Ḥsen Aḥres - Textes entiers
 

A yusan seţţut-iyi

A yusan seţţut-iyi
a-ţţ-zewğ ur ţţ-faqeγ -ara,
a yasen ur d-ṭili
ẓṛiγ ur ṣebeṛγ -ara,
a-ţţ-ṛuḥ a-ţţ-glu s-kulci
dεiγ ur d-ţţafeḍ-ara,
a-ţţ-ṛuḥ a-ţţ-glu s-kulci
dεiγ ur yid ţţafeḍ-ara,

aţţan ad teddu tmeγṛa-m
hegan-am sḍaq, yekfa,
igenni ad yesfeḍ fellam
a d-zi s-udem-im teḍṣa,
xas tṛeṣa dgi lmeḥna-m
sulliγ-d i yimi lhedra,
ṛuḥ kan, seg ul semeḥγ-am
aṛuḥ-iw yidem yedda,

dεiγ, asen deg a tṛuḥeḍ
yiwet lḥağa aγ tesaεdel,
d-lkeţţan degs a nenneḍ
a d-aγ icebḥ s-temllel,
kem axxam-im a t-kecmeḍ
nek akal felli a d-yemdel,
isem-im s-wayeḍ a t-cebḥeḍ
ma d-isem-iw yidi ad yemṭel,

lεemṛ-iw yedda s-lekmal
s-lḥezn i tedhen tayri-w,
ur umineγ ifut lḥal
s-ṣebṛ i-ţţ-kelixeγ ul-iw,
ur d-yegli s-ṣut wawal
hedṛeγ, yegugem yimi-w,
ziγ lfeṛḥ-iw d-lmuḥal
qeṛḥeḍ a tideţţ γef yixef-iw,

yeṭf-iyi rebg b-usan
ḥeḍṛeγ asen i deg i tṛuḥed,
wisen, ger wid akw yezhan,
wisen yidsen ma tfeṛḥeḍ ?
naγ tmektiḍ-d ig εeddan
am nek asen i tḥezneḍ ?
a-ţţ-ẓṛeḍ sem d-iyi-nγan
axxam ajdid mi t-kecmeḍ,
ur yelli wi d-yeslan
ar daxel a yul i t-meğdeḍ,
ullama cerken iẓuṛan
yides lemḥiba txulfeḍ,
tedhen lemḥiba s-qeḍṛan
mačči dayen ar a t-sefḍeḍ

a yusan texdeεm-iyi
nwiγ a d-qublem lebγi-w,
i wegris tesnesm-iyi
daxel ur yesiṣmeḍ wul-iw,
ixenq-iyi-d imeṭi
iγaḍ-iyi laεteb-iw,
ḥusγ-as i lḥub d-amsari
mi tṛuḥ tedda zdat wallen-iw,

s-tideţţ nwiγ-d lmuţţ-iw
mačči ţţijehli ig zaden,
wallaγ ad ẓṛent wallen-iw
ayen zdat-sen-t i ṣaṛen,
rriγ tamdelt i usirem-iw
yerna s-idak yemuten,
asa ig kfa lfeṛḥ-iw
iγeṛm-iyi-d s-leḥzen,
xas ma yudrikem-id yiles-iw
d-ṣaḍa b-ul iḥeṛqen,

s-yiles-iw a d-am semḥeγ
am aken ur yi-texḍimeḍ-ara,
i ḥeţţem lḥal am feṛḥeγ
ger medden ur yi-tecqiḍ-ara,
deg ul ar a kem γuceγ
leḥzen ad yeqim lebda,
ad ruγ i zehr-iw xuṣeγ
leḥzen ad yeqim lebda,
dεiγ ur neqbaleγ
ur d-iyi-d-yeţţaf wasa,

a yusan texdaεm-iyi
nwiγ ad qublem lebγi-w
i wegris tesnesm-iyi
daxel ur yesismeḍ wul-iw,
ixenq-iyi-d imeṭi,
iγaḍ-iyi laεtab-iw,
ḥusγ-as i lḥub d-amsari,
mi tṛuḥ teda zdat wallen-iw…


Hacène Ahrès



Transcription : Icerfan

Xuṣen iberdan luḍa


Xuṣen akw iberdan luḍa
a yixef-iw yebγan tigi,
mi yid sεedaḍ sya
tedduγ γas m-ur di yehwi,

aεyiγ, lğehd-iw yekfa
kawen ifaden i tikli,
ray uεwij im aka
ik yehwa a-tt-ḍebṛeḍ felli…

dunit am tedyanin
yal tamsalt dgi leḥq-is,
cennuγ-kem ttizlatin
yal tadyant s-tezlitt-is,

aṛeṣeṛγ g-ul meskin
yal asefru dges tayri-s,
fellas ad yettmiḥin
yal tizlitt s-tedyant-is,

xuṣen akw iberdan luḍa
a yixef-iw yebγan tigi…

yiwen n lxiḍ i d-at yeṭfen
andaken ig cud ṣebṛiw,
yiwen uẓaṛ id yeqimen
uγuṛ tcudeḍ a yul-iw,

d-aẓaṛ-nni ttiḥemlen
din kan i mazal tayri-w,
simal usan a t-jebḍen
a sewzilen di lεemr-iw,

xuṣen akw iberdan luḍa
a yixef-iw yebγan tigi,
mi yid sεedaḍ sya
tedduγ γas m-ur di yehwi,

aεyiγ, lğehd-iw yekfa
kawen ifaden i tikli,
ray uεwij im aka
ik yehwa a-tt-ḍebṛeḍ felli…

di tnifift-is i ḥeṣleγ
kecmeγ lbeḥṛ n-tayri,
yeḥemel as mi t-id bedreγ
εemdeγ yides ad i yawi,

i-tt-zad simal a zedreγ
dges γerqeγ dayenni,
ulamek ar a d-ifrireγ
tinifift tezi yisi,

xuṣen akw iberdan luḍa
a yixef-iw yebγan tigi…

nebwḍed ar tizi layas
d-lawan ma d-friwseḍ,
a-yul-iw nehuγ kul as
i wasa ma yid ḥeṣeḍ ?

ma drus acḥal d-asegwas
εeddan yiwen ur tγelteḍ,
arasen iγebwlan tillas
ciṭ id yegwran ma tfeṛṣeḍ ?


xuṣen akw iberdan luḍa
a yixef-iw yebγan tigi,
mi yid sεedaḍ sya
tedduγ γas m-ur di yehwi,

aεyiγ, lğehd-iw yekfa
kawen ifaden i tikli,
ray uεwij im aka
ik yehwa a-tt-ḍebṛeḍ felli…



1997




Transcription : Icerfan

I kefu lǧehd-iw

Yebda ay kefu lğehd-iw
deg faden-iw a-tt-ḥawaceγ,
γer tillas yebweḍ ṣebṛ-iw,
acḥal aya tt-uεelqeγ,

dayen ay teceḍ ufus-iw
deg sirem-nni (de)g a yeṭfeγ
tikelt-a a-tt-edm lεemṛ-iw
ẓṛiγ a medden a yitneγ,

ur ubwideγ, ur d-uγalaγ,
teğğiḍ-iyi di ttnaṣfa,
ur direγ, ur muteγ,
imi ttudert-n tmara,

ur ḥzineγ, ur friḥeγ,
iεerq-i(yi) imeṭi, ttaḍseγ,
a yul as maken ik ḥeseγ,
i ẓṛiγ ay texdemḍ aka,
ibda ay kefu lğğehd-iw…

limer kan tezḍeγ-d allen
a tayri isehl ceγwl-im,
a d-duḍ deg meṭawen
γef cefr ad yirid later-im,

ur tettεawazeḍ yiwen
anda lliγ, iγab lexyal-im,
ur tgezzeṛḍ ullawen
ad gedlen medden axam-im,

yebda ay kefu lğehd-iw
deg faden-iw a-tt-ḥawaceγ,
γer tillas yebweḍ ṣebṛ-iw,
acḥal aya tt-uεelqeγ,

dayen ay teceḍ ufus-iw
deg sirem-nni (de)g a yeṭfeγ
tikelt-a a-tt-edm lεemṛ-iw
ẓṛiγ a medden a yitneγ…

ya ccix mu yeqeεd umaru
ma γurek dwa (n) tayri,
aṭas bwid i tesru
acḥal mu teğğa cwami,

aru-yi aken a yitexḍu
cekren-k-id medden γuṛi,
uyseγ si ṭeba ḥellu
ya bu leḥruz dawi-yi,
yebda ay kefu lğğehd-iw…

la yi t-tteqed tmes-im
tṣuḍuγ werğin tensa,
la yeqaz dgi sem-im
am yir sḥur di lεella,

yir tayri bexxer naγ qim
d-acu ar as d-grent tira ?
fiḥel leḥruz, tiwreqtin
ullac dwa-w di nesxa,

yebda ay kefu lğehd-iw
deg faden-iw a-tt-ḥawaceγ,
γer tillas yebweḍ ṣebṛ-iw,
acḥal aya tt-uεelqeγ,

dayen ay teceḍ ufus-iw
deg sirem-nni (de)g a yeṭfeγ
tikelt-a a-tt-edm lεemṛ-iw
ẓṛiγ a medden a yitneγ…


1996




Transcription : Icerfan

Xas iles-iw

Xas iles-iw am i semaḥ
ma d-ul ur teḍminγ-ara,
timest ig caεl degs ṛwaḥ
ar asa degs ur tensa,
mazalitt degs a t-neddeḥ
cfayat-im d-isufa,
dayen id segwra tqeṛeḥ,
imi yebwi zman tura,
ur mi ḥezen, ur mi feṛeḥ,
ur yettru, ur yettaḍsa,

ur mi ḥezen, ur mi feṛeḥ,
ur yettru, ur yettaḍsa…

γurem a d-sfeqden wusan
di temẓi-m teğiḍ ṭsen,
tayri-m zdat-em am d-ban
ma m-tt-id awin ger wallen,
g-ul-im a d-sfeḍ lemḥan
d-nuba-m id yesawḍen,
as mi deg id ḍil lehna
tettu, ur tegli yisem,

g-ul-im a d-sfeḍ lemḥan
d-nuba-m id yesawḍen,
as mi deg id ḍil lehna
tettu, ur tegli yisem,

xas iles-iw am isemaḥ
ma d-ul ur teḍminγ-ara…

ahat a d-meniḍ tafsut
m-ara kem yeṭef unebdu,
deg mi-m, ḥader a d-yeffeγ ṣut
xas ul-im ad yetṣuḍu,
kelx-as af tayri-m, settut
innas : “ a y-ul d-aγuṛu ”,
ma iγelbik(e)m mdel tabburt
mi telliḍ weḥdem xas ru,

kelx-as af tayri-m, settut
innas : “ a y-ul d-aγuṛu ”,
ma iγelbik(e)m mdel tabburt
mi telliḍ weḥdem xas ru,


xas iles-iw am isemaḥ
ma d-ul ur teḍminγ-ara…

tura ma kem yeṭef ṭlam
a-tt-jeṛebḍ ay g-swa yiḍ,
ma am nek a tt-ḥettebḍ itran
tayri, aεwaz d-usemiḍ,
tura m-ara bdunt fellam
usan a ten-id mektiḍ,
ur seqar ttawenza-m
d-ayen teẓṛaεḍ i tufiḍ,

tura m-ara bdunt fellam
usan a ten-id mektiḍ,
ur seqar ttawenza-m
d-ayen teẓṛaεḍ i tufiḍ,

xas iles-iw am isemaḥ
ma d-ul ur teḍminγ-ara…

acḥal d-asegwas tura
g-ulawen i zdeγt cḥani,
ixef-is ur t-id nuf-ara
tayri nek d kemini,
as mi-d tezwer teḍṣa
i ẓṛiγ yerğğa imeṭi,
a nkemel tudert aka
s-nuba a-tt-id nesmekti,

as mi-d tezwer teḍṣa
i ẓṛiγ yerğğa imeṭi,
a nkemel tudert aka
d-laxaṛt i d-dwa n tigi…

xas iles-iw am i semaḥ
ma d-ul ur teḍminγ-ara,
timest ig caεl degs ṛwaḥ
ar asa degs ur tensa,
mazalitt degs a t-neddeḥ
cfayat-im d-isufa,
dayen id segwra tqeṛeḥ,
imi yebwi zman tura,
ur mi ḥezen, ur mi feṛeḥ,
ur yettru, ur yettaḍsa…



Transcription : Tasusmi

Mlas a targit


Nek d nadam d-amenuγ
a targit γunzeγ iḍes,
mi ruḥ(e)γ uyseγ dayen ttuγ
rehba-m ay-id-sduqes,
yal iḍ lfeğr a t-rğuγ
aεwaz deg dam(e)n-iw i tes,
taεwint n-tuḍert tluγ
siwa asmekti dgi i teqes,
ttxilem, anfiyi ad staεfuγ
a targit rzu γures…

mlas a targit, mlas,
awi-yas ud(e)m-iw tura,
s-lexyal-iw rzu fellas
m-ara s-tqaεd tnafa,
d-ṣura i duben snaεt-as
mlas mkul d-cama,
ul ad yergagi, m-ara y-id-wali
ad iyi-d-qab(e)l s-teḍsa,
naγ a-yid-inni : « anwa keččini ?
muḥal ur k-sineγ-ara… »

ul ad yergagi, m-ara y-id-wali
ad iyi-d qab(e)l s-teḍsa,
naγ a-yid-inni : « anwa keččini ?
muḥal ur k-sineγ-ara… »

mlas a targit, mlas…

innas am-aken ttuγ-kem
tεeṛqeḍ deg segwasen-nni,
mačči fellam ig ḥzen
naγ mazal(i)t a d-ittmekti,
xas tikwal degs i gezzem
agris mkul d-asmekti,
laεqel i w-ul iḥettem
d-ṣbeṛ mi s-yezi cwami,
a cennuγ i kem, bedelγ-am isem,
imi-m i εuhd-it yimi,
ayen i di yuγen, ur s-qaṛ sgem,
sebba-w d-yir tayri,

la cennuγ i kem, bedelγ-am isem,
imi-m i εuhd-it yimi,
ayen i di yuγen, ur s-qaṛ sgem,
sebba-w d-yir tayri…

innas a targit, innas…

i jmeεit-t(ent)-id akw yixef-iw
mkul m-ara d-yeγli yiḍ,
yezga icebwel lmux-iw
kem a tiṭ, tezgiḍ telliḍ,
qaṛeγ-as : « acimi ? », i zehr-iw
acimi yis ur tegliḍ ?
tili asa rtaḥeγ i lhem-i
ur uγaγ yir inefiḍ,
s-yisem tayri i zgant nhati
i kem a targit teẓṛiḍ,
tḥeṛmeḍ felli ulla ttaguni
mi ṭseγ a yid-sakwiḍ,

s-yisem tayri i zgant nhati
i kem a targit teẓṛiḍ,
tḥeṛmeḍ felli ulla ttaguni
mi ṭseγ a yid-sakwiḍ…

innas a targit, innas…

mlas a targit iẓṛi-w
as mi t-ijerḥ immeṭi,
innas a d-γeṛ deg wallen-iw
acḥal aṛẓagit i tmuγli,
kerheγ ulla d-iman-iw
kukreγ ad muqleγ lemri,
la d-iy-tezem w-ul-iw
kul m-ara d-sger tayri,
ul ma di cetki, a yid-ismekti
ayen yakw yides aεceγ,
cfayat-nni, felli d-cwami
ttruγ mi ten-id-mekteγ,

ul ma di cetki, a yid-ismekti
ayen yakw yides aεceγ,
cfayat-nni, felli d-cwami
ttruγ mi ten-id-mekteγ…

innas a targit, innas…

asa mi tbedleḍ lewhi-m
tefsiḍ mkul tiyersi,
yebdel ulla d-asirem-im
yasa tergitt-im texsi,
yekes wagu zdat wallen-im
teẓṛiḍ tafsut di lyali,
yesbek am dfel wul-im
yesat γef kul d-asmekti,
yurziyi lweḥc-im
yeneğr aṛwaḥ-im
axxam arẓag d-ilili,
mazal lexyal-im
la selleγ i ṣut-im
d-winna i d-anza tayri,

semḥ i targit-im
yicebweln ul-im
im yesxaṛben taguni,
uγal s-iḍeṣ-im
tesfeḍt imeṭi-m
la ttruγ ulla d-nekini,

semḥ i targit-im
yicebweln ul-im
im yesxaṛben taguni,
uγal s-iḍeṣ-im
tesfeḍt imeṭi-m
la ttruγ ulla d-nekini...



Transcription : Tasusmi

Gwadeγ


Aken aεzizeḍ i tmuγli,
xas aken aεzizeḍ i tmuγli
allen-iw ur m-zmirent-ara,
aγ regwel fellam γiẓṛi-w
γeẓṛa ur t-id-ṣaḥeḍ-ara...

ugwadeγ a kem ẓṛeγ
a γizment wallen-iw,
bγiγ am hedreγ
ad γeneḍ γiles-iw,

ugwadeγ a kem ẓṛeγ
a γizment wallen-iw,
bγiγ am hedreγ
ad γeneḍ γiles-iw,
aγes-iγi, a kem aγseγ,
ttu-γi, qebleγ,
seg ul-im fγeγ,
xas ru a γiẓṛi-w,


ariγ-am leqdeṛ
ziγ ur tuklaleḍ,
acḥal im γeṣbeṛ
wul-iw tmeḥneḍ,

ariγ-am leqdeṛ
ziγ ur tuklaleḍ,
acḥal im γeṣbeṛ
wul-iw tmeḥneḍ,
ziγ γeγli, γenṭer,
si tγita-m γeqbeṛ,
ur teğğiḍ aẓaṛ,
kul wa amek i tgezmeḍ…

ugwadeγ a kem ẓṛeγ
a γizment wallen-iw,
ma bγiγ am hedreγ
ad γeneḍ γiles-iw,
aγes-iγi, a kem aγseγ,
ttu-γi, qebleγ,
seg ul-im fγeγ,
xas ru a γiẓṛi-w,
aγes-iγi, a kem aγseγ,
ttu-γi, qebleγ,
seg ul-im fγeγ,
xas ru a γiẓṛi-w...

ul-iw γeččuren,
di lebγi-s ḥeṣleγ,
iẓṛiw γekawen,
ḍḥiγ-d dreγleγ,

ul-iw γeččuren
di lebγi-s ḥeṣleγ,
iẓṛiw γekawen
ḍḥiγ-d dreγleγ,
lebγi-w γetmeḥnen,
lεeql-iw ixeṛben,
sekra di γuγen,
ad γeched felleγ,

lebγi-w γetmeḥnen,
lεeql-iw ixeṛben,
sekra di γuγen,
ad γeched felleγ,

ugwadeγ a kem ẓṛeγ
a γizment wallen-iw,
ma bγiγ am hedreγ
ad γeneḍ γiles-iw,
aγes-iγi, a kem aγseγ,
ttu-γi, qebleγ,
seg ul-im fγeγ,
xas ru a γiẓṛi-w,
aγes-iγi, a kem aγseγ,
ttu-γi, qebleγ,
seg ul-im fγeγ,
xas ru a γiẓṛi-w...

daγen ur ḍmiεeγ
a d-ziḍ γuri,
fellam i εetbeγ
γeğad cwami,

daγen ur ḍmiεeγ
a d-ziḍ γuri,
fellam i εetbeγ
γeğğad cwami,
γegwra-γi-d ad ṣebṛeγ,
isem-im a tsefḍeγ,
xas ad nṭaṛeγ,
kullec ad iεedi,

γegwra-γi-d ad ṣebṛeγ,
isem-im a tsefḍeγ,
xas ad nṭaṛeγ,
kullec ad iεedi,

ugwadeγ a kem ẓṛeγ
a γizment wallen-iw,
ma bγiγ am hedreγ
ad γeneḍ γiles-iw,
aγes-iγi, a kem aγseγ,
ttu-γi, qebleγ,
seg ul-im fγeγ,
xas ru a γiẓṛi-w,
aγes-iγi, a kem aγseγ,
ttu-γi, qebleγ,
seg ul-im fγeγ,
xas ru a γiẓṛi-w...

gwran-iγi-d wusan
seg widen gwadeγ,
cban di twenza-m
a zin (γe)f εetbeγ,

gwran-iγi-d wusan
seg widen gwadeγ,
cban di twenza-m
a zin (γe)f εetbeγ,
aqli ger iberdan
win uγeγ d-ṭlam,
a-tt-nadiγ γef dwa-m
s-taγeḍ a kem bedleγ,

aqli ger iberdan
win uγeγ d-ṭlam,
a-tt-nadiγ γef dwa-m
s-taγeḍ a kem bedleγ,

ugwadeγ a kem ẓṛeγ
a γizment wallen-iw,
ma bγiγ am hedreγ
ad γeneḍ γiles-iw,
aγes-iγi, a kem aγseγ,
ttu-γi, qebleγ,
seg ul-im fγeγ,
xas ru a γiẓṛi-w,
aγes-iγi, a kem aγseγ,
ttu-γi, qebleγ,
seg ul-im fγeγ,
xas ru a γiẓṛi-w…





Transcription : Icerfan

Asmekti


Mi kem i d-mektiγ
ṭlam a d-yerzu felli,
s-lbeεd tt-walliγ
a yas-nni yecba asagi…

mi kem i d-mektiγ
teẓṛiḍ iṭij ma yeγli ?
aken i kem tt-walliγ
aken i t-beεḍeḍ felli…

mi kem i d-mektiγ
kerheγ (an)wa d-yadren tayri,
ayen akw i tt-menniγ
arẓeg di tegwnitt-nni…

mi kem i d-mektiγ
s-lḥub-im ṛγiγ,
gwreγ-d a tt-γenniγ
sendefeγ ljerḥ temẓi-w…


a-tt-εeddin laεwam
felli amzun d-dqayeq,
ay tezem fellam
ul-nni teğğiḍ yeḥṛeq…

a-tt-εeddin laεwam
ugwadeγ aka ad ifeleq,
ayen ig sarem
di ttnaṣfa i t-yebḍa lefṛeq…

a-tt-εeddin laεwam
am tafat ger cqayeq,
ma iγelbit ṭlam
iγelbit wudem-im s-lḥeq…

a-tt-εeddin laεwam
ḥettebγ s-wusan,
ayen i nesaram
di tnifit n-zman yeγṛeq…


d-acu i d-yeqimen
limer di yesεiγ tisas ?
ulla d nek am kem
kul wa ad yezhu nuba-s…

d-acu i d-yeqimen
i win ur necbi tizya-s ?
la zehun, ferḥen
kul wa anda yufa lbenna-s…

d-acu i d-yeqimen ?
ul-iw yehuba tullas,
ayen yemuten
ur d-ad-yettezi yibwas…

d-acu i d-yeqimen
seg win i ruḥen ?
siwa ayen aṛẓagen
yis a-tt-ḥasabeγ kul as…

dayen ur ksanneγ
tekad si nig lebγi-w,
mi ker-γ ad feṛḥeγ
asmekti a d-yezwir s-ul-iw…

dayen ur ksanneγ
daya di yefka zehṛ-iw,
xas ur tettamneγ
yis i tt-ṣebireγ ul-iw…

dayen ur ksanneγ
ma ṛẓeg ger wallen-iw,
mi kreγ ad ḥemleγ
ad affeγ krehγ iman-iw…

dayen ur ksanneγ
xas fellam baεdeγ,
d-acu yegwadeγ ?
ugwadeγ a kem ẓṛent wallen-iw…




Transcription : Icerfan

Gwadeγ a yul


Γileγ tura dayen cwal
yekfa, a yul yidek friγ,
imi yed(e)ḍlebḍ lmuḥal
asa ak bruγ, aεyiγ,
teṣṛeẓg-iyi kulec s-kmal
mi di dunit ur ttufiγ,
fiḥel a-tt-nawi daw wakal
tayri i yiğğan ṛγiγ...


kesγ ugur-ik dayenni
γil(e)γ ufiγak-d amwanes,
times i caεlen deg-k texsi
yir aṭan sgek yekes,

kesγ ugur-ik dayenni
γil(e)γ ufiγak-d amwanes,
times i caεlen deg-k texsi
yir aṭan sgek yekes,
tudert, a yul, akagi
yal wa anida is tekres,
ullac win tezgel tayri,
yal yiwen tadyant ines,
ur tuklal a d-nemekti
tura i γunzatt yiles,
tecbeḥ as-nni di temzi
asa yi-d-ttban tumes...

u leqrar a d-yaweḍ was
γur-nneγ a d-ẓ(e)l ifasen-is,
kul tiγmert aγ d-err tillas
lmutt a-tt-xedm cuγl-is...

u leqrar a d-yaweḍ was
γur-nneγ a d-ẓ(e)l ifasen-is,
kul tiγmert aγ d-err tillas
lmutt a-tt-xedm cuγl-is...
anda i tt-tḥebṣeḍ serḥ-as
a yul-iw ḍum-d amkan-is,
xas teqim deg-k cama-s
sgek qleεd aẓar-is...

ugwadeγ a yul aγ teḥweṣ
uqbel nek yidek a-tt-nefru,
ma ixus wayen ẓṛiγ sges
s-aẓeka-w aken a-tt-ddu,

ugwadeγ a yul aγ teḥweṣ
uqbel nek yidek a-tt-nefru,
ma ixus wayen ẓṛiγ sges
s-aẓeka-w aken a-tt-ddu,
ẓayet a yul (γe)f yiles
xas daxel-ik a d-tsuḍu,
(γe)f uglim tban-d am iγes
mačči d-lhağa ad tnexḍu,
ma lxiḍ (i)k icuden γures
afetti yines d-aγuṛu,
aẓeka a t-necrek yides
i wzezu nek yidek aγ tesu,

u leqrar a d-yaweḍ was
γur-nneγ a d-ẓ(e)l ifasen-is,
kul tiγmert aγ d-err tillas
lmutt a-tt-xedm cuγl-is...

u leqrar a d-yaweḍ was
γur-nneγ a d-ẓ(e)l ifasen-is,
kul tiγmert aγ d-err tillas
lmutt a-tt-xedm cuγl-is...
anda i tt-tḥebṣeḍ serḥ-as
a yul-iw ḍum-d amkan-is,
xas teqim deg-k cama-s
sgek qleεd aẓar-is...

a tayri n tudert-iw
(γ)er da nek yidem barka,
effeγ, awi yidem lεemr-iw
aken a-tt-staεfu lğetta,

a tayri n tudert-iw
(γ)er da nek yidem barka,
effeγ, awi yidem lεemr-iw
aken a-tt-staεfu lğetta,
tcebwelḍ-iyi di temẓi
testbeεḍ-iyi-d (γe)r asa,
ṛẓaget teγwzi lεemr-iw
axir laεteb uẓeka,
as bruγ i teεkemt-iw
taεkwemt isegwasen aya,
ad ruγ yidem a tayri-w
akem awiγ kan d-cama,

u leqrar a d-yaweḍ was
γur-nneγ a d-ẓ(e)l ifasen-is,
kul tiγmert aγ d-err tillas
lmutt a-tt-xedm cuγl-is...

u leqrar a d-yaweḍ was
γur-nneγ a d-ẓ(e)l ifasen-is,
kul tiγmert aγ d-err tillas
lmutt a-tt-xedm cuγl-is...
anda i tt-tḥebṣeḍ serḥ-as
a yul-iw ḍum-d amkan-is,
xas teqim deg-k cama-s
sgek qleεd aẓar-is...



Transcription : Tasusmi

Tabṛatt b-ul


Am sem dges i seḥeq
sem-is warğğin yeḥli,
am aken seba-s teεṛeq
yekreḥ a-tt-id-yemekti,
asmekti dges i ḥeṛreq
s-tuγzi isegwasen-nni,
d-isefra mi d-yeṭeṛḍeq
ul i deg tesebw tayri,
innas a tabratt b-ul…

inn-as d-ṣebṛ is yekfan
yegzem layas dayenni,
ur d-as d-qimen wusan
aken deg-m ad imenni,

yal wa daya i d-as yuran
yal wa amek is gan wusan,
isγaṛ tmes-im aṛγan
ulla yesmendeg tayri,

yal wa daya id as yuran
yal wa amek is gan wusan,
isγaṛ tmest yekfan
ulla yesmendeg tayri,

inn-as : tizlitt-agi di lxaṭer-im,
inn-as : a-tt-εeqelḍ dges tayri-m,
inn-as : a-tt-afeḍ degs cwami-m,
inn-as ya tabratt b-ul…

inas ma s-tidett tezha
yik(e)s-as mkul lexmam,
ma iḥudritt zman teḍṣa
yibweḍ wul ay g-saram,

inn-as ur ksan(e)γ-ara
imi yugwi ad yisusem,
ma sufella ljerḥ yeḥla
d-axel a yesger sem,

ma tayri-m tecba cetwa
γef wul s-wegris tesa,
dges m- ur tesbik-ara
fellas ḍal(e)nt-d ṣmayem,

ma tayri-m tecba cetwa
γef wul s-wegris tessa,
dges m- ur tesbik-ara
fell-as ḍalt(e)n-d ṣmayem,

inn-as : andaken lhağğa tkefu,
inn-as : tayeḍ dina i d-ttnulfu,
inn-as : lğğerḥ i tebεit ḥelu,
inn-as ya tabratt b-ul …

inn-as lemr ad a-tt-teẓṛeḍ
a-tt-walliḍ degs ay walleγ,
menneγ yibwas a tjarbeḍ
deg segwasen ayen i sεedeγ,

ger was d yiḍ ad tεeṛqeḍ
amaken degsen εeṛqeγ,
laxart n tayri a-tt-ẓṛeḍ,
a tẓerḍ ansi i d-uγaleγ,

iman-im degs a tkerheḍ
lemri-m ur tettmuquleḍ,
ayen (γe)f i tedliḍ semeḍ
am aka i d-gwriγ semḍeγ,

iman-im degs ad tkerheḍ
lemri-m ur tettmuquleḍ,
ayen (γe)f i tedliḍ semeḍ
am aka i d-gwriγ semḍeγ,

inn-as : lehdur-agi (iwu)mu i d-ḥeṣeḍ,
inn-as : seg ul-nni teṣebweḍ,
inn-as : mačči aken a d-iḥnineḍ,

inn-as : d- ttabratt b-ul…



Transcription : Tasusmi

Fiḥel ma ẓṛiγkem



Ma yella ur nudeγ fellam
mačči d-abrid ur yufiγ,
ur d-iyi teεriq tansa-m
limer ksaneγ a nsteqsiγ,
geranneγ i d-zgan laεwam
teẓṛiḍ ulla ansi i nεdiγ,
si lbaεd am nehduγ slam
ayen iyi-d-iḥejben fella-am
as d-lseγ, a d-am inniγ :


fiḥel ma ẓṛiγkem
anef i wul ad yenuγni,
tamuγli-w γurem
leğğruḥ a ten i d-sakwi,
mi walleγ dgem
am aken sakadeγ γer lemri,
idedi-w d-kem
cama-s d-nekini,
fiḥel ma ẓṛiγkem
yenum dayen ullacikem,
ul i hennayi
asa yesusem
ur teţţlaεeğğ ţţxilem,
qim kan d-asmekti,
fiḥel ma ẓṛiγkem…

yefuk wayen ar am inniγ
kfan lehdur di tayri,
xas yeččur wul ur ufiγ
ansi ar a d-εedin s-imi,
ur mazal asa ad nadiγ
fell-am uyseγ dayenni,
yeğğa-yi sgem wayen rğğiγ
γuleγ-t ulla d-nekini,
asawen-nni deg ay εyiγ
tfuk asa dges tikli,
deg wayen akw i d-ţţmektiγ
siwa tereẓg a yufiγ,
ţţuḥeţţfeγ dayen kfiγ
aεyu ulla d-kemini,
fiḥel ma ẓṛiγkem
xas aken aεzizeḍ i tmuγli…

andaten akw lehdur-nni
ay tenniḍ d wayen nniγ ?
a selqweḍeγ di tikti
lebγiw akw dges ay tufiγ,
sulliγ lebruj s-umenni
qareγ-as kan yidem ad illiγ,
dges ay rğğiγ tili
asirem-nni aken duriγ,
ziγ d-lekdeb irkwelli
ulla dayen i d-ţţ-mektiγ,
ma walleγ degm asagi
ḥṣu s-yir tamuγli,
fiḥel temses d-imeṭi
xas tugwiḍtenţţ am ţţinniγ,
fiḥel ma ẓṛiγ-kem
kffant wallen-iw dayenni...

yifit limer sent yefsi
i tyerres deg ulawen,
xas ma tedğhed tanumi
d wayen akw iγ i cuden,
imi lγella-s d-cḥani
(de)g wayen id aγ d-iṣaḥen,
d-kemi, naγ d-nekini
ur yelli win i ḍelmen,
am semḥeγ, kem semḥ-iyi
a nsemḥ i twenza i εeksen,
d-acu ar aγ d-yeg asagi ?
d-acu ar as neg i tayri ?
d-ţţagini d-ţţagara-nni
andaten akw widen i ḥemlen ?
fiḥel ma ẓṛiγkem
lhant wallen anda niḍen...

fiḥel ma ẓṛiγkem
anef i wul ad yenuγni,
tamuγli-w γurem
leğruḥ a ten i d-sakwi,
mi walleγ dgem
am aken sakadeγ γer lemri,
idedi-w d-kem
cama-s d-nekini,
fiḥel ma ẓṛiγkem
yenum dayen ullacikem,
ul i hennayi
asa yesusem
ur teţţlaεeğğ ţţxilem,
qim kan d-asmekti
fiḥel ma ẓṛiγkem…





Transcription : Icerfan

Qim yidi ţţxillem

Ad inniγ sgi taεyiḍ
imi id begesḍ a-ţţ-ruḥeḍ,
yurzi-kem w-ul ur tebγiḍ
s-tmara degs tnetḍeḍ,
teţţgiḍ-d abrid i w-semiḍ
kul ma sges twexṛeḍ,
fellas iyi-d ţţ-cetkiḍ
tufiḍ-d seba semeḍ,

qim yidi ţţxillem
xas ma yeγli-d yiḍ felli,
twenseγ yidem
a tafat werğğin nexsi,
mazal-iyi dhiγ yisem
ur iyi-ţţağğa asagi,
imi tiziri-w d-kem
a yagur ḥader ur γelli…

ul-iw ur i bedel-ara
mazal yeqim di temẓi-s,
xas teduγ-as di nmara
yugwi ad yeğğ si leḥq-is,
tin is qaseγ ad yinni “ala”
d-kem kan ay d-lqis-is,
a tinna teğğa tinna
a tayri werğğin nenqis,

qim yidi ţţxillem
anef ayen ig bγun i fat,
meskud telliḍ kem
amaken ḥebsen luwqat,
awid kan ad yesusem
ar γurem lebγi-s yufat,
fellam it mazal yeḥḍem
ul-iw ur tezdiγ tis snat…

nemẓer di tirga-w acḥal
d-ţţiεad werğğin nexḍa,
ar tafsut deg i nemlal
tebwi-yaγ yides tnafa,
ar wasagi id neţţuγal
mi d-ukwiγ targit tekfa,
a tin if i sugetγ awal
ur yi-ţţ-εawad tiyita,

qim yidi ţţxillem
xas ifuk dgem umeni,
ma seḍlem-γ dgem
ţţwaḍelmeγ ulla d-nekini,
ma deg ul-iw ḥebseγ-kem
lḥebs-iw d-kemini,
ar γurem ig ḥebs usirem
ar γurem i tḥebs akw tayri…

semeḥγ idedi lεemri-w
ḥesbeγ-t amzun dayen yeḥla,
xas yesaţţ ger temẓ-iw
ufiγ talwit di tmara,
a tin ṣuḍγ s-yimi-w
imeslayen i d-isufa,
seγli rrij γef ul-iw
ma smendagent cfaya,

qim yidi ţţxillem
qim deg ul-iw mebla aḥulfu,
qim yidi ţţxillem
lğğerḥ i γunza ḥellu,
imi cfayat d-asirem
fellam, yisem ad iḥeku,
a tayri lebda illi-kem
ţţizzliţţ i cebḥ usefru…

qim yidi ţţxillem...



Transcription : Icerfan

Wisen kem ?

Mazal akem id i ḥeku
xas ul-iw sgem yuyes,
xas yuyes yugwi a kem ittu
mi d-yemekti ad yeḥliles,
yeγunza nadam usu
yal iḍ ixeṛbi yiḍes,
mazalitt a d-tṣuḍu
mazalitt deg ul tmes,
ma yexuṣ kra a d-as yernu
lxiq, ṭlam d-amwanes,
ur yesεi idedim ḥellu
tebwḍ-iyi tuqda-m s-iγes,
yeguma a d-yawi cna
wisen kem ?

ar asa tugwi ay teḍleq
ndama-m dgi tmeḥeq
ullac leğweb i waya,
nedda di lebγi-s neḥmeq
negad abrid i lefṛaq
γernneγ yeẓeld ifasen,
as mi sen εemd tceqeq
usan as mi d-aγ kelxen,
ullama ṛẓageḍ a lmenṭeq
af tin iyi-d-yesneṭqen,
xas ma yal wa anda yeεṛeq
yiwen uεekaz iγ yuwten,
tin iyiḥuzen lmenṭeq
tiyita-nni dgi yersen,
mazal t-sger-iyi sem,
wisen kem ?

tenwiḍ limer zmireγ i kra
a-tt-ğğeγ tegwnitt aka ?
tayri kra din tenγat,
teẓṛiḍ ur ksaneγ-ara
ma yella ur bnin wara
tγumeḍ iṭij a tafat,
a tinaken ur n dum-ara
imi ziγen kulci yettfat,
ma fellam yedum kra
ig bγa lebγim yufat,
ma d-nek ur yezgilt-ara
yir tallit d yir taswayt,
deg was mi nebḍa ar asa
ttaṛwiḥt ig bḍan af snat,
ur yexuṣ ḥed siwa kem
wisen kem ?

d-tteṣwiram ay jemεeγ
ur zmireγ ad a-tt-ferqeγ
d-ttin kan iyi-d –yeqimen,
limer a tt-ẓeṛḍ anda ay tt-freγ
ansi tt-id sekfeleγ
m-ara kem cedhint wallen,
mi tt-walaγ ad sḥisfeγ
d-usan-nni id yuγalen,
mazaliyi din weḥleγ
andaken i d-aγ kelxen,
am kem, ulla d nek γefleγ
alarmi εedan futen,
usan aεzizen ur wallaγ
temẓiw mi tegla yisen,
anda ma lebda i teḥkem
wisen kem ?

mazal akem id i ḥeku
xas ul-iw sgem yuyes,
xas yuyes yugwi a kem ittu
mi d-yemekti ad yeḥliles,
yeγunza nadam usu
yal iḍ ixeṛbi yiḍes,
mazalitt a d-tṣuḍu
mazalitt deg ul tmes,
ma yexuṣ kra a d-as yernu
lxiq, ṭlam d-amwanes,
ur yesεi idedim ḥellu
tebwḍ-iyi tuqda-m s-iγes,
yeguma a d-yawi cna
wisen kem ?



Transcription : Icerfan

Tazemurt n temẓiw

Tḥuzakem ulla d-kemini
tadyant g-yir tudert-iw,
telliḍ, teḥḍeṛḍ i kulci
d-was-nni i deg i d-llul tayri-w,
s-daw-am i neţţγimi
d-isin terrid-aγ tilli
neţţwali iṭij ma yeγli
a tazemurt n temẓi-w,
wisen ma kem id ţţmekti
naγ teţţukem am nekini
nek temẓi-w d-kemini
ar γuṛem ig cud lεemṛ-iw,

mazal-iyi cfiγ asen
xas aken acḥal d-asegwas,
deg wallaγ-iw ur ṣefḍen
zdeγn-iyi am yiḍ, am as,
fellam a yeţţban leḥzen
ma d-neţţat i kem iγaḍen
yak d-nek ig ţţewten
beṭu ur ẓṛiγ sebba-s,
duḥ n tayri-nneγ d-kem
d-ubeḥri mi ţţ-nezuzen
temṭel ur s-mdilleγ allen
teţţbaneḍ-iyi-d d-aẓeka-s,
tḥuzakem ulla d-kemini
tadyant g-yir tudert-iw…

dayenni sgem ad ṛuḥeγ
am d-ğğeγ kra dgem yellan,
ur d-yegwri dgem ar a ẓṛeγ
tura mi xerben wusan,
dgem cniγ, sefreγ
dgem acḥal d-azal qegleγ
asa deg beḥri-m semḥeγ
naγ tilli-m yecban ṭlam,
yal tiγwmert i deg a muqleγ
s-cfayat a d-qlilḥeγ
d wayen akw dgem laεbeγ
as maken lliγ d-l’ufan,
tḥuzakem ulla d-kemini
tadyant g-yir tudert-iw…

macci d-ul i kem yeğğan
mi ṛuḥeγ ulla d-nekini,
xas aken, ur ğğiγ amkan
anda diγ tezdeγḍ-iyi,
cfaya bwayen i εeddan
ugwin a tsefḍen wusan
yal aseḍw a d-yeţţban
yal ifer degs asmekti,
berik kra dgem yellan
γef mkan-im yeγlid ṭlam
dayen yesbaεden fellam
i wul aṛẓageḍ asagi,

tḥuzakem ulla d-kemini
tadyant g-yir tudert-iw…

telliḍ, tḥḍeṛḍ i kulci
d-was-nni i deg id lull tayriw,
s-dawam i neţţγimi
d-isin terrid-aγ tilli
neţţwali iṭij ma yeγli
a tazemurt n temẓiw,
wisen ma kem id ţţmekti
naγ teţţukem am nekini,
nek temẓiw d kemini
ar γurem icud lεemr-iw…



Transcription : Icerfan

Semḥ-iyi


Xas ifut fellaγ lḥal
geranneγ yegzem wawal
lefṛaq as mi d-aγ yektel
nemserwi,
asagi xṛebtaγ temsal
xas layas aγ yesefcal
deg ulawen aγ tesekfal
tanumi,
ţţucebwel-γ am yiḍ am zal
tuγal-iyi d-lmuḥal
rriγ-as tamdelt akal
tayri-nni,
lmuţţ a y-id-sawal
aṭas ay ţţarğğiγ, acḥal,
uqbel a d-as erreγ awal
semḥ-iyi…

ayen akw umi brant wallen-im
im yesexṛebn iḍes-im
i d-am yegzemn asirem-im
as-nni,
di dqiqa yexsi lfeṛḥ-im
yeγlid leḥzen γef ul-im
d-ţţiregwa yenğğeṛ yiẓṛi-m
yeţţmiri,
mazal a selleγ i ṣut-im
kul ma yeγab lexyal-im
siwa dges i ţţafeγ udem-im
tiziri,
tekad nig-nneγ isin
seba i d-aγ yerwin
ur iyi-ţţγucu deg ul-im
semḥ-iyi…

mi kerγ nniγ ad bedleγ
i wul lḥağğa a–ţţ-ḥeţţmeγ
as qareγ ad numeγ
a kem ţţuγ,
mi d-mektiγ ay εetbeγ
udem-iw kul ma tmuqleγ
di lemri seba a-ţţ-affeγ
as rnuγ,
asa fiḥel ma jehleγ
yeţţunefk-iyi ad qebleγ
anida ruḥeγ ad sweγ
din i tluγ,
asagi a medden a t-feḍḥeγ
ayen s-wayes ţţuεegbeγ
mi εṛeḍγ ugwiγ ad ḥemleγ
daymi ţţruγ…

γurem as tinniḍ yesismeḍ
ul aken tecuwḍeḍ
xas tufiḍ-as-d amwanes
tezwareḍ-iyi mi tbedleḍ
lḥub s wayeḍ
deg jifer-iw id teṭef tmes
asa, fiḥel ma tḥezneḍ
iẓṛi-m a tjerḥeḍ
ar i wul tablaṭ, ayes
ma ḍlebγ-am ayi-tsemḥeḍ
xas kem tḍelmeḍ
ul-iw, ceda-s tenqes

ur ţţru-yara
ur seqar : “ yezha, yeţţu,
ihennat wul-is ”
ur yi-tezgil-ara
am kem i terẓa tyita
teğğa sem-is,
nek yidem asa
negwrad d-imerẓa
lefraq n tmara
iḍumaγ s-ijufaṛ-is,
ayen akw i nurga,
nesaram, narğğa,
yeffeγ mxalfa
layas neγli s-irebi-s,

xas ifut lḥal
ṣebr id mazal
at nẓu deg ullawen,
ẓṛiγ d-lmuḥal
ad yebru i wawal
imi-w γef ul icuḍen,
sḍiḍ b-uzal
dgi iteţţ mazal
lğğeţţa s-lekmal
siwa iγsan id yeqimen,
ibwas ma nemlal
zdat am lexyal
ur yid ţţaεqal
tiṭ yerun felli asen,
ig εedan acḥal
aktar i mazal
jmaε a yakal
a-ţţ-γumeḍ i d-yeqimen...



Transcription : Icerfan

Dayen, dayen

Dayen, dayen
tayri-m ur tesεi ser,
ţţrunt wallen
ul ur ţţ-id-yeţţader,
kawen ifaden
kfan imeṭawen
ur iyi-d-yegwri liser,

d-kem i sarmeγ
fellam εatbeγ
tafat-iw d–kemini,
ziγ ur faqeγ
ţţwakelxeγ
tesaγliḍ-d ṭlam felli,
yisem i gulleγ
yaken ur ḥenteγ
aḥeq wi lεebn s tayri,
gulleγ sfaεlleγ
ur ḥniteγ
ar lḥub seg ul yeγli,

dayen, dayen
tayri-m ur tesεi ser,
ţţrunt wallen
ul ur ţţ-id-yeţţader,
kawen ifaden
kfan imeṭawen
ur iyi-d-yegwri liser

tabraţţ ṭfeγ
d-ţţinaken uyseγ
fellas ur bniγ-ara,
“ased ak ẓṛeγ
aqli ndemeγ
d-smeḥ ay ṛğğiγ tura”,
fellam ḥejbeγ
γef tmuγlim freγ
udem-iw ur tẓaṛeḍ-ara,
ad ṣḥiṛmeγ
ma zwareγ muteγ
tamṭelṭ-iw ur s-ḥedṛ-ara,

dayen, dayen
tayri-m ur tesεi ser,
ţţrunt wallen
ul ur ţţ-id-yeţţader,
kawen ifaden
kfan imeṭawen
ur iyi-d-yegwri liser

teṛriḍ tillas
tekseḍ tisas
ul teğğiṭ yeceqaq,
muqel di tullas
kul ta ţţru fellas
ḥader ul-im ad yeṭeṛḍeq,
tiṭ-im serḥ-as
mi taεyiḍ sefḍ-as
ullama ur tesεiḍ lḥeq,
i temẓi-m semḥ-as
i kem yurzen si lexneq,

dayen, dayen
tayri-m ur tesεi ser,
ţţrunt wallen
ul ur ţţ-id-yeţţader,
kawen ifaden
kfan imeṭawen
ur iyi-d-yegwri liser

ma taqṣit hedreγ
tikwal sγuzfeγ
d-ţţayri-w iyi-d-yesneṭqen,
ibwas ma susmeγ
iles-iw a t-gezmeγ
d-ţţayri-w i d-iyi-sgugmen,
limer zmireγ
asagi a-ţţ-bedleγ
yir tayri iγ icerken,
imi ţţewteγ
ar daxel i ţţuγeγ
a yul-iw ṣbeṛ, susem…

dayen, dayen
tayri-m ur tesεi ser,
ţţrunt wallen
ul ur ţţ-id-yeţţader,
kawen ifaden
kfan imeṭawen
ur iyi-d-yegwri liser





Transcription : Icerfan

Yewexeṛ usigna


Yewexṛ usigna γef ul-iw
dges tiregwa kawent,
yerked lbeḥṛ n tayri-w
dayen lemwağ-is arsent,
ma d-ţţ-id mazal di lxaṭeṛ-iw
taṛwiḥt tcud akw γuṛsent,
din kan id yegwra uḥemel-iw
unefγ-asent ad i wansent,
din kan id yegwra uḥemel-iw
unefγ-asent ad i wansent,

aka is nεemed a-ţţ-kfu
tinna ur nesεi tillas,
dayen i εeda waḍu
andaken i tcud, fsiγas,
xas aken ur iban ḥelu
i lğğerḥ i nedfen yal as,
lemer yufa a d-as yernu
as teban tuqda fellas,
yuyes wul ig ţţṛağğu
iḥulfa ṣebṛ ay kefu,
as mi sedḥa a d-am yeḥku
yenna i tebṛaţţ : innas,
yewexxeṛ usigna γef ul-iw
dges tiregwa kawent…

anidakem as mi εeṛqeγ ?
lğğeṛa ur tban sani,
anidakem as mi is regwleγ ?
layas yetabaε-iyi,
γer wayen id megreγ ḍalleγ
ufiγ laεtab d-amseri,
mazal-iyi at γelteγ
ayagi d-ğğiḍ γuṛi,
xas ul-iw a d-as ḥeseγ
ikelx-iyi a d-as kelxeγ,
andakem as mi kem ḥemleγ ?
andakem ulla d-asagi ?
yewexeṛ usigna γef ul-iw
dges tiregwa kawent…

tayri ma yecud γuṛes ṛuḥ
ma tṛuḥ d-acu d-yeqimen ?
yak teẓṛid wi g ṛuḥen, iṛuḥ,
mliyi wi d-yuγalen ?
ul i tezuzneṭ di duḥ
andaţţ tinna dges yeṭsen ?
as mi tṛuḥed yidi i tṛuḥ
ullanda sakdent wallen,
mazal-iyi ahat ciṭuḥ
amkan xas d-amectuḥ,
deg ul-im ḥadrit ṛuḥ
ur ţţεemid a yiteksen,

yewexeṛ usigna γef ul-iw
dges tiregwa kawent,
yerked lbeḥṛ n tayri-w
dayen lemwağğ-is arsent,
ma d-ţţ-id mazal di lxaṭeṛ-iw
taṛwiḥt tcud akw γuṛsent,
din kan id yegwra uḥemel-iw
anef i cfaya ad i wansent,
din kan id yegwra uḥemel-iw
anef i cfaya ad i wansent…







Transcription : Icerfan

Siwa kem

d-kem isεiγ d-dwa
d-kem i ttafeγ i ttafat-iw
mkul m-ara d ewwet lmeḥna
d-kem i ttafeγ i lferḥ-iw
limer macci d kem assa
mazal iyi d ir-i
tura aka yidem assa
isneγ ad ḥkuγ tayri

siwa kem...
m-a kawen ifaden-iw aε'yiγ
yidem diγ xas d assawen
i tziri yidem ttγeniγ
lweq't bwid i ḥemlen
ssut-im mi-d as sliγ
rwiγ xas aken ur cciγ
yekes-iyi fad ur swiγ

siwa kem.....
siwa kem...
m-aken ara baεdeγ felam
yidem diγ xas d asawen
tt-ḥiriγ ad ziγ s axam
tt-ḥiriγ ad sleγ i ssut-im
muḥal ad bedleγ felam
ulac nig lqima-m
ur sεiγ tafat d ttlam
siwa kem...



Transcription : Idir

D Kem

Ur ṭṭ-id ṭṭara felli
S tuzma iyi tesḍelmeḍ
Xas bru y-as di cḥani
Teẓriḍ anida tḍelmeḍ
D kem
D kem
ig raden i tigi

Kelxen am wussan
Telεabḍ s tayri
Tγedreḍ laman
Terra deg-m temẓi
Assa yisem iyi-d gwran
Leğruḥ d cwami
Yal asmekti deg-s lukan
Mačči d kemini

D kem d kem
ig bγan tigi
D kem d kem
m-a ṭṭuzma iwumi

tura iyi tebda ndama
feli m-aka ig fut lḥal
dgi gezment tuzma
aka ḥesleγ di lmuḥal
assa m-id bweḍ tyita
laεqel-iw ad yesewal
la smaḥ lweqt iγada
fell-as rẓageḍ a y-awal

εyiγ, εyiγ
di ṭṭrebga temsal

limer dayen ar-ad bedleγ
ad-as ḥezbeγ i leqrar
temẓi-w γures ad uγalaγ
aken kan as d-a rreγ ṭṭar
laḥsab-iw deg-s at εiwdaγ
imi aka ziγ yexsar
xas ẓriγ deg-s iten tuγeγ
zhar-iw walğin yekker

lukan lukan
id zegwir temwγer

ayen iyi cuden γurem
ciṭ ciṭ ad feṭṭi
a tayri muḥal tgem
yibwas ur yefriḥ lebγi
assa dayen yuyes ikem
xas tikwal ad yeṭṭcetki
ul n-i icewḍen yisem
yuγal akw d iγed am sari
D kem d kem
ig bγan tigi
D kem d kem
m-a ṭṭuzma iwumi


Kelxen am wussan
Telεabḍ s tayri
Tγedreḍ laman
Terra deg-m temẓi
Assa yisem iyi-d gwran
Leğruḥ d cwami
Yal asmekti deg-s lukan
Mačči d kemini

ţţin d-iyi srun (album 2012)
 

ţţin iyi ḍṣan id iyi srun
S tayri-s mi dayen ḥfiɣ
ţţin cedhaɣ id iyi ţţun
Xas nek la ţţ-id ţţmektiɣ
Deg ul tin ad yeţţṣuḍun
Waḥdi kan deg-s ay rɣiɣ
Leǧruḥ yeqaẓen akw ḥelun
Nek seg-m mazal ḥliɣ

Yeqim d ajedid usmekti-m
S cefaya-s seɛdayeɣ ussan
Muḥal a iɛeraq wudem-im
Wina iwumi zzin yetran
Imi bɛedeɣ ɣef allen-im
A win yellan daw uḍar-im
Zuɣer-iyi am ṣebbaḍ yaḥfan
Xas ulama ad laxyal-im
Ad ţţeduɣ di rkaḍ-im
mer yewzil swab ur yeqim
A ţţan tibahb-iw fell-am

Ma guleɣ-am s idarwicen
Ḥṣu yiwen d nekini
At walleɣ deg ul-awen
At wul-awen d asmiḥi
Ḥemleɣ winna iyi-d ixelqen
Umneɣ s rebbi yiwen
Syin-a ɣur-s ad kemini
D cefaya id ifegḍen
D aḥeml-im id iḥemlen
D ul-iw yisem id imeǧden
D acu ar ad yaḥbes yimmi

Segw as-m-itt bubeɣ ur s briɣ
Taɛkumet inu ad laḥmala-m
D aḥulfu kan itt bɣiɣ
Mi tebaɛdeḍ, baɛdeɣ fell-am
Aṭas i nudeɣ lḥiɣ
Kkes-d abrid ur bwiɣ
Ulac i-kem amzun xelan
I wul-iw deg-m ufiɣ
Tayri-ni tideţţ is fkiɣ
As-mi iţţ-yesbur i ẓeriɣ
Muḥal ad yeddu ɛaryan