Zedek Mouloud - Textes entiers
Da Lmulud wis sin
Zedek Lmulud yuklal as neqar Da Lmulud. Acku, yella Da Lmulud Mammeri (ameqwran ger imeqwranen) dγa ihi nezmer as neqar Da Lmulud amecṭuḥ naγ Da Lmulud wis sin. Yiwen usqerdec nsen : tira. Amezwaru tira ines tettfγed deg idlisen s tefransist (xas aken aṭas ig qdec af tira n tmaziγt), wis sin d-isefra s tezwawt, s tagi-nneγ, aken is yeqar Mohya. Zedek Mouloud yellul di taddart n wat Xelfun, deg wat Dwala, deg segwas n 1960, as imensi n listiqlal, aken qarent temγarin :-) Tasfift-is tamenzut tefγed deg segwas n 198ε, yesema-yas : Yemut d-aγṛib. Tanegarut di 2008, yeqar-as : Liḥala n tmurt. Seg imiren ar asa, s-usqerdec n tidett, Zdek Lmulud yuγal d-ajgu n cna d isefra n teqbaylit. Imeslayen ines zḍan, weznen, sεan azal ameqwran. Tikwal, xas ma tesneḍ taqbaylit, ur tfahameḍ-ara kra imeslayen id yeqar skud yesqucuḍed si teqbaylit-nni taqurant. I win yebγan ad yisin tagi-nneγ, Zdek Lmulud d-lakul. I win yebγan, atta tansa : http://www.zedek.fr/index.html Par déférence pour Zedek Mouloud, nous pourrions l'appeler : Da Lmulud. Mais il existe en existe déjà un : Da Lmulud Mammeri (grand parmi les plus grands). Alors nous pourrions dire Da Lmulud amecṭuḥ (jeune) ou Da Lmulud wis sin (deuxième du nom). Le travail de l'un et de l'autre se situe autour du verbe, de l'écriture. De son écriture, l'aîné écrivait en français (bien qu'il ait également beaucoup oeuvré quant à l'écriture de Tamazight). Le plus jeune des deux, a opté pour la poésie en kabyle ("la nôtre", comme disait Mohya). Zedek Mouloud est né à Ait Khelfoun (Ait Dwala) en 1960 (à la veille de l'indépendance, comme disent nos grands-mères :-)) Son premier album, 1983, avait pour titre : "Mort en exil". Le dernier date 2008 : "L'état du pays". De ses débuts à nos jours, grâce à un travail sérieux, Zedek Mouloud est devenu un pilier de la chanson et de la poésie kabyles. Parfois, alors même que nous pensons maitriser notre langue, nous nous retrouvons comme sidérés face à notre incompréhension car il va puiser ses mots dans ce que la Kabylie a de plus profond, de plus ancien. Pour qui veut encore apprendre "la nôtre", Zedek Mouloud est une véritable école. Pour en savoir plus : http://www.zedek.fr/index.html |
Di lmut-ik
Di lmut-ik a d-tlaleḍ alamma temuteḍ ar ẓṛen medden lqima-k, di ṛwaḥ-ik a d-uγaleḍ alamma tṛuḥeḍ a ṛuḥen ad nadin fellak, imiren ar a t-idiṛeḍ as m(i)ar a txaṣeḍ imiren ar a(d) yeban wayla-k, imiren ar a t-idiṛeḍ as m(i) a ten txaṣeḍ imiren ar a(d) yeban wayla-k as m(i)ar a d-zgiḍ akin s-yagi tṛuḥeḍ dayen, ad fake(n)t (γ)er medden tismin m-ar a t-fakeḍ ger wallen, yal m-ar ak i d-smektin ad nẓemn, ad ṣḥeṣfen, isem-ik a d-yeglu s-meskin, yal m-ak i d-yebder yiwen, di lmut-ik, di lmut-ik a d-tlaleḍ… yal yiwen as iban yeγfel yal yiwen as iban iḍul, kra b-win ik yarren d-cγul kra b-win ik i sεawğğen lumuṛ, win ik i kerhen, ak iḥemmel ul-is as i gan leγṛuṛ, ak i wali anda imuqel tenγel tiṭ ma d-ay teccuṛ, di lmut-ik, di lmut-ik a d-tlaleḍ… taswayt a-tt-xdem ceγl-is ayen kecc ur texdimeḍ-ara, a d-err i wmeγbun leḥq-is ad tt-uγarment tregwa, wi ḍelmen ad yezem iman-is win i ndemen ur k-id-yetterra, yal yiwen ayen yegza yiles-is a d-as d-ijbed lexyaḍa, di lmut-ik, di lmut-ik a d-tlaleḍ… as m-ara a sen d-ğğeḍ ilem g wayen ğğan, yeğğaten lḥal, ma ten i d-yeqabel yilem s-yilem a qabeln lḥal, ad ẓern ig xeddem yilem ad ẓern i γeḍṛiten lḥal, ur ttafen dwa i yilem ur ttafen dwa i lḥal, di lmut-ik, di lmut-ik a d-tlaleḍ… di lmut-ik, di lmut-ik a d-tlaleḍ… Transcription : Icerfan |
Ẓeṛ amek
Ẓer amek iγ texdem tayri a yul-iw, ẓer amek iγ texdem tayri a yul-iw, muqel amek i bedel kulci nebweḍ almi i nebra i kulci a yul-iw, mačči d-usan ig bedlen d-nukwni ay bedlen wusan, ma yebεed wayen i baεden a nfak kan deg wayen yellan, d-ţţaswayt asagi ig ḥekmen d-snasel-is i d-aγ yurzen a yul-iw, yal wa yeg(e)r anda niḍen yal wa d-sebba it yeṭfen a yul-iw, ẓer amek iγ texdem tayri a yul-iw, ẓer amek iγ texdem tayri a yul-iw, muqel amek i bedel kulci nebweḍ almi nebra i kulci a yul-iw, ayen aken i dregn af allen wisen ma yederg-ak a yul ? ma yuyes win yesarmen ma d-ak yer tablaṭ a yul ? theḍreḍ lehdur fuken ulla aken ur k yefhim yiwen a yul-iw, asa seg wayen i futen ala asmekti iγ d-yeqimen a yul-iw, ẓer amek iγ texdem tayri a yul-iw, ẓer amek iγ texdem tayri a yul-iw, muqel amek i bedel kulci nebweḍ almi nebra i kulci a yul-iw, tecfiḍ asmi neţţargu ur neclig di swa’b m-ur yelli, amek aken kulci d-zhu amek aken akw neshel kulci, tecfiḍ as mi ţţ-neţţrağğu neţţagwad ur d-ţţruḥu a yul-iw, tecfiḍ as mi is nḥeku tecfiḍ as mi is ncennu a yul-iw, tecfiḍ as mi ţţ-neţţrağğu ur neţţamen ad a-ţţ-newεu a yul-iw, tecfiḍ as mi is nḥekku tecfiḍ as mi is ncennu a yul-iw, *** a tin ur d-fdi tmenna ay nniγ d way nniγ, a tin ur d-fdit tira d-adlis ad yeg wayen uriγ, a tin ur d-fdi-ara cna s-γurem i cudeγ ayen cniγ, a tin ur d-ifdi ucemma af sin icidan ḥsiγ, a tin (yi)s icbeḥn iberdan a tin wugud (γur²) tecbeḥ tikli, a tin (yi)s iziḍit wusan ay ziḍ yidem iγimmi, a yagur mu zin yetran acḥal tzaded i tmuγli, a tin s izehren wuḍan a tin aεzizen felli, sked wer n-uzneγ γurem kra bwi mugreγ innγ-as, yeḍḥad wayen akw xuṣeγ dgem txusḍ-iyi d-yir lexṣaṣ, dwa b-ul-inu d-kem degm ar a ţţnadiγ fellas, ma lliγ-am deg ul inem smekt-iyi-d yiwen was, wisen amek i-ţţ-id-mlaleγ ? amek aken akw tegla yisi ? yecbeḥ lawan (de)g i ţţsneγ texleḍ tiselbi i temẓi, tcebḥed, dges εecqeγ ziγ aken i txedem tayri, as m-id ḍal, dges muqleγ d-lεid ig εedan felli, ḥemleγ-ţţ as maken tella ḥemleγ-ţţ as maken ur telli, xas ma yella lğğerḥ iḥla yeḥla (yeḥya²), yeğğad cwami, xas asa g-udem-is yeḥfa ullac ig cban tayri, ahat ayen dgi d-ğğa ğğiγ-as-t ulla d-nekkini ? Transcription : Icerfan Modifs le 12/11/10 |
Lemer
Lemer d-ik terbiḥ a yul tili ata aqlaγ gerasen, lemer d-iγ terbiḥ a yul tili ata aqlaγ gerasen, imi ur d-ak terbiḥ a yul aqlaγ nebεeḍ fellasen, imi ur d-aγ terbiḥ a yul aqlaγ nebεeḍ fellasen, ur nwiγ tizi a-ţţ-ḍul mačči d-yiwet i di ṛuḥen, weḥceγ-ţţ ad i d-smuqul m-ad muqelγ anda niḍen, tagara ṣwab d lmeεqul d-ancaf id i d-ikeččmen, lemer ţţamneγ d-aḥeckul naγ yella kra di yuγen, qedem-γ ṣebḥ b-uwtul ṣbuḥ-iw deg ucanen, ma yugwi ibibi weγyul d-acu aka ar as d-yeqimen ? a yimi yezwaren arkul d-abelbul i d-yenawlen, a tenḍeγ tidi s-lmul as mi texṛeb d-ifasen, nenuda rebḥ ur t-nenul d-acu aka i d-rbeḥ ? wisen, tedduγ g brid mi mellul tura fsin ideflawen, s-amer amallag a tenẓul ( ?) ḍḥan-d (ḥṣiγ²) iberdan waεren, ma yeẓṛa wugud yedukul winnaken i kwen izdukulen, imi dunit d-lakul yeţţεeḍwi degs, i qaren, yeẓṛa yeḥnet ma yegul mačči d-yiwet a d-isγaṛṣen, yal abεuc dges illul awekiwen, aẓaγṛiwen, a yiniγem uhu yeḥbul umallah a yibzizen, ur d-as nufi dwa i wqeẓul d-ţţisendit i d-yesfayen, d-win tenwam d-ameḥbul tikwal i tent i d-yeţţafen, tambult, iqwjan d lwacul a wi wqan deg senanen, wi rran ullac d-azamul w'ar a yaf deg ilmawen ? wi rran ullac d-azamul wi g ufa deg ilmawen, ayagi ik nniγ d-agzul wama ayen din d-isalen, ad asen d-fkeγ d-azul i warrac d izamaren Zedek Mouloud Liḥala n tmurt - 2008 Transcription : Imminig / Icerfan |
A yusu
Tebwiḍ dnub a yusu acimi akka id duqseγ ? ẓṛiγ tebwiḍ daεewsu mi tṣeγ citeḥ a d-friwseγ, imi iḍes ur d-iţţrusu s-immeṭi ak slexseγ, ţţruγ γef ayen yefuten yeğğayi, yeğğa cama, tezriḍ ifut-iyi dayen lamaεna lebγi-s yella, mi t-id-rriγ ger wallen a yifat lebγi b-wasa, ţţruγ γef ayen deg i lliγ d-wayen deg a-ţţ-idirreγ, ur i yelhi, ur d-as lhiγ ur yefhim, ur tefhimeγ, yeḍefr-iyi-d mi teğğiγ iḥebs-iyi mi tezuwreγ, tebwiḍ dnub a yusu acimi akka id duqseγ ? ẓṛiγ tebwiḍ daεewsu mi tṣeγ citeḥ a d-friwseγ, imi iḍes ur d-iţţrusu s-immeṭi ak slexseγ ţţruγ γef ayen d-iteddun d wayen a d-zuγren wusan, weḥceγ s lḥif a d-glun ugwadeγ a d-rnun urfan, ayen akw i buben leqrun γuri ad as d-yegwri wemkan, ṭṭif sel ilindi ilinidi ṭṭif ilindi asegwas-a, γuri yifit iḍelli γef ayen id ibanen asa, azekka amek ar a yilli mi asa yegzem tasa ? ihi wabel d-asefli mi qabel yuger aya ! tebwiḍ dnub a yusu acimi akka id duqseγ ? ẓṛiγ tebwiḍ daεewsu mi tṣeγ citeḥ a d-friwseγ, imi iḍes ur d-iţţrusu s-immeṭi ak slexseγ Transcription : Icerfan |
Din din
Tikwal ad ţţmeslayeγ alama briγ-d i yisem-im, imeẓuγen-iw ma ten amneγ ma ten id careg taγuct-im, d-akelex i sent ţţkellixeγ i wallen-iw s lexxyal-im, ğğiγ-kem ur kem ţţağğeγ ğğiγ-kem ur ğğiγ tayri-m, ma ğğiγ, ğğiγ ar d-ğğeγ ayen akw id ğğa targit-im limer a-ţţ-ẓṛeḍ i yiga yiḍ felli ma d-mdel tebburt, d-udem-im is i d-yegellu yiḍ yeţţbedayid γef tebburt, tikwal qareγ-as : a yiḍ i lemer a d-deger tabburt ? a d-cerreg g wagu-k, a yiḍ, a-ţţ-lli i wmeḥbus tebburt, tabburt b-ul-iw γelqeγ-ţţ as maken im ţţelldiγ i kem, kra n tin yellan din ḍumeγ-ţţ regleγ-d (selγeγ-d²) imerğğan yisem, dges tayri-m srekdeγ-ţţ anta ta a-ţţ-id yesufγen ? tayri-w am tebṛa-ţţ cemeγ-ţţ yekfa lmidad ar γurem, yal mara kem-id mektiγ γurem a-ţţ-nwiḍ-d a kem ţţuγ, amaken yidem i ţţilliγ amaken yidem i leḥuγ, tikwal mi degs ţţwalliγ teswiṛa-m a d-as ḥekuγ (sruγ²), lemer ufiγ mi kem bγiγ am sefru a kem-id snulfuγ, limer ufiγ mi kem bγiγ din din a kem-id snulfuγ, lemεahda-w mačči g ibwas amen-iyi ma d-nuṭti umnent (?), werğğin ur εeddeγ tillas ma d-kem anadi γersent, yal mara megreγ tullas ţţwaliγ-kem gerasent, aken bγunt cebḥent tullas, ur ţţagwad tifeṭent mi t(en)t iḥewes nadam ṭṣeγ targit a kem-id siweḍ, aha am qaṛeγ id qaṛeḍ mi d-ḍṣiγ a d-am neḍṣeγ, amzun am asen dgi i tesneḍ niγ-am acḥal kem ḥemmleγ, niγ-am acḥal di tḥemmleḍ lemer a-ţţ-ẓṛeḍ ayen ḥemmleγ, targit i deg ad sfeqḍeḍ lemer a teẓṛeḍ ma d-kreγ, ma d-akwiγ ur di tẓaṛeḍ bequγ γuṛes ad uγaleγ, awid kan a d-uγaleḍ, bequγ γures ad uγaleγ, awid kan ad i tamneḍ. Zedek Mouloud Transcription : Icerfan |
Azemmur
Wisen amek qerseγ-d, γliγ-d deg wefras naγ deg wafrasen, s-umextaf zwin-iyi-d naγ d-aḍu-nni d-isuḍen, nudan-iyi, ufan-iyi-d, ḥuzan-iyi deg fasen nsen, s-aqecwal rran-iyi-d mi teččuṛeγ ad ineγlen, i wεemmuṛ tezin-iyi-d feṛḥen mi d-sawḍen, yal as sefqaden-iyi-d armi yebweḍ dgi a yiẓḍen, γer tesirt sekcemn-iyi-d iγuṛaf tezin, tenḍen, γer wefṛac ṭefn-iyi-d ur tefγeγ ar d-imeḥqen, lliγ d-aεeqqa gern-iyi-d d-aṛebuẓ a yisufγen, fukeγ ẓid, ekesn-iyi-d γer tesilţţ ad iyeẓmen, tatemunt tedegr-iyi-d d-ţţaẓayt-is ig ẓayen, tabextit tesaf-iyi-d aman armi d-uzagen, felli smaren-ten-id d-nekkini ig maren, kaweγ kan, ḍeqeṛn-iyi-d d-amegruj ad ṣeṛγen, zit-nni ktalen-ţţ-id ma d-amureğ s-iḥḍunen, mi kaweγ kan ḍeqeṛn-iyi-d d-amureğ ad serγen, zit-nni saferen-ţţ-id ma d-amureğ s-iḥḍunen, d-azemmur lqweḍen-iyi-d γef zit-iw i d-iluqḍen, d-azemmur lqweḍen-iyi-d γef zit-iw i d-iḥemmlen, *** γef zit-nni d-iḥemmlen zit-iw d-dwa b-uqbayli, ad yedhen, ad yesisen, anida yedda a-ţţ-yawi, akal-nni i t-id-yurwen ariḥa-s as d-ismekti, d-leqrun ur a-ţţ-bedlen wisen ma yaken aqbayli-nni ? Zedek Mouloud Transcription : Icerfan |
Tidak
A tidak id yeţţasen ur yenuda ḥed fellasent, a tidak id yeţţasen ur yenuda ḥed fellasent, a tida(k) akw i deg i nkeččem amek almi i nga daxel nsent ? ma d-nukwni i t(ent) i d-yeţţafen ma d-nut(en)ti, amek iγ d-ţţafent ? a widak yeseḥsaben yexḍa i leḥsab win ḥesbent… ma d-ay fellaγ teseγleb amer ur s-nezmir-ara, ma d-ay fellaγ teseγleb wisen m-ur d-as-nezmir-ara ? sekra b-win γer nqeṛeb nufat yebεed mi nuẓa, ixef-is winna if i nqeleb yesen anida i t-yeγeba, yeţţbaned umergu n-cḍeb ma yeγli fers i tṣeḍwa… anwa i mačči d-axṣim-iw anwa wer neğği tama-w ? anwa i mačči d-axṣim-iw ala win yeğğan tama-w ? bwiγ abrid s-yimmi-w ktalleγ abrid s-wayla-w, ma tγileḍ aεğğebγ imaniw m-ur d-ak teεğğib liḥala-w ? tawuṣt teṛṣa g cḍaḍ-iw yeqeṛṣ ibid a yagaw, ma tγileḍ aεğğebγ imaniw m-ur d-ak taεğğib liḥala-w ? mi tezgiḍ deg jufar-iw i briγ i yibid a yagaw… mačči d-kečč i di yerḥan a yawal mi d-ak selleγ, mačči d-kečč i di yerḥan a yawal mi d-ak selleγ, awal winnaken i t-yennan ma yeẓṛa sanda yeffeγ ? mačči d-neţţa i di yecqan ur yiγaḍ mi yides feṛqeγ, a yawal i di yenγan mi d-kiḍ seg win ḥemmleγ… ṭseγ d(eg) urrif d uγilif tanekra yinu di ndama, talemast tugwik a rrif rrif ur yezmir-ara, a win yeţţnadin nnif kulec yella ma d-win yekfa, a win ur nezmir i lḥif kullec ullac ma d-win yella, a win yeţţnadin nnif kullec yella ma d-win yekfa, a win ur nezmir i lḥif kullec ullac ma d-win yella… a yimezgan wer neggan s-wannuz i-ţţ-εeddin γurwen, ma teẓṛam tidak yellan teẓṛam tin id aγ yuγen, ma yitbiren d-iseflan ad zin igerfiwen, tegwrad nuba i yeṣγan teẓṛam lbaz amek aken, ma itbiren d-iseflan ad zin igerfiwen, ma twallam rebḥen yesγan wallit lbaz it yuγen… Zedek Mouloud Liḥala n tmurt - 2008 Transcription : Icerfan Modifications apportées le 17/02/2010 |
Aderwic
Ur yeẓri anida yella ur yeẓri ansi i d-yekka, ur yeẓri sani i teddu ur yecfi ansi i d-iεedda mi g-dda uḍaṛ-is, yedda, mi g-aεya ad istaεfu, yelḥa i usemmiḍ di cetwa iṭij deg nebdu yeṛγa i llaẓ, εeryan d leḥfa aken akw neţţa ad i leḥu d-aderwic, d-aderwic, d-abrid ay s-igan aḥric... ţţaḍnen akw medden, yuḍen d-aṭan-is ig gan aken yal wa d-amek i d-as tecṛeḍ, d-daεewsu i t-yuwten d-dnub, d-lεib wi t-yebwḍen wi g bweḍn anda yebweḍ ? xas ur yeεğğib i yiwen ur yufi-ara aken niḍen, ur yeksan ḥed it yuγen, ur ekkat a gma, i neṭed, d-aderwic, d-aderwic, d-abrid ay s-igan aḥric... ur d-iclig deg wayen nnan ur d-iclig deg wayen yellan ayen yellan degs i sikid, iḥbiben, allag, imawlan yefuk ur d-yegwri laman teṣaweḍ tyuga ar weḥdid win id yugwran deg webrid, ma yella yugwi axxam i d-as ţţ-yegan d-at wexxam seg wexxam i gan abrid, d-aderwic, d-aderwic, d-abrid ay s-igan aḥric... zik-nni am kunwi ig lla yedder-as aken i d-as yufa ur yenwi ḥed as teḍṛu, win yuyesn ayen yurğğa yerğğa ur d-iban wara ar melmi ar a yerğğu ? tebweḍ anda ur s-yezmir-ara yejbed-d tqaṛṣ snesla ur yezmir ḥed i lexla ullac di tagga at waḍu, ma teḥṛes, ma teḥṛes, ibwas a d-jebd aseγṛes, ma teḥṛes, ma teḥṛes, ibwas a d-jebd aseγṛes, ma teḥṛes, ma teḥṛes, ibwas a d-jebd ar ţţγṛes… Zedek Mouloud Transcription : Icerfan |
A weltma
Xas teγaḍeḍ-iyi, d-acu ar am xedmeγ ? di tyita am tiggi d-acu ar a bedleγ ? irad-as Ṛebbi abrid ur nexli a taγeḍ, a t-aγeγ, waggi d-akagi wallit akkeni teṛwiḥt a-ţţ-ffeγ, a weltma xas ru ad εedment wallen-im, ziγ a d-am teḍṛu ma kem i d-yaweḍ mmi-m… yesteqs-ad leğğl-is neţţa dayen asa, tin d-urzem s-iri-s amek i d-as teḍṛa ? tin yewwet zehr-is yerab wexxam-is ar γuṛem i d-tegwra, bded γef leḥq-is bded γef warraw-is ur zmiren-ara, a weltma xas ru ad εedment wallen-im, ziγ ad am teḍṛu ma kem i d-yaweḍ mmi-m… xas a d-as tecfuḍ tεedda fell-am, xas ṭlam … xas yeḥzen wexxam, ibwas a-ţţ-ḥluḍ ibwas a-ţţ-zhuḍ a d-zin laεwam, ibwas a-ţţ-ţţuḍ xas ur teteţţuḍ amenzu n tasa-m ibwas a-ţţ-ḥluḍ ibwas a-ţţ-zhuḍ a d-zin laεwam, ibwas a-ţţ-ţţuḍ xas ur teteţţuḍ win yezan tasa-m… Zedek Mouloud Transcription : Icerfan |
Γurem kan D-lehna ig zaden fellam deg mi teţţnadiḍ γef cwal, ur tjerrebḍ-ara ṭlam tγilleḍ aka kan d-azal, azekka m’ar am d-iban asa (iw)um(i) ur tegiḍ azal, γurem kan ṣaεbent temsal… γurem kan, γurem kan, γurem kan d-urrif-im zuzer-as laεqel, γurem kan, γurem kan, γurem kan ayen akw neẓa ad i-ţţ-warkel, γurem kan, γurem kan, γurem ! a-ţţ-ḍru yidem am lγwem iṛekḍen ayen akw (i) d-imegel γurem kan… ma lehna b-win i-ţţ-yebγan tayri b-win ţţifhemen, ma taεyiḍ deg wayen illan ur teḍminḍ anda niḍen, γurem widen aken is yennan tecfiḍ iwumi i d-bran asen, γurem ayen aken akw rğğan a d-yas was a d-as ḥedṛen, γurem kan… ma yella abrid-im d-luḍa mačč(i) aken akw anda niḍen, llan wid m’ur tezmirḍ-ara yella ukesar d usawen, γurem ad am yagwar liţţa(ε) a-ţţ-εiceḍ deg uḍyiqen, γurem at reḥba n ṛxa kem yellan d-wi γlayen, γurem kan… aqlal sdreg-as-t i tiṭ ma d-ul-im ḥud-as tillas, aḍaṛ γer lada teẓṛiṭ alama inuda fell-as, kra si leḥqim ma teğğiṭ γurem a kem … … anfas, tikwal a-ţţ-nadiḍ (γe)f cwiṭ a-ţţ-afeḍ tezgelḍ aṭas, γurem kan… anwa wa yebden ur yeqim ? (an)waka yufgen ur yerris ? di lqaεa serked iḍaṛen-im yelha wi teddun s lqis, γurem ha ! a-ţţ-geḍ iman-im γer ger taggunt d wefḍis, dnub (d) ţţ’wab i yiri-m ur ţţamen yella zheṛ ugḥis, γurem kan… Zedek Mouloud Transcription : Icerfan |
Lbeḍna-w D-lbeḍna-w a d-am n-inniγ ţţideţţ a tuzyint, ḥṣu, s-ufus iw i d-as γziγ i tayri-w tebḍa treku, a kem i d-ţţmektiγ dayen ul-iw yugi a kem iţţu, as m-aken i kem ğğiγ asen i yeẓṛiγ dgi daεewsu, xas ar γurem ur n-uγaleγ ur s-qaṛ dayen ţţuγ-kem, ma yella γurem ur n-ṛiẓeγ d-awal medden iyi-ṭfen, ul-nni if ṛekḍeγ iceṛḍi-kem ala kem, ur cukeγ ad zewğğeγ ur cukeγ ad ḥemleγ tayeḍ defir-em, ur cukeγ ad ḥemleγ ur cukeγ ad qebleγ tayeḍ defir-em… kul iḍ ma d-yeγli ṭlam tamedit texla taddart, tizya-w akw rzant s-axxam kul yiwen ig bγa, yufat, ala nek i d-yegwran (γe)f teblaḍin n tejmayt, ḍleqeγ i yitran ţţruγ (γef) ig εeddan ţţarguγ tufat ḍleqeγ i yitran ţţruγ (γef) ig εeddan ţţarguγ tufat, fserγ i yitran ţţruγ (γef) ig εeddan ţţarguγ tufat… Zedek Mouloud Transcription : Icerfan |
Dayen
Dayen ifat lḥal yeğğayaγ lḥal xas nendem, ur d-yegwri wawal d-acu aka mazal a nezem, ama nemḥemal ama ur nemḥemal a nqedem, xas ṣaεbent temsal xas tebweḍ a lmuḥal ma ţţnegzem, dayen, ulla ay nexdem… aken ibγu yilli aken ibγu ur yelli a nkemel, xas tekfa tayri xas yekfa kulci a nedukel, d-acu ar a ninni d-acu wer nenni ma tezgel, ma lemer d-lebγi iεedda lebγi ma neḥṣel, dayen, ulla ay nexdem… ama d-kemini ama d-nekkini ma neḍlem, i ma d-kemini naγ d-nekkini ma nemẓem, mačči d-nekkini mačči d-kemini ulla d-kem, ma yella d-nekkini ulla d-kemini nek d kem, dayen, ulla ay nexdem… lemer iḍelli icuba asagi ma nemlil, amer asagi ad yuγal d-iḍelli ma nemqil, ma yella asagi yifit yiḍelli ur yeţţbedil, ma yekfa yiḍelli yegwrad wasagi d-ay nγil, dayen, ulla ay nexdem… fγent mxalfa tirga yakw nurga ma neḥku, ayen akw nmenna m’alarmi nmenna ma neţţru, wi g nwan aka wis yennan aka ar aγ teḍru, imi d-aγ teḍra imi d-aγ tebḍa ma nebḍu, dayen, ulla ay nexdem… Zedek Mouloud Transcription : Icerfan |
Taktunya
Am tektunya di tyersi-k mačči d-ayen i d-yeţţeksen, γer deffir i ḥebsiţţ yiles-ik γer zdat tugwi a-ţţ-qedem, ma yesusf-ik-id wakal-ik nqeḍn segs amur-ik ma ullac lehna di tmurt-ik ur ţţeţţnadi anda niḍen, m(a) ur tukiḍ d yiman-ik sers (de)g webrid taεkwemt-ik ḍeqṛ-as tamrart i yiri-k naγ taṛṣaṣt γer ger wallen… tḍul armi truḥ teγṛibt-ik wid mu truḥ ma d-uγalen ? tufiḍ lebγi-k di lγeṛḍ-ik ur d-zgiḍ seg wi ḥaren, m(a) ur d-ak temli tezmert ik (γe)f usan ik i d-iḥarṣen … ad yegwri yixef-ik ma yegwra uqezb i lεemr-ik tesewḥac tudert-ik i d-yegwran anda niḍen, kečč ur yesakwi was-ik ur tesgan tmeddit-ik arnuy-as cṛab i lḥif-ik teglilezḍ (de)g karṭunen… tuγal d-amenkeṛ tikli-k aεyan akw deg-k yeḥbiben, andaken zint wallen-ik ugwin ak i d-muqlen, atan lḥiḍ d-unyir-ik sigwet-as i twenza i εaksen, naγ ţţektili (de)g webrid-ik ţţawi, ţţerra, aqjun yif-ik ala kečč d-yiman-ik d-yiwen a yezmen yiwen, (an)wa (a)r at aεjeb teqbaylit-ik ? leqbayel asa mačč(i) am zik asa, aqbayli d-idrimen… wisen amek is yega wul-ik i tmerhunt yeţţganayen ? ma mazal dges tayri-k naγ d-nniya ig nxuxlen ? tesḥeṣleḍ degs arraw ik ma yeţţu iγured win yurwen, ur teṭifeḍ (de)g wawal-ik ayen yakw d-yehdeṛ yimmi-k ţţemẓi-s i t-jeggeḥ, tumn-ik yedḥa-d d-aγebeṛ s-allen, ma yuγal d-abrid wexxam-ik tabburt yellin, d-afus ik, ma i bedred ḥed di nif-ik d-keččini ig xnunsen… am tektunya di tyersi-k mačči d-ayen i d-yeţţeksen, γer deffir yugwi yiles-ik γer zdat tugwi a-ţţ-qedem, ma yesusf-ik-id wakal-ik nqeḍn segs amur-ik ma ullac lehna di tmurt-ik ur ţţeţţnadi anda niḍen, m(a) ur tukiḍ d yiman-ik sers (de)g webrid taεkwemt-ik ḍeqr-as tamrart i yiri-k naγ tarṣaṣt γer ger wallen... Zedek Mouloud Liḥala n tmurt 2008 Transcription : Icerfan |
Lemri
Ţţagwad-γ a d-iban kulci kukreγ γurek a n-bedeγ, ẓṛiγ ig εeddan felli ẓṛiγ ayi-d-inniḍ bedleγ, kfiγ tura dγa maḍi cerweγ mi dgek muqleγ, tesenḍ-iyi zik-nni ẓeṛ san asa amek uγaleγ, a lemri, a lemri inniyi ma d-ay-γelṭeγ wagi mačči d-nekkini... seg qeṛu tebrek teffaγ temlel tεedda tillas, cib am dfel yesaγ yusa-d ur bniγ fellas, anẓaḍ amenzu wallaγ nnan-d : « n saεd », unefγ-as, ur ukiγ, ur d-as faqeγ almi mi d-yegla s-watmas, a lemri, a lemri inniyi ma d-ay-γelṭeγ, wagi mačči d-nekkini... am urti i kerz wenyir-iw yuwtit lḥif d iḍerfan, a d-ţţbanen igumas-iw ṭaqa b-uglan qlan, tebrek tefla-d γef udem-iw tuγit amzun d-ilefḍan, a nuxxer-t ulla d-allen-iw d-immeṭi i sent igan amkan, a lemri, a lemri inniyi ma d-ay-γelṭeγ, wagi mačči d-nekkini... tenecraw, tdub, tefrares am cetiḍ teẓm ṣura, aksum-nni n-zik yenqes tura innad dayen yekfa, amzun ur iεedda sges wayen akw tεebba, teγma, a yeţţnal weglim iγes ḥeḍred d-abrid s-aẓeka, a lemri, a lemri inniyi ma d-ay-γelṭeγ, wagi mačči d-nekkini... Transcription : Icerfan Modif's le 12/11/10 |
Iyaw meqaṛ
Tfuk tefsut, tura d-ṣmayem, tekaw tmurt, quren ulla d-isafen, wi bγan tuẓut, ad yerğğu ḥeṛtadem, kulci yeṭṭfut, iyaw meqaṛ a necḍaḥ, macci aka i nγil a d-ṣbaḥ iyaw meqar a necḍaḥ anwa ur γ nesru ? anta ur nesεada ? yal m-aγ teḍṛu, aka i d-aγ teḍṛa, amer ncefu tili macc'aka, imi n-teṭṭu iyaw meqaṛ a necḍaḥ, macci aka i nγil a d-ṣbaḥ iyaw meqar a necḍaḥ ayen akw nelḥa, melmi nedukel ? acḥal nebda, ulla yiwet ur ṭṭenkemel, si zman aka, mi tebweḍ s ajuman tenγel, akagi i tga, iyaw meqaṛ a necḍaḥ, macci aka i nγil a d-ṣbaḥ iyaw meqar a necḍaḥ macci d-cituḥ iγ yeṣxeṛben asagi, ur d-aγ icuḥ, d-acu id yeğğa iḍeli, ḥelun leğğruḥ, ur ḥelunt cwami, ṛwaḥ tṛuḥ, iyaw meqaṛ a necḍaḥ, macci aka i nγil a d-ṣbaḥ iyaw meqar a necḍaḥ Transcription : Yidir |
Lmenṭeq
D-ul-iw ig εeddan tillas as-ni mi kem xtaṛeγ, mi kem-id jebdeγ ger tullas as-nni lfud ay ḍelmeγ, i d-uğweγ, bniγ fellas, ẓṛiγ a medden a t-xelṣeγ bγiγ agur d-amwanes cah dgi ma εawzeγ, as maken εecqeγ di tmes ẓṛiγ a medden ad ṛγeγ, tayri-w γer lğiha-s teṛxeṣ tugiṭṭ, meğǧdeγ naγ ṣuγeγ, wehmeγ d-acu i d-sukes wehmeγ acu aka i s-xedmeγ, bγiγ azeğğig g ifri nwiγ a-tt-iγwzif tefsut, megreγ-d i ufud-iw tiṛẓi yenul ubeṛdi-w tamurt, s-umeğed im n-greγ tiγṛi teṣuεezegḍ-as i ṣut, a d-icehed was-nni as mi m-bedeγ γef tebburt, cukeγtt a-tt-εeddi felli a yiteḍṛu m-ur di teḍṛa, d-ul-iw ig bγan tigi isγeṛs rbug i cera, limer ul-iw ur di yebwi asagi ur ceḍγ-ara, smayem b-uzu n tayri tili ur s tḥedeṛγ-ara, d-ul-iw ig εeddan tillas as-ni mi kem xtaṛeγ, mi kem-id jebdeγ ger tullas as-ni lfud ay ḍelmeγ, i d-uğweγ, bniγ fellas, ẓṛiγ a medden a t-xelṣeγ. Transcription : Imminig |
Aḥdid d webrid
D-aḥdid d webrid d-tt-id akw i d-ittigan, nek ur nebdid d-nek is tt-id-yesγiman, amek is ten t-yettεemid i wufus-iw lqid d-afus-iw is tt-id-yettaran, d-aḥdid a yabrid d-abrid a yaḥdid yal tallit wid iyi ṛẓan, ḍefṛeγ-k a yabrid teṛiḍ-iyi-d a yaḥdid ad mecḥeγ idamen a yuglan, m-id regḍ a yaḥdid ak nadiγ a yabrid a-tt-kemleḍ i yifaden yeεyan, d-aḥdid a yabrid d-abrid a yaḥdid yal tallit wid aγ yeṛẓan, ttrağuγ-k a yajdid ma d-keḍ seg uqdim yeḥfan, ttarguγ-kem a lεid nekini d-izimer yeksan, anda aken yettṣegid ṣbuḥ ugelid ma d-win b-win is yeknan, d-aḥdid a yabrid d-abrid a yaḥdid yal tallit wid aγ yeṛẓan, γef t-id bwid icaεfan ur d-iyi-nfan, naγ ar dina srid riγ sanida i yiran, d-nek ur nerkid d-nek ur n-ğhid ik yeğğan a yazwaw εeryan, d-aḥdid a yabrid d-abrid a yaḥdid yal tallit wid aγ yeṛẓan, tiṭ tesikid ul yettsemi d ineẓman, iles yettmergigid m-ad yinni ayen i d-iyi-nann, aḍu yufayid aḍu yebw-iyi-d d-aḍu-nni i d-iyeran, d-aḥdid a yabrid d-abrid a yaḥdid yal tallit wid iγ yeṛẓan, axam ubudid yesemḥiḥid s-iḥeṛqan, times tebweḍ-iyi-d ttneziheγ deg wayen yeṛγan, mi nwiγ lwaḥid a d-gwriγ d-awḥid xas wid yicban llan, d-aḥdid a yabrid d-abrid a yaḥdid yal tallit win d-aγ yeṛẓan, tederḍ a yiγid deg ḥecruraf d icerfan, aluḍ ur yineğbid d-iḍaṛen-iw i yimnaεn, susem kan a lğid yeqṛes uyedid tacmuxt a d-nadi-ḍ aman, d-aḥdid a yabrid d-abrid a yaḥdid yal tallit wid iyi ṛẓan, leqmeγ-k a yuḥcid nadi qeleb w-ik yeẓan, ğerḍeγ a yağdid amaken d-ṣwab i yikfan, andaken ur teqsid tezleg ur teqεid yir ttaswaεt i d-iyernan, d-aḥdid a yabrid d-abrid a yaḥdid yal tallit tid iγ yeṛẓan, tisirt a yizid d-win i sent yeslan i tent iγeẓan, berri a yamγid areḥwi d-wid i tt-yeẓḍan, aken t-id yeẓid amer d-seksu n smid ad yeg aḥarab i kufan, d-aḥdid a yabrid d-abrid a yaḥdid yal tallit wid aγ ṛẓan, ḍefṛeγ-k a yabrid teṛiḍ-iyi-d a yaḥdid ad mecḥeγ idamen a yuglan, m-id regḍ a yaḥdid ak nadiγ a yabrid a-tt-kemleḍ i yifaden yeεyan, d-aḥdid a yabrid d-abrid a yaḥdid yal tallit wid aγ yeṛẓan, Transcription : Imminig srid : direct ou directement ubudid : poteau (Yidir dit : poteau, donne le sens quelqu'un de droit) areḥwi : celui qui a du mérite |
Aḥbib
D-imezwura id yeqaren ur ttamen lğid ilisen deg w-awal nsen ur zgilen-ara, a d-keḍ iγeẓṛan yisen alama uraden, ullaken wisen ur ttamen-ara, ad εeddin deg qeṛdacen d-ulman ad jebden alam ẓḍan-ten ar a sen tegḍ suma, teṭṣeḍ nek εewzeγ teqimeḍ, bedeγ bḍiγ yidek amur-iw, tḍelmeḍ, bubeγ muḥal deg-k uẓeγ ğğiγ di leḥq-iw, af tdukli seḥbibireγ i d-yusan qebleγ ttimerẓuga a tesbleγ ḥesbeγ-k b-wul-iw, a yaḥbib, asa ḍḥiγ-d ttuwkelxeγ i ruḥ laεtab-iw, a yaḥbib… wi k-id yesḥaṛcen wi k-id yesamnen anwa ik i gan aka, ad nezhen medden taḍṣa g εdawen ur tḥebeṛḍ-ara, iḍeli amzun d-atmaten asa d-ixṣimen tadukli-nni nneγ i dergen tebda-tt tuninya, a yaḥbib, mačči d kečč i d-iγaḍen d-ccah mi s-nesla, a yaḥbib… d-acu id sukseḍ maka i d-it ḍeṛfeḍ ? d-acu i d-seba ? andaka trekḍeḍ maka k-id yenṭeḍ lexdeε d ttḥila ? ṛwaḥ dayen ihi a-tt-ṛuḥeḍ si zman-iw tefγeḍ γuṛek kan a d-uγaleḍ teṣεab tmara, a yaḥbib, γuṛek kan a-tt-ndemeḍ γuṛek asa azeka, a yaḥbib… Transcription : Imminig |
Eṭes kan
Γef kečč yellan d-afelaḥ amek almi ik yeγdeṛ yiḍes ? xuḍi tettenkaṛeḍ sbaḥ tenumeḍ lefjar ines, naγ dayen tewetḍ naḥ teṭeṣḍ, seεd-ik yeṭes, err tafeṛṣadit i ṣaḥ ak tawi tmedit γṛes, eṭeṣ kan, eṭes kan… γuṛ kker gred lejqayeq awal ur k-in yettεeddi, rnu srebrebr-as i ṭaq tafat γuṛek ur d-ṭili, times di lkanun ma tṛeq jebd-as-d isufa a-tt-xsi, kelex i tiṭ-ik mi teγleq γas aka d-azal qayli, eṭeṣ kan, eṭes kan… tamedit ak tesakwi s-ṭlam a-tt-qableḍ wayeḍ, iḍ ar d-ak d-yesban kulci a-tt-ẓuḍ degs i tneqceḍ, a-tt-fṛuḍ irden i tziri a-tt-εebiḍ i d-srewteḍ, ger afus-ik s-akufi s-axxam m-ara d-uγaleḍ, eṭeṣ kan, eṭes kan… Transcription : Imminig |
At wasif
At wassif
Win ur njereb ara lḥif Maγlic laḥsab-is ma iḍal Win werğin yezdiγ rrif M-ad iẓra id yebwi lḥal Win ur yesgen uγilif ṣbaḥ as ṣaεbent temsal m-ad yaf abrid sat wasif ur nzgir asif m-ur d yekki tizi tkulal ayaken s xedmeγ tmal xas aka zgiγ defires la ṭṭakeγ ifaden i wufal mi sxḍiγ ad iqeses nna-n wi εatben yeṭṭnal ata wi rebḥeγ γures acu ad gent tsulal i win yenumen d wexnunes d ayagi glan dgi sureft iyi a wid yekaten ayenk giγ dayenni ur yuksan ḥed it yuγen acu ad gen at rebbi ma yela d rebbi i yiwten xedmeγ iqwir n ṭṭγweza xedmeγ timizar laḥwac xedmeγ ḥartadem cetwa xedmeγ aneḥbus ulac alami d ḥder lγela ḍeraγ asen-t tigwni i tirac ufiγ ur-d gir ara tewet ṣaba di tmeclac d ayagi glan dgi sureft iyi a wid yekaten ayenk giγ dayenni ur yuksan ḥed it yuγen acu ad gen at rebbi ma yela d rebbi i yiwten qeblaγ teqraḥ n tideṭṭ imi tideṭṭ dayen yelan qeblaγ aṭṭ qeleb twerqeṭṭ swayen akw degs yuran xas aken deg ul ṭṭeṭṭ ur dhiγ dewg ayen yelan axir lεib tfaweṭṭ wala ad guγ εaryan d ayagi glan dgi sureft iyi a wid yekaten ayenk giγ dayenni ur yuksan ḥed it yuγen acu ad gen at rebbi ma yela d rebbi i yiwten wi-k yenan telhiḍ alxir w-ik yenan yeshelḍ acer yiwen wul ad yeṭṭwexir yiwen yugi ad awexer ṭṭif ayen iγumen ur-d ḍhir dayen aken nexdem i nenker ma yela ur nela bxir ur ṭṭqelibet acuγer ! |
Asiweḍ
Ufgen wussan
D afug i ṭṭafgen wussan Iḍeli id usiγ Aqli assagi ad ruḥaγ Am aḍu ṣuḍen εadan Werεad ik merwiγ Daγen ilaq ak m-eğğaγ Ad qwleγ s adeger bwuḍan Daγen ad swiḥiγ Melmi ad uγaleγ Ad uγalaγ d aγenni Γer liḥala n-i Ger laḥyuḍ d-ilmawen Axxam tezdeγ tsusmi Yiwen degs ur yelli Γuri ulac win ad ineḍqen Teγwzit-f a yiḍ d nhati Iḍes ur-d iṭṭsegan ṭṭwaliγ udmawen nwen a yul tamedit agi ad gwriγ waḥdi a tiyita dgi yarsen ad afeγ agudu aṭlḥis yesaγiṭṭ wegris ad afaγ ussu d aṣemaḍ taferṣadit af yidis tasumta am y-idis lxiq ak d buqemar tuğğma at ẓayt is ad bru iman-is ad s bib ad ssawaḍ yegul wegrab ur yris yufa tayeṭṭ-is win yeceban teṭṭγaḍ ad afeγ agwiss yemxadneq daγen ad nsiyaq ayen yakw teğğiḍ assen ! ad ruḥeγ s yina am lebraq laḥsab s dqayeq awi-d kan lembat γurem a tin iyi xedmen lefraq d ul-iw ig felaq d uli-w ig felaq at id leqwḍeγ d iftaten yibwas itiğ ad yecreq aken id as ilaq imi bγan ad mlilen snitra yeqers-as lḥiḍ snitra tsened ar lxid yeqers as lxiḍ werεad s-bedlelaγ ciṭ bweγrum deg culiḍ anis-ar d εadiḍ xas bwiγ-ik d ur teṭṭaγ am ugudu ad yeskerwiḍ ad yefaγ deg xğğiḍ iḍ agi yides ar nseγ a tecemaεt m-nfiḍ kem meqar tenfiḍ nek aqli id sawḍaγ Inédit de Zdek Mouloud |
Tagara
A wid m urzen ifaden
keblen wafriwen a wid m-u texreb nniya a widak yeğğa usirem at lewhi s walen aya ṭṭudert di tmara wisen ma d winna ig raden m-a ṭṭinna ig zelgen imi d kunwi ig bγin aka a win icenun a yamedyaz bu isefra a win i leḥun ig fuken abrid ur yekfa xas yexsi lkanun ur kfint tmucuha ayen d-i tedun ẓriγ ur s tezmireḍ ara xas yexsi lkanun ur kfint tmucuha ayen d-i tedun yezmer ur s tezmireḍ ara ayen d-i tedun ayen akw tugadeḍ ataya asburu uqelmun dek ara tεadi cetwa crab ukartun duxan lkif d ccemma tsaεabeḍ ay aγrum am aken tsaεb trewla tsaεbeḍ ay aγrum ad ak tisεib liḥala a-ţţ dubeḍ a yaksum a-ţţ bedleḍ a yudem ṣṣifa a-ţţ ged am εagun ad yeţţwali wer yesla a-ţţ rwuḍ lehmum d acu ar-a deg snitra a-ţţ rwuḍ lehmum ţţ-id ni bwiden akw merra ucmiten ak rwun meγwzi regmat tiyita ala w-ak yesrun ala w-ak yeğğen ccama ad gwriḍ d ameγbun mačči d ameγbun yerna ad gwriḍ d ameγbun ger wexam akw d lḥara a-ţţ ẓreḍ a yamcum ay tga tegmaţţ agma a-ţţ walid ahdum ar-aγ i huden si lqaε m-a yella d at xelfun ţţadart am tudrin merra. Zedek 2012 "Dabrid kan" |
I mumuḥ
Am ugeṭṭum deg yijdi
D awezɣi ad yemɣi Xas beden-as wid it-yeswen Kra yeregregn ur yeswi Σeddan d aεeddi Ur yeswa ara xas εeddan Aken ay teḍṛa yid-i Xas fad yenɣa-yi Ulansi εeddan waman D ṭṭayri-m id yir tayri Thdef-ed deg yir lawan D acu ara am ggeɣ a tayri Ma yella yeǧǧa-tt lawan Tameɣrust n yir agḍi W-anabi d nek akw idem i ṭṭ-yeẓẓan A tayri Tameɣrust n yir agwḍi d nekk akw idem i ṭṭ-yeẓẓan Nenfel di targa ay nerki Mi nerki neɣli Neɣli nger deg yiḥemalen Tečča-yaɣ temda n tayri Sked wur tečči Ula seg wid yetfeṛsen Anef εad nekk d kemmini Mi kfant leḥmali ad fsin ideflawen D ṭṭayri-m i d yir tayri Mačči akken id d-tetebɣi-ḍ akken D acu ara am ggeɣ a tayri Wa d nekk day bɣiɣ akken Yebwi wasif win yebwi Win yebwi ad yeṭṭef ula deg yisenanen A tayri Yebwi wasif win yebwi A yeṭṭef ula deg yisenanen Asirem ni n yiḍelli Ma igzem ass-agi Wer asirem iẓḍa-d i yimal Ig yerra wakud d asmekti Yuɣal d amekti Am anza id yessawal Ma telliḍ-as di lewhi Tanilla ayen ihi ? Anelkam-is d amcebwal D ṭṭayri-m id yir tayri D ṭṭugdi yak id am tuɣal D acu ara am egeɣ a tayri Ma aken nni akk id aɣ-tuɣal Ḍeqqer tiṭ-im i yigli S tmuɣli Wali iy bub umaḍal A tayri ḍeqer tiṭ-im i yigli Bib aken ibub umaḍal Tabwurt nni ur nettelli Ewwet kan εeddi Ur yeẓṛi ḥed fay teɣleq Nelḥa-d abrid ur t-nufi Ur iban sani Liḥala tcud s terqeq Fkan-iyi d-twab a temẓi Гurem m_a an yezzi Xas mazal ul d aleqaq D ṭṭayri-m i d yir tayri Di yir ssuq i deg-i tsewweq D acu ara am egeɣ a tayri Ma ala ayagi id am d-nfeq Tezmer-ḍ ad ḍelb-eḍ kulci Ur d-tsetḥi Wis kan ma ad ḍelb-eḍ lefraq A tayri Tezmer-ḍ ad ḍelb-eḍ kulci ɣurem ad id ḍelb-eḍ lefraq D acu aka i tɣil-eḍ ad tafeḍ I teɣzut ǧǧan waman Ur yelli wa ad tesfeqd-eḍ Yeqecqec way din yefsan D acu i tɣil-eḍ ad t-id megr-eḍ Ad a teks-eḍ seg wayen ikfan Ma akem yeεǧeb m-a truḥ-eḍ M-ur kem yeεǧib wayen illan Ur tezmir-eḍ ara ad tebedl-eḍ Ayen yakw bedlen wussan Yaḥreq waḥriq ɣef-i tḥarq-eḍ Eǧǧ kan ḥaruq d-iḥerqan..... D abrid kan 2012 |
Qim-as i tqejmuṛt a tṛaq
Abu ma tagwint wallen Tuɣ-ed akw at remeg at baṛṛaq Agu yemcaḥ-d iɣallen Aḍu icenu d lejqayaq Tucent n tɛaṛqab tessaqsaq Iǧaḥmam ţţemsawalen Ay axxam tabwurt, ṭṭaq M-ar telli reẓẓa aţţ-naɣleq Ay azayaḍ d-ikečmen Abrid n tala n barzel Ay aɛesas n tujjal Aqli deg rebawen nwen D aman iyṣaɛben ay akal Nek yebnan ger tḥemmal Nek yezedɣen ger isaffen Ay igujilen a tuǧǧal A wid iwmi gezmen awal Mačči d ṛebbi i d-aɣ-yewten Iṭij yugad tasmuḍi Mačči d asigna ay-ɛeṭlen d ţţallast i tnuza tili Ẓẓayit wussan d ilmawen Sani ay afud-iw tikli A win m-ur iban sani Bu laman as d-simnen Meẓẓi ḥellat d ayenni Akka-agi ay d-ctawi Arwum-t a tiqad iḍaṛen Wa iwexaṛ w-ad yeţţwexiṛ W-ur nwexaṛ ad iwexaṛ Nnan lxiṛ d win axiṛ Lxiṛ mačči d aḍeqqar A yal win mu xdemeɣ lxiṛ Win akken mu xdemeɣ lxiṛ S lxiṛ-iw iyesaxsaṛ Awin m-ur yezmiren lxiṛ A win ur nezmir i lxiṛ I limer tezmeṛ-ḍ i ccaṛ Dɣel kaṛuh tasusmi Yarna iy-ḥemmel d iman-is Talemda tigzi ţţ-musni Ulac-iten deg mawal-is Tṣub-ḍ ay iswir di kulci Msaɛyan meden irkelli Yalwa yesukes-d i wallaɣ-is A m-i ɣran am ur neɣri Wi ɣran ayen iɣra ur t-iɣri Tikwal w-ur neɣri axiṛ-is Remu, remu armi tyuɣ Yurwed tismin akw d nḥas Laḥdaqa yides yenuɣ Leqbaḥa yettzux yesen-as Yettak mbaɛid ameẓẓuɣ Deg ayla-s yebra iw menuɣ Deg ayla meden yeţţalas Amek aken ar ak-ţţ fruɣ Ad feţţiɣ ad ţţ-cudduɣ Ddan idudan di tyirwas Ayen yellan twalaṭ Tcarw tzeggwart a tiṭ I tmuɣli ur d-gwri tamaṭ Ṭfaɣ a tugwdi si tmiṭ Si teblaṭ ar tɣalaṭ Iḍeqaṛ ibidi tacḍaṭ Yesen i lḥsab mačči cwiṭ Tarẓa-s tefzimt i tɣweggaṭ Teksa-s iw qjun teqlaṭ Teda tqeṭiṭ di tceṭiṭ D aqeddac neɣ d aɛesas Neɣ d amsebrid ma yaɛya Abrid-iw m-ugwiɣ tilas Yal akud dges yelḥa Ayen xdemeɣ bniɣ fellas D win i-ţţ ṛaǧuɣ yallas Ayen ur texdimeɣ ara ? Ma felli ad yezzi yibwas Imi d-yettezzi yibwas Yifit ak teǧǧaɣ s wass-a Telli-ḍ twala-ḍ teẓr-iḍ Ay ayen deg ayen nni Tcelx-eḍ, tgezm-eḍ, tarẓi-ḍ Tadukli kra d-ger yaɣli Tṣubw-eḍ tɛud-eḍ tuli-ḍ Tɣil-eḍ tuɣ-eḍ tenz-iḍ Wi gan tinna d amruri Ur tezmir-eḍ ara aţţ ili-ḍ A winnat d win tebɣi-ḍ Ili-k kan d keččini Tecfi-ḍ iwungif meskin Ay aɣalad n tejmaɛt Abarraḥ akin, akin Tessen taddart a ţţaddart Fuken widen isent yeţţɣimin Ur kiren m-ur tent frin Ugaren s tideţţ taswaɛt D igrawen ay d ţţezzin Allen s allen isent d-ţţezzin Assen awal yezmer yekkat Meqwre-ḍ a taddart nneɣ Yal tama refden leṣwaṛ Meẓẓiy-eḍ a taddart fellaɣ Nekwni yeḍḥa-d nesemɣwaṛ Tagmaţţ teţţu d wi teţţnaɣ Tedda-ţţ ɣaf ayen ilhan yeffeɣ Cceɣl n taddart meqwar Telhi-ḍ a taddart yis-neɣ Dirikem a taddart yis-neɣ D nekni ikem yarran d axeṣṣar Tagmaţţ teţţu d wi teţţnaɣ Tedda-tt fin yehan yeffeɣeɣ Cweɣl n taddart meqqar Aɛziz-eḍ a taddart nneɣ Tecbaḥ-ḍ a taddart nneɣ D nekni id axeṣṣar taddart nni Zedek 2012 d abrid kan. |
Anwa ik-yifen
Wi k-yifen ay ifer n tzizwit
Kečč fellak ẓidit Deg imi-k tezzint tzizwa Felli d qeḍṛan d lḥentit Zgant ṛẓagit nument-iyi tmaṛẓuga T-id d-ufiɣ taṣebḥit Qimen-t i tmeddit Tiremt ur-ţţ zgileɣ ara Win yesṭuqten d-agelid Akud yesḥentit Amek ara kw-id iqabel Xas yezgel yezwel tamsirt Tallit tnekṛit Umneɣ yibwas aţţ beddel Sneɣ acebaḥ n teslit Sneɣ taqbaylit Ẓṛiɣ mačči d akeḥel Sneɣ acebaḥ n teslit Sneɣ taqbaylit Ẓṛiɣ s taεrabt d akeḥel Ay amekraz n lmeɛun Ma ẓay lmaɛun Tagwersa anida t-ṛeṣa Aţţ-an tazart ar wemdun Taḥbult n waɣṛum Wi nnan twaɛṛ tyarza Nek d azaglu iy di yisrun Azger amanun Ẓṛiɣ ur yezmir ara Nek d azaglu iy di yisrun Azegr amanun Anzel ur s izmir ara Anect teɣṛiḍ i txuṣeḍ Imi teɣṛiḍ i txuseḍ Ayen aken t-fahmeḍ Dayen umi yezmer w-alɣ-ik Ɣaḍen-iyi wid tesɣaṛeḍ A sent maleḍ Ayen aken ur walant wallen-ik D ayala-k mu d sefrageḍ A tesaxṛabeḍ Tilisa degw akal-ik A takumma di rebbi Amek ara iṛebbi Uselmad ur neţţewṛebba Leqṛaya u ṣlat nbi A muḥend u lɛaṛbi Kul lhemza s cedda Nek yides ur neţţemcabi Tebwid an ɛebbi Yarna aten renu d limala. |
Tidderwect-iw
Axir yeffid udedi
M-ur d-yeffi ad d-yeṭṭerḍeq Axir imi d-nemserwi Meqqar ad iban nefreq Ur cligeɣ di ccḥani Ur cligeɣ di kulci Wi iḍelmen wi yesɛan lheq Ur iyi-d-qqar-t acimi Amek aken akk amek akeni Zriɣ kan akka id as-ilaq Ad rreɣ leɛqel di lḥila Ma tugim laɛqel Aţţ walim tidderwect-iw Timmuhbelt-iw d nniya Ma deg-wen tewḥel Ad geɣ abrid i tḥerci-w Tiṭ ur ţţeţţsubuɣ ara Aţţ ǧǧeɣ aţţ muqel Aţţ zrem amek tga tmuɣli-w S wawal win ara jerḥeɣ yeẓra Akken ad iyi-sel Di lmus cbu-d ay iles-iw, a tidderwect-iw D aṭan i yeksen leḥya Aṭan i yuɣen D aṭan ikerhen aɣumu Zik d zik tura ţţura Aṭas i ibeddlen Neɣ intas d daɛwessu D acu id lewqama D acu aka ixesren Ma terẓa-d tideţţ asalu Aţţ fruɣ yidem a tufra Kullec ad yeţţwafren Ata lemri ata wudem-iw, a tidderwect-iw Awal-iw ţţaremmant ad tesfarkiktaɣ Aţţ luqḍem deg iɛeqqayen Taluft ad tt-geɣ ţţadyant Aţţ lmeɣ ad tt-jebdeɣ Aţţ ekk akk igawawen Taɣennant a bu tɣennant Akka-agi kan nneɣ S nneqma n yiḍudan s allen Win d-yennan zzant arɣant Dina ad as-ţţ rreɣ At yehmej uqejjun-iw, a tidderwect-iw Yal tama ad rbuɣ ṭbel Tiqwict ad njer Ad seḥneɣ ad yeṭenṭen Tina ad as-beddleɣ ccɣul I yebɣun issar Aţţ rreɣ akw dayen nniḍen Yekfa uḥiwet d uḥellel Ifuk uqessar D wayen yakw iɣ-yesdukulen Ifuk seksu d uniwel Semmum deqqar Ay axlal d ubu ḥcic-iw, a tidderwect-iw Isɣ-iw ay anda yebweḍ Atayen lɛar-iw Wa xesreɣ degw ayen xesreɣ Anda rqiqit ad qwermeḍ A tawaɣit-iw Ur yeqqim deg-im ara xiḍaɣ Tiqit ma ţţ-id-tesqudreḍ Idamen ay udem-iw Ffɣen-k seg ugejdur wteɣ Twehmeḍ tcukeḍ tumneḍ Iri-w ay ixef-iw A tasa-w tugareḍ ul-iw a tidderwect-iw |
dina kan
L'illustration est belle.
|
Tiens une réponse.
:rsqjxL1: |
Ur yi-ttaǧǧa
Bɣiɣ d iṭij ad iyi tili-ḍ
Mi semmeḍ ad iyi-tseḥmu-ḍ Xas ad izad usemmiḍ Ur bɣiɣ ara deg-i a ṭṭaεyu-ḍ Bɣiɣ ad iyi-d-ttmekti-ḍ Ur bɣiɣ ara ad iyi-tettuḍ Mi tegi-ḍ aka ad steqṣi-ḍ Sya ɣer da ad ṭṭruḥu-ḍ ala kem id yeqimen ṭṭxilem ḥader ad tkeml-eḍ widen akw ḥubeɣ ruḥen am nutni ḥader ad truḥ-eḍ ugadeɣ aken id iyunfen ula d kem ad iyi-tanfeḍ Mazal nek yid-m a nelḥu Xas akka afud iqeses Mazal nekk yid-m ad necnu Xas laḥzen nezdeɣ ɣur-s yal tikkelt i deg ara nru cna aɣ-yili d amwanes kul mi ara icebḥ usefru ad iyi-tiliḍ daxel ines ala kem id yeqimen ṭṭxilem ḥader ad tkeml-eḍ widen akw ḥubeɣ ruḥen am nutni ḥader ad truḥ-eḍ ugadeɣ aken id iyunfen ula d kem ad iyi-tanfeḍ yesɛeb ṭrad n wussan imi ur ten-fhimeɣ ara yesɛab usegri n wuḍan weḥdi ur as-nezmireɣ ara Ur iyi-ttaǧǧa akken iyi-ǧǧan ṭṭxilem ur iyi ṭṭaǧǧa ara Ḥṣṣu w-id nni aken iyi-ǧǧan Deg-i ur-d ǧǧin ara |
hum
Faudrait aussi transcrire tagi :sign21: remplacer 'kem par kečč"
https://www.youtube.com/watch?v=PPed...&feature=share |
Fuseau horaire GMT +2. Il est actuellement 20h36. |
Édité par : vBulletin® version 3.8.0
Copyright ©2000 - 2024, Jelsoft Enterprises Ltd. Tous droits réservés.
Version française #13 par l'association vBulletin francophone
Sahelkabylie-infos.com