuγal,
anef-iyi, a nleḥu kan ur neẓṛi, netabaε lexyal,
nettagwad leγḍaṛ-nni sγur wid iγ yerran d-lmal,
daγen a d-aγ ččen imensi, aγ d-ğğen tarda leḥwal,
aγ yaru lxuğğa a necḍeḥ,

anef-iyi, nettagwad a nzegr asif ma yilli yequr,
anef-iyi, nḥemel a nzegr i wasif ma yettawi tğğur,
si zik i nsen a nesif, nesn-as i uγaṛbal tikli,
awren yettawit w-aḍu, aclim akudes ar a nilli,
aγ yaru lxuğğa a necḍeḥ,

anef-iyi, xas ur nxuṣ deg wallen, nxuṣ awali,
anef-iyi, xas deg wawal d-atmaten, i tegmatt melmi ?
yeqwa ukwesar d-usawen, t-banaγ-d amzun terwi,
neγli-d deg rebawen-nwen, a kra ig aεzizen (γ)ef Rebbi,
aγ yaru lxuğğa a necḍeḥ,

anef-iyi, nesawal anda akw ruḥen at lehdur s-lqis,
anef-iyi, nugwad ad yilli gugmen, kul wa d-lehlak-is,
ttawil mebla iṣγaṛen, wer yaεqil ḥed axṣim-is,
neγli-d deg rebawen-nwen, a kra zedigen ur yumis,
aγ yaru lxuğğa a necḍeḥ,

anef-iyi, ama yella naγ ullaḥed, yak nezga kif kif,
anef-iyi, imγi-nneγ ma yeğğuğğged, i qublit wurif,
ma yella ṣaba t-baned, ilaq a-tt-nemger s-nnif,
anda tellam ntqeted a wid yezuzufen lḥif,
aγ yaru lxuğğa a necḍeḥ,

anef-iyi, si zik ur γ d-iṣeḥ kra, nqebel tillas,
anef-iyi, si zik i nferq, i nebḍa, wa wer yeddi d-gma-s,
yak qaren-ak di lfetna « saḥit a yizem, aγiles »,
ahat yaεya lhem tura, ak wen ğğen ma d-terrem ayla-s,
aγ yaru lxuğğa a necḍeḥ,

anef-iyi, mačči ala ayagi id nenna, ullawen ččuren,
anef-iyi, nettḍeṛif kan di tlufa alarmi nuḍen,
a wi di gern nehta, a d-tesker wid yemuten,
lah, lḥed a yetma, ma d-zhu aγ d-iṣawḍen,
aγ yaru lxuğğa a necḍeḥ...


Transcription : Icerfan
Modif’s : le 26.12.10