Volume 6
 

Acuγer


A Lunis, acuγer i kerz unyir-ik ?

anyir-iw kerzent wusan
zerεent-id d-lmeḥna,
kerzent s-usefud yeṛγan
i waken a d-tegwri cama,
kerzent-id bγir lawan
megreγ-d siwa urfan
uǧǧaden anebdu, cetwa…


ayen ifuten, yemut…

lexyal b-wayen ifaten
kul iḍ yeţţased ar γuri,
i εawen-iyi deg met’awen
γef ayen i sεedda yidi,
yuγal seg wid yemuten
yeγab γef allen
yak fateγ-t, ifat-iyi…

acuγer knan-t tuyat-ik ?

acuγer knan-t tuyat-iw ?
bezaf i εebant n lxiq,
tezga felli taεkwemt-iw
ur di yeεawen dges werfiq,
at senγas di lǧǧehd-iw
tesendaf ul-iw
teǧǧad acḥal d-iceqiq…

acuγer teţţγimiḍ γer yiri lkanun ?

ur di yeqriḥ usemmiḍ
ḥemelγ ad walliγ times,
a yixef-iw ad teţţmektiḍ
ayen akw ig cuban γures,
tεeǧǧb-ik a-ţţ-teţţwalliḍ
lemer dges teγliḍ
ma tsumak-id, ak teqes…


berka, εyiγ deg usteqsi
ur saεḍ d-acu di yuγen…
iγeblan d-yerzan γuri
ala yidi d-nuγen,
ugwiγten, bγan-iyi
la ţţnadin felli
nudan-iyi-d, ufiγten…



Transcription : Icerfan

A nebḍu

Γas ruḥ, nek yidem ar nebḍu
naγ qim, d-nek a yeruḥen,
abrid-im, abrid inu
d-lmuḥal ad mlilen,
(a)naγ teẓriḍ aka a tefru
si zik γer din i t-ţţeddu,
ur nhedr, ur neţţlumu,
ur d-qimen imet’awen…

nettru (γe)f segwas yekfan
nectaq ulla d-iḍelli,
tadukli ma rẓan-tt wusan
ur teţţsema d-tadukli,
tura nezṛa, kulec iban
ayen i εeddan, dayeni…

γas ruḥ, nek yidem ar nebḍu
naγ qim, d-nek a yeruḥen,
abrid-im, abrid inu
d-lmuḥal ad mlilen,
(a)naγ teẓriḍ aka a tefru
si zik γer din i t-ţţeddu,
ur nhedr, ur neţţlumu,
ur d-qimen imet’awen…

ṣṛ-iyi nek a kem ṣṛeγ
fiḥel ma εelmen wiyaḍ,
at afeḍ, nek ad afeγ
ma nudaγ naγ ma tnudaḍ,
tura mi tbaεdeḍ faqeγ
teǧǧiḍ ul-iw d-aṣemaḍ…

γas ruḥ, nek yidem ar nebḍu
naγ qim, d-nek a yeruḥen,
abrid-im, abrid inu
d-lmuḥal ad mlilen,
(a)naγ teẓriḍ aka a tefru
si zik γer din i t-ţţeddu,
ur nhedr, ur neţţlumu,
ur d-qimen imet’awen…

urǧǧiγ ar γuri ad teṛẓeḍ
turǧǧiḍ a n-aṛẓeγ γurem,
si lǧǧiha-m ur d-zwaṛeḍ
nek ugwiγ ad fekγ udem,
ur rbiḥeγ, ur terbiḥeḍ
geraneγ ur d-yegwri usirem…

γas ruḥ, nek yidem ar nebḍu
naγ qim, d-nek a yeruḥen,
abrid-im, abrid inu
d-lmuḥal ad mlilen,
(a)naγ teẓriḍ aka a tefru
si zik γer din i t-ţţeddu,
ur nhedr, ur neţţlumu,
ur d-qimen imet’awen…

ţţnadiγ a d-mektiγ
d-acu d-seba umennuγ,
ar tura mazal ufiγ
asen mi nebḍa i yettuγ
ar asagi la ţţnadiγ
la ţţaḍṣan wid mi ḥekuγ…

γas ruḥ, nek yidem ar nebḍu
naγ qim, d-nek a yeruḥen,
abrid-im, abrid inu
d-lmuḥal ad mlilen,
(a)naγ teẓriḍ aka a tefru
si zik γer din i t-ţţeddu,
ur nhedr, ur neţţlumu,
ur d-qimen imet’awen…




Transcription : Icerfan

Tektebḍ-iyi


Tektebḍ-iyi, d-aylaw i di yefkan,
tektebḍ-iyi, tṣaḥḍ-iyi-d di lmizan,
ayen ? ayen ?
wi γ d-imuqlen yesxerb ayen yuran…

akw xtaren wer yelli wawal,
kra i d-yeṣaḥen, yezga i tubε-i cwal,
γas urǧǧiγten, qaren-iyi-d : mazal !
ayen ? ayen ?
yexreb wayen yuran…

tektebḍ-iyi, d-aylaw i di yefkan,
tektebḍ-iyi, tṣaḥḍ-iyi-d di lmizan,
ayen ? ayen ?
wi γ d-imuqlen yesxerb ayen yuran…

macci aka i bniγ a nesfeḍ tira,
ayen akw i nwiγ ur di d-yebwiḍ-ara,
taktabt i γriγ, tzeglitt nuba,
ayen ? ayen ?
yexreb wayen yuran…

tektebḍ-iyi, d-aylaw i di yefkan,
tektebḍ-iyi, tṣaḥḍ-iyi-d di lmizan,
ayen ? ayen ?
wi γ d-imuqlen yesxerb ayen yuran…

ruḥ a yayla-w ak dmen wiyaḍ,
ulla di caw macci felli it nuḍaḍ,
γuri yekaw, ar wayeḍ a d-yeṣawaḍ,
ayen ? ayen ?
yexreb wayen yuran…

tektebḍ-iyi, d-aylaw i di yefkan,
tektebḍ-iyi, tṣaḥḍ-iyi-d di lmizan,
ayen ? ayen ?
wi γ d-imuqlen yesxerb ayen yuran…


Transcription : Icerfan

Bγiγ a d-inniγ

Bγiγ a d-inniγ ad yifsus wul-iw
ur sεaḍ wi yenγiγ, ugwadeγ tili-w…

urgaγ-tt as-nni, terfed-d s-wallen-is,
γileγ dayeni ad ṛwuγ udem-is…
la ttruγ a lγaci mi bedelγ idis,
ugwraγ-d kan weḥdi, iruḥ lexyal-is…

bγiγ a d-inniγ ad yifsus wul-iw
ur sεaḍ wi yenγiγ, ugwadeγ tili-w…

uḍnaγ kem tebγiḍ, wekelγ-am Rebbi,
uḍnaγ kem teẓriḍ, tezriḍ acimi…
tezmerḍ a d-tinniḍ : nek ǧǧiγ kulci,
d-ayen i tettnadiḍ, berkakem anadi…

bγiγ a d-inniγ ad yifsus wul-iw
ur sεaḍ wi yenγiγ, ugwadeγ tili-w…

ayen akw i d-niγ, fhemt a medden,
macci af tin bγiγ i kfan ifaden…
γas a d-ţţmesliγ d-ayen akw niḍen,
deg ul-iw ẓriγ d-acu di ḥerqen…

bγiγ a d-inniγ ad yifsus wul-iw
ur sεaḍ wi yenγiγ, ugwadeγ tili-w…



Transcription : icerfan

A yabrid


A yabrid ţţun medden
yemγid leḥcic di later-ik,
ma tecfiḍ-d i dul' nsen
agad-n(ni) yeţţawin luwhi-k ?

ma tecfiḍ, mliyi-d kan
teẓṛiḍ nek yidek necfa,
di later-ik ayen ig εeddan
nek, yeǧǧayi-d cama,
maεni kul lweqt s-zman
zman ur s-nezmir-ara,
neţţru γef lweqt d-aγ yeǧǧan
neẓṛa ur d-iţţuγal-ara…

taslent-nni aken yeγlin
neǧǧraγ-d sges taciṭa,
tecfa as mi nεedda d-isin
tura gezmenţţ si lǧǧedra,
qedṛenţţ-id wid ur nesin
ur qudeṛn ayen teẓṛa,
susem a yul-iw d-iţţmektin
ayen aken ig εeddan, yekfa…

ahaq tebγiḍ at ẓṛeḍ
a yabrid i d-aγ i cfan ?
ahaq tebγiḍ at ẓṛeḍ
sanga i daγ ḍegṛen wusan ?
bedleγ, macci d-win tesneḍ
neţţat i γeḍriţţ laman,
nγil nefreḥ ziγ neγleḍ
nemger-d irebi b-urfan…

iẓṛa-k neţţḥadariten
nek yidek(s²) nleḥu s-laεqel,
amer wi daγ d-isellen
nugwad yewεer lbaṭel,
yella wiγ d-idεan, wisen ?
mi nεedda ad agh d-imuqel,
ruḥet ncallah farqeγ-kwen
yedεayaγ, Rebbi yeqbel…



Transcription : Icerfan

Tin meḥneγ


A tin meḥneγ di lğğera-w
ur yelli d-acu i txedmeḍ,
daya i(g) yuran di twenza-w
beεd-iyi, ahat a trebḥeḍ…

lmektub yesnaε-d abrid
abrid nek yidem nxulf-as,
ţţmeniγ axxam d-ajdid
ul-iw ad yezhu nuba-s,
ziγen aγbel yeţţzegid
a Ṛebbi ksit naγ anfas,
ẓṛiγ ad mteγ d-awḥid
iruḥ k(r)a εeţţbeγ fell-as,

a tin meḥneγ di lğğera-w
ur yelli d-acu i txedmeḍ,
daya i(g) yuran di twenza-w
beεd-iyi, ahat a trebḥeḍ…

suliγ axxam s-aṛmel
yekaw, ihud γer lsas,
nniγ : as εiwdeγ, yeshel,
tusad lmuğğa, tkeml-as,
ya Ṛebbi wa d-lbaṭel
lemer d-aγ teğğiḍ layas,
lmektub qebl a nenṭel
anef-aγ a nezhu yibwas,

a tin meḥneγ di lğğera-w
ur yelli d-acu i txedmeḍ,
daya i(g) yuran di twenza-w
beεd-iyi, ahat a trebḥeḍ…

a lmektub anwa i d-amkan
i (de)g ur-k-id-ţţemliliγ ?
m(e)l-iyi-d widak yenfan
bγiγ ad yidesn illiγ,
mi k-baεdeγ, segmen wusan
ahat iṭij at waliγ,
ad ğğeγ zyada b-urfan
taburt n-saεd a ţţ-lliγ,

a tin meḥneγ di lğğera-w
ur yelli d-acu i txedmeḍ,
daya i(g) yuran di twenza-w
beεd-iyi, ahat a trebḥeḍ…



Transcription : Icerfan

Ṛuḥ, ad qimeγ

Kečč ṛuḥ, nek ad qimeγ
anef-iyi d-yiγed asemmaḍ,
a yiγed, rwiγ-k, ak qelbeγ
tugwiḍ γuri ad tecaεcaεḍ,
s-wayen ifaten i εiceγ
ma d-ul-iw γer daxel icaḍ…


keččini ṛuḥ, nek ad qimeγ
dayen i dub ṛuḥ, d-aγrib nummeγ
ṛuḥ di laman, ur tedduγ-ara…

ayen jmaεγ, atan
s-axxam-iw awit,
tmuqled amek llan
lexbeṛr-iw siweḍ-it,
udem-iw i cedhan
tekfat dunit,
ṛuḥ di laman, ur tedduγ-ara…

keččini ṛuḥ, nek ad qimeγ
dayen i dub ṛuḥ, d-aγrib nummeγ
ṛuḥ di laman, ur tedduγ-ara…

s-tmegwḥelt merreḥ
ṣub γer lexxla-nneγ,
xaf s-udem n ṣbaḥ
d-lweqt i ḥemleγ,
as mi tdum d-ṣaḥ
aken i xeddmeγ,
ṛuḥ di laman, ur tedduγ-ara…

keččini ṛuḥ, nek ad qimeγ
dayen idub ṛuḥ, d-aγrib nummeγ
ṛuḥ di laman, ur tedduγ-ara

ma tṣeḍheṛḍ i mmi-k
ur ḥedeṛγ-ara,
awiyid deg wallen-ik
ayen ur ẓeṛγ-ara,
menneγ amkan-ik
u lemer saεa,
ṛuḥ di laman, ur tedduγ-ara…

keččini ṛuḥ, nek ad qimeγ
dayen idub ṛuḥ, d-aγrib nummeγ
ṛuḥ di laman, ur tedduγ-ara

tinnaken ay zewǧǧen
xas ḥedṛ i tmeγṛa,
as mi di ttxeḍben
γileγ mačči aka,
winaken a-tt-yaγen
menneγ-as lehna,
ṛuḥ di laman, ur teduγ-ara…

keččini ṛuḥ, nek ad qimeγ
dayen idub ṛuḥ, d-aγrib nummeγ
ṛuḥ di laman, ur tedduγ-ara...