Sahel

Sahel (http://www.sahelkabylie-infos.com/forum/index.php)
-   Lunis Ait Menguellet (http://www.sahelkabylie-infos.com/forum/forumdisplay.php?f=21)
-   -   Tamenzut n Tregwa (http://www.sahelkabylie-infos.com/forum/showthread.php?t=1053)

Yidir 18/12/2015 01h12

Tamenzut n Tregwa
 
Tamenzut.

Xedmeɣ leḥsab ur cfiɣ
Aken ad mmektiɣ
Temzi-w tɛeda am aḍu

Yesken-d anida ur lḥiɣ
Ass-a dayen aɛyiɣ
Mačči d yiwet ad as-necfu

Ma yeɛṛeq-iyi ansi d-kkiɣ
Ẓheṛ i sɛiɣ
Yella lateṛ d asefru

D asefru id ddwa i ufiɣ
Alami d-nniɣ
Iḍaq wul ad awen-yeḥku

Ma truḍ ula d nekk aktaṛ
Taɛkemt-iw n ṣṣbeṛ
Ẓẓayet ur s-zmireɣ ara

Ṛṛay-iw mi ixuṣ cwaṛ
Yeḥwaǧ awexxaṛ
Ḥṣiɣ ur tendimeḍ ara

Xas ṭṭu-yi d lḥeqq-im
Zhu dunnit-im
Lweqt-nni n zikk yekfa

Ma d nekk mi d-bedreɣ isem-im
Ad ṣewṛeɣ udem-im
Xas iṛuḥ amzun yella

Ma selbeɣ lexbaṛ siweḍ-it
A lwiza fehm-it
Dunnit d lbir n ssem

Ayen i ɛeddan di temẓi
Iṛuḥ ur neẓṛi
Almi d ass-as s-giɣ isem

Sliɣ i uṭaksi yuɣwas
Ḥṣiɣ yewweḍ-d wass
Ul-iw yugi ad yesusem

Uriɣ-as tabṛat n sslam
Yesseḥzan leqlam
Almi nnuɣeɣ d usirem

Ma ketbeɣ isem-im ɣef leḥyuḍ
Xeṛṛben-iyi lexyuḍ
Yeɛreq-iyi wa ara sḍelmeɣ

D neṭṭat neɣ d iman-iw
IṬul lɛemṛ-iw
Ul-iw ad testeqsayeɣ

Aru a zzehṛ-iw ma truḍ
Ssusem ma taɛyuḍ
Anef-iyi ɛawaz nnumeɣ

Ǧamila iɛedda yisem-is
Ur ssineɣ udem-is
Deg iḍes i tt-id-mlaleɣ

ps: tanemirt Imminig.


Fuseau horaire GMT +2. Il est actuellement 07h42.

Édité par : vBulletin® version 3.8.0
Copyright ©2000 - 2024, Jelsoft Enterprises Ltd. Tous droits réservés.
Version française #13 par l'association vBulletin francophone
Sahelkabylie-infos.com