A mmi
 

Tayri


Lliγ taxzant i γelqeγ
seg was maken meẓiyeγ,
taktabt n lḥub i sreseγ
yuli-ţţ uγebwar teqim,

aγebar-nni ţţ-yulin
zwiγ-t aken a-yid-twali,
tennad : « wi yid-isakwin ? »
tγil mačči d-nekini,

εarqeγ ulla i tewriqin
taktabt uriγ teţţu-yi,
amzun ayen i dges yellan
mačči sγuri is i d-yeka,

d-afus niḍen i t-yuran
nek ur d-as ḥḍiṛeγ-ara,
lḥub is i netṣeḍḥi
asa qeblenk irkweli,

cebḥen-k seman-ak “tayri”
ma d-nek i εejb-i yisem-ik,
acḥal i d-neţţmekti
a yul-iw asmi neṛγa,

truḥ tmes-nni
tuγal d-iγed mi tensa,
yebwi-ţţ waḍu teğğayi
temẓi-w mi yides tedda,

ulla d-later iγ d-yeqimen
i γumit wudfel n zman,
cna a t-id-yeskeflen
asa εreqn-as imukan,

a tayri amek i yuγaleγ ?
muqled acḥal i bedleγ,
ma d-kemini aken i kem sneγ
i mazal yella wudem-im...

a tayri, m(e)li-yi-d amek aken
teğğiḍ-iyi ger iberdan ?
tecfiḍ as mi d-nemsawa
nesaγ-d iṭij γef usan,
usan i kem yeğğan tura
uγalen almi di yernan,
kul yiwen yebwid tiyita
ḥuzan-iyi ur kem ḥuzan,
mazal, mazal, mazal...

mazali hedreγ fellam
am aken ḥebsen lewqat,
xas ţţwaliγ di ṣifa-m
ur umineγ zman i fat,
εemd-iyi, ad amneγ lemnam
ma tfhemḍ dgi ur kat,
ḥaca ayagi i d-id-yegwran
felli ur teţţbedil teswaεt,
ullac, ullac, ullac...

ullac ayen i lhan am kem
ullac ig ṛẓagen anect-im,
asmaken i yumneγ yisem
tesendiḍ-iyi-d ifasen-im,
ḥefḍeγ d-acu i d-asirem
temẓ-iw mi yidem teqim,
txedε-iyi, txedεi-kem
temwγeṛ tesbeεd-iyi isem-im,

asa, asa, asa...

asa ḍaleγ walaγen
garaneγ zerben lesnin,
ur tẓaṛeḍ isegwasen
ḥaca felli a d-steqsin,
teẓṛiḍ kul tizya-w tesen
snen-kem qebl ur γlin,
sgem ur ţţ-nekaren
mbεid i kem i d-ţţ-walin,

dayen, dayen, dayen...

dayen ẓṛiγ ifat lḥal
mačči am as mi meẓiyeγ,
ur yecbiḥ felli wawal
taktabt-im a-ţţ-serγeγ,
ad eğğeγ yidi lexyal
i waken a d-ţţ-mektayeγ,
mačči deg ẓeka b-wakal
deg ul-iw a kem neṭleγ,

tayri, tayri, tayri...


Transcription : Icerfan
Modif’s : le 25.12.10