Sahel

Sahel (http://www.sahelkabylie-infos.com/forum/index.php)
-   Muḥya (http://www.sahelkabylie-infos.com/forum/forumdisplay.php?f=20)
-   -   Timura medden akw yiwet (kab) (http://www.sahelkabylie-infos.com/forum/showthread.php?t=478)

Icerfan 07/06/2011 17h57

Timura medden akw yiwet (kab)
 
Anef i zher ad iserwet
ur nelli d-widak yeččḥen,
timura medden akw yiwet
nek snat iyi-d-iṣaḥen…

Acu kan, tamezwarut
akin agumaḍ-ina i lebḥeṛ,
a kra yettarun, arut,
ulla d-nukwni a d-ncekeṛ,
abeḥri, iṭij, idurar,
ur nezmir-ara a nehḍeṛ,
rebḥ ayen n-din yufrar
aṭas i yeqimen i ceṛ,
naγ nnif akw d lḥerma
γileγ azal-nsen meqwaṛ,
mi ḍaleγ ad bedleγ tama
am din, am da, nettwaḥqeṛ,
anef i zher ad yeserwet,
ur nelli d-widak yeččḥen,
timura mdeden akw yiwet,
nek snat iyi-d-iṣaḥen…

Mi dliγ γef tagi niḍen
aqlaγ neguma a neqceṛ,
aṭas asen (γe)f i d-bwḍen
γilen msakit d-aqeṣeṛ,
kul wa dayen ibγa yufat
di Barbès ddu, ḥekaṛ,
wa tewtit, wa teseḥfat
taγṛibt-agi, aniγeṛ ?
nsaram ad yalli was
nettru akw, bezef nenṭeṛ,
win (iwu)mi nniγ : amek i d-dwas ?
yennak : i yelhan d-ṣbeṛ,
anef i zher ad iserwet,
ur nelli d-widak yeččḥen,
timura medden akw yiwet,
nek snat iyi-d-iṣaḥen…



Transcription : Icerfan


Fuseau horaire GMT +2. Il est actuellement 03h34.

Édité par : vBulletin® version 3.8.0
Copyright ©2000 - 2024, Jelsoft Enterprises Ltd. Tous droits réservés.
Version française #13 par l'association vBulletin francophone
Sahelkabylie-infos.com