Si Moh u Mhand
 

Extraits du recueil de Said Boulifa


Ziγen laεceq yemxallaf
ifreq d-lenṣaf
kul wa d-aken yetmeḥen,

abaεḍ izehu s-lektaf
d-zehr-is yulaf
iqim netta d wi(n) aεzizen,

d-abaεḍ meskin hat, i nḥaf
d-ay(en) (i)g bγa ur t-ittaf
s-lehlak-is d-Ṛebbi ig εelmen…

Ata laεqel-iw yesleb
d-lmeḥna-w teṣεeb
sεiγ lεib neḥmeq,

(γe)f tuzyint nug(wi) a njaneb
d-rray yedebdeb
(de)g lḥal nezga naεweq,

irteḥ w(in) ur njereb
lefraq ay g-ṣεab
d-wi(n) aεzizen s-laεceq…

Ata wul-iw yettferfir
aw(i) qwlen d-itbir
ad zegreγ lebḥer yibwas,

ar ṣut lebsa leḥrir
s-ṣṛaya d lğğir
kul ta numru deg lhara,

yak d ma cebḥent laḥir
iḍher wer yefir
zhu n dagi d-amesas…

A kem ineεl Ṛebbi a lmut
ur neğği tamurt
tebwiḍ ig llan d-lεali,

am argaz, am tmeṭut
wi yelhan i mut
iqim w(in) yellan d-duni,

lexber bwiγt-id s-ttbut
a lfahmin cfut
temut teqcict tγaḍ-i(yi)…