Nemfaṛaq ur nxemem
 

Nemfaṛaq ur nxemem
ttemẓi-nneγ i d-aγ yeγwan,
xas nendem ullay nexdem
anef ad εeddin wusan,
am win mu truḥ lḥaǧa
aṭas fellas d-anadi,
nuγal nenum yir ḥala
mi kečč weḥdek, nek weḥdi,
mi nwiγ lǧerḥ-iw yeḥla
ayγeṛ id bedeḍ zat-i ?

zher i mlaleγ yibwas
i ruḥ i bedel tikli,
ttuγ anadi fellas
iεedda usegwas felli,
muqel s-udem, anidatt temẓi ?
zman ig xedem fellaγ,
tasusmi yekaw yeẓṛi
ṣteqsi ul-ik ma d-yerr kra,
ur d-uγal leḥnana-nni
f-leḥmala-nneγ ya ḥeṣṛa,

uγal-d a nemḥu ig εeddan
kul wa ad ifhem iman-is,
f dunit a nemεawan
akenni as naf ixf-is,
i wexam as nebnu lsas
a nilli am medden merra,
fellas ilaq-aγ a nεas
akenni a d-uγal lehna,
lehlak yak yella dwa-s
ḥaca ayen i εeddan yekfa…



Transcription : Awal