Ccix Nurdin - Cheikh Nourredine
 

Cette fleur sur un fumier,
elle m'a fait pitié
poussant à cet endroit.

Sa beauté m'a effrayé,
comme si elle me priait
de l'emmener avec moi.

J'aimerais la planter avec soin,
au milieu d'un jardin,
et lui faire une place de choix.
L'entourer de son prochain,
et lui vouloir du bien
est une preuve de bonne foi.

Dans la vie tout a une fin,
quand on voit loin,
c'est Dieu qui fait toutes les lois...


1974

Quelques extraits de

Cheikh Nouredine
Comédien, Poète, Chanteur

de Youssef Nacib



Tadart-iw, tucbiḥt n cfer,
Tebwiyi lεamer,
Fellas ur sεiγ laεqel,

Ul-iw mi tt-i-d-ifeker,
Meskin yetḥeyer,
Iḍ d was ad itḥewwel,

Mačči d-ankar i tt-ineker,
Mi nruḥ nhujer,
Aka zman m(i) ara ibedel...

Sufγen-d lexbar aka,
La qaren asa, azeka,
Ilaq-a-nneγ a nebges,

Asγar tekcem tweka,
Xas ḥebsit yerka,
Seg uεerqub ad i ttwakes,

Lzzayer win iwumi tefka,
Win yeččan, yečča,
W(in) ur nečči, tarbut tekes.

Ayen bnan lejdud si lsas,
Anw(a) ak(a) ara t-inekren ?

Ttarix yekteb fellas,
Yerna ḥkaneγ yemγaren,

Dheb ma ixelṭ-it nḥas,
Yeqwel uqelmun s-iḍaren.

Hḍerγ-as i wbernus-iw,
Inn-ak ur fhimeγ-ara,

ḥkiγ-asen i yimez'uγen-iw,
εuẓgen wer d-slin-ara,

Aka lεada di laṣl-iw,
Del ur s zmireγ-ara.

Γef Slimane Azem


Ay yellan si teswiεin,
Tikwal deg yiḍ naγ deg was,

Ay nemyeḥka (n) teqṣiḍin,
Zemreγ ad hedreγ asegwas,

Ma ttura ifuk kra din,
Uγalent tmedlin fellas.

****

Ittru weqrib d weḥbib,
Im(i) ak(a) ay tebγiḍ a lmut,

Muḥal lḥal yeskidib,
Iruḥ s-uḥaruq (n) tmurt,

Txilek a Rebi ur tettεettib,
Kul yiwen as yettradjut.

****

Mazal z'erreγ lexyal-is,
Iεeda amzum d ttargit,

I d-yegwran siwa ṣut-is,
Netta yeruḥ dayen ullac-it,

Kul wa ad iεedi lweqt-is,
Kul as yesεa tamedit.

****

Mmer ad hedreγ εecr snin,
Γef aken iyi-d-yeḥka,

Yennak d saεd i yugwin,
Di twenzaw yura waka,

Iγab, fellas a tt-γennin,
Ruḥ ihi agma aεzizen, ruḥ.

****

Yeffeγ lexbar deg durar,
Di laεrac tudar,
Ttruγ wehḍi maken sliγ,

Nell(a) aken ay nettemzuγar,
Nḥeku neqar,
Ini-yi-d w(a) ad ak inniγ,

Yesawal ay at idurar,
ḍegert-iyi-d amrar,
Ayatma, bγiγ an aliγ.

Medden ttakwin-d si tnafa
kul wa yestaεfa
nek werεad qineγ allen-iw

yettxemim wul id yecfa
laεtab, tillufa
aka i tεeda temẓiw

as mi γileγ lhem yekfa
nettnadi, nufa
lazem ad εiwdeγ leḥsab-iw.

Yennayi baba cfiγ
muḥal ur tettuγ-ara

balak a mmi ak weṣiγ
af lhedra-k ur γeffel-ara

ma nekreγ ansi id usiγ
amzun ur d-lulleγ-ara