Volume 2
 

Lwiza

Muqleγ si ṭaq
mazal ṭlam deg genni,
ul-iw ixaq
amek tura ad yethenni ?
yewεeṛ lefṛaq
lmeḥna-w tebda asagi…
ṣebṛ a Lwiza
la ţţruγ ulla d-nekini…

muqleγ beṛa
ad i yeţţrağğu uṭakṣi,
ḥezneγ teẓṛa,
ma ṛuḥeγ a d-iyi-d-ţţwali,
tebda-d lehwa,
tekat-d am leḥzen felli…
ṣebṛ a Lwiza
la ţţruγ ulla d-nekini…


bdiγ leḥuγ
xelḍen waman d-immeṭi,
acḥal i ruγ
lḥal a yeţţru yidi,
asen as cfuγ
yeḥezn ulla d-igenni…
ṣebṛ a Lwiza
la ţţruγ ulla d-nekini…

beqeγ slam
i wedrar la d-yeţţwali,
muqleγ s-axxam
iban-iyi-d am tili,
d-teṣwiṛa-m
di lğğib-iw tṛufq-iyi…
ṣebṛ a Lwiza
la ţţruγ ulla d-nekini…

mi d-yulli ṣbeḥ
d-ṭlam ig bdan felli,
ḥezneγ d-ṣeḥ
taḍṣa seg udem-iw teγli,
ul-iw yejreḥ,
d-lhedra-m i d-yemmekti…
ṣebṛ a Lwiza
la ţţruγ ulla d-nekini…

tenniḍ-iyi-d :
« ṣaεben wusan i uεeddi »,
ţţmekti-yi-d
γas aka teğğiḍ-iyi,
ṣfeṛḥ-iyi-d
melmi ar a d-ziḍ γuṛi…
ṣebṛ a Lwiza
la ţţruγ ulla d-nekini…

Uuuuhhh Lwiza
la ţţruγ ulla d-nekini,
ṣebṛ i lmeḥna
ka ig uran ad i εeddi…

as mi ṛuḥeγ
seg meṭi εedment wallen,
amzun selbeγ
leḥuγ, iberdan εerqen,
a sarameγ
usan fellaγ ad ṣegmen,

Uuuuhhh a Lwiza
a ţţruγ ulla d-nekini,
ṣebṛ i lmeḥna
ka ig uran ad i εeddi…

acḥal i ruγ
ul(la) d-ixedm immeṭi,
acḥal ḥekuγ
dima fellam d-asteqsi,
aqli ţţrağğuγ
tafat ur iban melmi,

Uuuuhhh Lwiza
a ţţruγ ulla d-nekini,
ṣebṛ i lmeḥna
ka ig uran ad i εeddi…

ḥeţţbeγ usan
dqiqa amzun d-asegwas,
ṛwiγ urfan,
γas ul i ṣebṛ i tlufa-s,
a wi kem iẓṛan,
u lukan d-yiwen was…

Uuuuhhh a Lwiza
a ţţruγ ulla d-nekini,
ṣebṛ i lmeḥna
ka ig uran ad i εeddi…



Transcription : Icerfan
Modif’s : le 28.12.10

Ma selbeγ


Ma selbeγ lexbar ṣiwḍit
ţţxilem a tabraţţ innas
ur ksan-γ-ara,
ṛẓaget felli dunit
seg was mi baεdeγ fellas
ur ṣbiṛγ-ara...

mektiγ-d yiwen was
mi εedant tullas
yergagi wul-iw,
ṛeẓq-iw baεdeγ fellas
ţţxilem a tabraţţ innas
i ḍaq lxaṭṛ-iw,
dεut ad yezhu nuba-s
di dunit ad yaf ayla-s
am tezyiwin-iw…

ma selbeγ lexbar ṣiwḍit
ţţxilem a tabraţţ innas
ur ksan-γ-ara,
ṛẓaget felli dunit
seg was mi baεdeγ fellas
ur ṣbiṛγ-ara...

ur s-ţţameḥγ i targit
asen mi ṭṣeγ tamedit
yebw-iyi-d Ṛebbi,
tesfeṛḥ-iyi-d dunit
sekra menneγ tqeblit
γurem terrayi,
ukwiγ-d lfeṛḥ tbedl-it
tara tament d-lḥentit
ziγ tγuṛ-iyi…

ma selbeγ lexbar ṣiwḍit
ţţxilem a tabraţţ innas
ur ksan-γ-ara,
ṛẓaget felli dunit
seg was mi baεdeγ fellas
ur ṣbiṛγ-ara...

tura mi εawğğen wusan
at Ṛebbi εamden, wallan
la ţţrağğuγ tafat,
aεyiγ la tsehireγ uḍan
ferḥeγ i lmeḥna ig εedan
γas mazal snat,
zehr i ṭṣen kul lawan
akwid begen-d lbeṛhan
aεyiγ di ceddat…

ma selbeγ lexbar ṣiwḍit
ţţxilem a tabraţţ innas
ur ksan-γ-ara,
ṛẓaget felli dunit
seg was mi baεdeγ fellas
ur ṣbiṛγ-ara...


Transcription : Icerfan
Modif’s : le 30.12.10

Dunit, lbir n-sem

A dunit a lbir n-sem
aṛẓageḍ amzun d-ilili,
ul-iw ibedl-am isem
lbena-m dges teγli,
lulleγ-d ad laεbeγ yisem
meqweṛ-γ, tlaεbeḍ yesi...

ṛuḥ yeεya di nehtat
neqaṛ kan i medden : « bxiṛ »,
ul-iw laεtab-is yufat
γas d-leḥbab yeţţqeṣiṛ,
ayen a d-as hdeṛγ iẓṛat
yeẓṛa dunit d-tmesxiṛ...

a dunit a lbir n-sem
aṛẓageḍ amzun d-ilili,
ul-iw ibedl-am isem
lbena-m dges teγli,
lulleγ-d ad laεbeγ yisem
meqweṛ-γ, tlaεbeḍ yesi...

neţţaf-d sebba nehlek
γas lehlak d-aqdim yella,
am tara degneγ yecbek
sanda nṛuḥ yidneγ yedda,
ayen ur nečči, a ten selek (?)
a dunit tebγiḍ aka...

a dunit a lbir n-sem
aṛẓageḍ amzun d-ilili,
ul-iw ibedl-am isem
lbena-m dges teγli,
lulleγ-d ad laεbeγ yisem
meqweṛ-γ, tlaεbeḍ yesi...

nugwad laεteb uẓeka
nugwad laεteb n-dunit,
nugwad asa d uzeka
nugwad ṣbaḥ, tamedit,
di lektab-im i d-yura
i luled lεebd-im meḥnit…

a dunit a lbir n-sem
aṛẓageḍ amzun d-ilili,
ul-iw ibedl-am isem
lbena-m dges teγli,
lulleγ-d ad laεbeγ yisem
meqweṛ-γ, tlaεbeḍ yesi...



Transcription : Icerfan
Modif’s : le 30.12.10

Ma ktebγ isem-im

Kul yum fellam i hedṛeγ
ul-iw d-ameḥzun ixaq,
ur zmireγ-ara at ṣebṛeγ
wağğebit-id a tin yectaq,
fellam agur at awḍeγ
εamedγ i lmuḥal ma yellaq,
isem-im fellas at ketbeγ
kul iḍ am d-iban si ṭaq,
ktebγ isem-im γef lḥiḍ
ketbeγ-t di ṭabla lakul,
ketbeγ-t i waken a twaliḍ
neţţa d yisem-iw yedukul,
a ten-t afeḍ anda teddiḍ
xas udem-im baεdeγ-t, iḍul,
a tefhemḍ, a d-temektiḍ,
lğğerḥ is teğğiḍ iḍul
a tecehd tejra n ččina,
i deg, zik, ḍbeεγ isem-im
ar asa mazal-t yella,
γas tura yuγal d-aqdim
iqedm lḥal lemḥiba,
icrekn ul-iw d ul-im
ifer-is si zman yerka,
aẓar d-ajdid a yeqim...

ma ktebγ isem-im γef leḥyuḍ,
ma hderγ i medden fellam,
cfiγ i wayen teţţuḍ,
anef i wul ad yesaram

kul yum fellam i hedṛeγ
ul-iw d-ameḥzun ixaq,
ur zmireγ-ara at ṣebṛeγ
wağğebit-id a tin yectaq,
fellam agur at awḍeγ
εamedγ i lmuḥal ma yellaq,
isem-im fellas at ketbeγ
kul iḍ am d-iban si ṭaq,

ma ktebγ isem-im γef leḥyuḍ,
ma hderγ i medden fellam,
cfiγ i wayen teţţuḍ,
anef i wul ad yesaram

ktebγ isem-im γef lḥiḍ
ketbeγ-t di ṭabla lakul,
ketbeγ-t i waken a twaliḍ
neţţa d yisem-iw yedukul,
a ten-t afeḍ anda teddiḍ
xas udem-im baεdeγ-t, iḍul,
a tefhemḍ, a d-temektiḍ,
lğğerḥ is teğğiḍ iḍul

ma ktebγ isem-im γef leḥyuḍ,
ma hderγ i medden fellam,
cfiγ i wayen teţţuḍ,
anef i wul ad yesaram

a tecehd tejra n ččina,
i deg, zik, ḍbeεγ isem-im
ar asa mazal-t yella,
γas tura yuγal d-aqdim
iqedm lḥal lemḥiba,
icrekn ul-iw d ul-im
ifer-is si zman yerka,
aẓar d-ajdid a yeqim

ma ktebγ isem-im γef leḥyuḍ,
ma hderγ i medden fellam,
cfiγ i wayen teţţuḍ,
anef i wul ad yesaram…


Transcription : Icerfan
Modif’s : le 30.12.10