Mohand-Ouali Kezzar - Textes entiers
 

Asagi ad mteγ

Imi asagi ad mteγ
sendit-d iciwan,
a wen feṛqeγ ay kesbeγ
a wen i d-ğğeγ akw ayen yellan

a d-ğğeγ nnif i umaziγ
d Lzzayer i wid i ţţ-yexlan,
a d-ğğeγ Ṛebbi i umaγbun
aṣuṛdi i win yeṛwan,
a d-ğğeγ asirem i niyya
dumini i wi stufan,

imi asagi ad mteγ
sendit-d iciwan
a wen feṛqeγ ay kesbeγ
a wen i d-ğğeγ akw ayen yellan…

a d-ğğeγ imeṭi i ugujil
d yemṣaṛef i yiḍan,
tuγac i widen yeṭṣen
leqṛaya i wi ţţ-yebγan,
a d-ğğeγ tiγri i wegdud
d cami i widan yecfan,

imi asagi ad mteγ
sendit-d iciwan
a wen feṛqeγ ay kesbeγ
a wen i d-ğğeγ akw ayen yellan…

a d-ğğeγ ṭlam i udeṛγal
tiγṛit i wid ţţ-inumen,
a d-ğğeγ ṭbel i uceṭaḥ
d lğğenet i widan yumnen,
a d-ğğeγ aṭan i wi ţţrun
aεekwaz i yemcumen,

imi asagi ad mteγ
sendit-d iciwan
a wen feṛqeγ ay kesbeγ
a wen i d-ğğeγ akw ayen yellan…

a d-ğğeγ lbir i uṣekṛan
d lhem win s-izemren,
a d-ğğeγ tejra ar ţţeqeṛ
d rebḥ i wid i ḥeṛcen,
a d-ğğeγ cerf i ubehlul
belyaẓiṭ i Mḥend Uccen,

imi asagi ad mteγ
sendit-d iciwan
a wen feṛqeγ ay kesbeγ
a wen i d-ğğeγ akw ayen yellan…

imi asagi ad mteγ
ḥaca ayen ẓṛant wallen,
qṛebted a widak sneγ
sendited urawen,
kemelt-as i lxir-agi
fṛeqγ i d-yeqimen,
kemelt i taγuct-agi
fṛeqγ i d-yeqimen,
imi asagi ad mteγ
sendited iciwan
a wen feṛqeγ ay kesbeγ
a wen i d-ğğeγ akw ayen yellan...


Paroles : Ameziane Kezzar




Transcription : Icerfan

Aqlin ar yiri b-wasif
aqegel-iw s-daw illilli,
ṣuṛa-w tecba ameṣmaṛ
yereţţ yiṭij am akli,
kra xedmeγt-id s-ufus-iw
kra i qeḍṛit sidi Ṛebbi

yeḥzen yiṭij d-iceṛqen
yefγed usigna i γumit,
ḍegṛeγ tiṭ-iw γer lebḥeṛ
syen i d-bda tmeqit,
a wi ḍṣan, ḥader a ten iru
kul as yesεa tamedit,

aqlin di lebḥeṛ yeεmeq
aman-is d-iberkanen,
f mmi yefγen d-amnafeq
nγan-t ur t-yerfid yiwen,
yeclebḍ af dfel ay ṛeq
γef ubeṛnus γman idamen,

lexbeṛ yuzel f tmura
ru a yiẓṛi-w leḥmali,
uzyin yenṭel di beṛa
i luwḥuc akw d ctawi,
abrid mi teγli lhiba
deg fus lbaz yaṛeẓ lfuci,

a wi dun yidek a ṛuḥ
γer laxaṛt ar d-at awḍeγ,
di lğğenet as bedeγ af tebburt
af Ṛebbi aεzizen a t- leḥqeγ,
amkan is tgiḍ a lmut
di dunit ur tesineγ…

***

ad ruḥeγ ad ğğeγ axxam-iw
bu sebεa tgejda i ṛeṣan,
ad ruḥeγ ad ğğeγ lmelk-iw
ad ruḥeγ ad ğğeγ arraw-iw
ullac wa sen yegen leḥsan,

ad ruḥeγ a kem ğğeγ a tamurt
tucbiḥt am temguṭ yefsan,
anda akw i tzeṛεeḍ a lxuf
feṛḥen lexber mi teslan,
lquyad yectaqen ṣuq
asa d-nutni it yexlan,

lukan di yehdi Rebbi
tili taḍṣa d-lmuḥal,
a d-kren wid yemuten
d-imerhan s-daw wakal,
tagara lεebd d-lefni
win i ruḥen ur d-yeţţuγal,

aẓeka ajdid mi t-kecmeγ
ğğiγ-ak lhem a yaxxam,
a d-sawalen idamen
i inegura a d-arren tsaṛ,
tament-a win tt-iεeṛḍen
yeẓṛis i ḥemel ad yeqaṛ…




Transcription : Icerfan

Am yetri yecaεlen yeţţnus
am ṭir yeţţafgen yeţţrus
lhem-iw i refed yesrus,
wer yuni if ad staεfuγ
ur yeţţu aken a d-at ţţuγ,
am yetri yecaεlen yeţţnus
am ṭiṛ yeţţafgen yeţţrus…

igenni, lhem inu εlay,
d-lebḥeṛ, lhem inu lqay,
d-Ğerğer, lhem inu ẓay,
ur s-zmireγ, lhem inu γlay,
am yetri yecaεlen yeţţnus,
am ṭiṛ yeţţafgen yeţţrus…

lhem-iw ur yelli d-awal,
yeţţεemiṛ deg wallen-iw yesenγal,
am yetri kul iḍ a d-yuγal,
am ṭiṛ i d-yesawal,
am yetri yecaεlen yeţţnus,
am ṭiṛ yeţţafgen yeţţrus…

lhem-iw ur yesεi isem,
a yeqaz dgi am sem,
lhem-iw ur yesεi udem,
lhem inu d-axemem,
am yetri yecaεlen yeţţnus,
am ṭiṛ yeţţafgen yeţţrus,
lhem-iw i refed yesrus,
wer yuni if ad staεfuγ,
ur yeţţu aken ad at ţţuγ…



Transcription : Icerfan

Tibṛatin

Agur amenzu n tefsut
tameṭut-iw aεzizen,
tagi ţţabṛaţţ tamenzut
am tesargagi ifasen,
usan ţţemyeḍfaṛen
cban di tmiqwa b-waman,
degneγ acu i d-yeqimen ?
ḥaca agwlim yezdin iγsan,
am nek, am yimedukal-iw
udem-iw ullint ilefḍan,
i leḥfa kern iḍaṛen-iw
tilkin ţţazunt deg gwelman,
ṣbaḥ mi d-lliγ allen-iw
ţţmagarn-iyi-d yir usan,
d-acu di yeğğan dagi ?
atah wayen i di yenγan !
ţţmenniγ ad uqlweγ d-isem-iw
i tebṛaţţ ar da nedduγ
a kem sγimeγ s-idis-iw,
ayen yeḍṛan a d-am teḥkuγ…

as amenzu deg nebdu
a yargaz-iw aεzizen,
win yesεan ul-is d-aẓṛu
lehduṛ-ik a d-at qaṛṛḥen,
iḍuḍan-iw argagin
imi qaṛeγ tabṛaţţ-ik,
εaqlaγ tira-k a yuzyin
tesmalayeḍ afus-ik,
lexbeṛ ig uzlen di tmurt
yuzel ulla deg uxxam-ik,
nann-as akw medden : « yemut… »
amek almi ullac lexbaṛ-ik ?
anaγ iγ yenγan d-amek
dayagi iγ d-ğğan afzim,
ul fellak i la iḥebek
lğğehd-iw yedda d-uḍaṛ-ik,
ţţmenniγ ad uqwleγ d-azrem
as ḍuṛeγ i temgaṛṭ-ik,
ak id εelqeγ af tgecrar
a di teḥkuḍ leγbayen-ik…

as amenzu di lexṛif
tameṭut-iw aεzizen,
ţţwaliγ (de)g webrid-iw γezzif
ḥaca lkaγed iγ yezduklen,
mi mdelγ allen a d-mektiγ
usan i nesεda aken,
bḍiγ yidem as d yiḍ
d wayen i d-id-iṣaḥen,
ğğeγ akw deg wayagi
tinniḍ-iyi-d ma llan yirden ?
ma tjemεem abrid-agi
ayen ar a ccen yezgaren ?
sya ar da, ḥader iman-im
ḥaca kem i d-yeqimen,
ma d-kem diγ yeγli lğğehd-im
i nek wa ar a yirefden ?
ţţmenniγ ad uqlweγ d-isem
di tebṛaţţ ad a nedduγ,
a kem ṭfeγ ger iγallen
yir usan a d-at neţţuγ…

as amenzu di cetwa
a yargaz-iw aεzizen,
ẓṛiγ-k di targit laεca
teẓleḍ ger wid yemuten,
ţţaruγak-in s-immeṭi
ugwadeγ d-aγṛib ak neṭlen…
yir targit tusad γuṛi
sufγaγ-ţţ aken niḍen,
ğğeγ akw deg wanecta !
nefra ṭlaba iγ d-yeqimen
nelha ttirni d lxudma,
nejmaε aṭas g yesγaṛen,
abrid-a, a-ţţwεeṛ cetwa,
aka i hedṛen yemγaṛen,
ţţriḥ-ik nurğğat maṛa
anta tiγilt ak id yefken ?
ţţmenniγ ad uqlweγ d-isem
di tebṛaţţ ad a neduγ,
ak γliγ af yedmaren
yir usan ad a ten ţţuγ…

yibwas tagara n tefsut
aka tameddit b-was,
i feğğ-d wergaz af tebburt
tabburt ig ffeγ deg usegwas,
ciεa γef yidmaren
aṣeḍsu i ceṛq af yimi,
kecmen-d akw medden a teẓṛen
fṛeḥn-as imi d-yezi,
yeḥkad dihin af tlisa
awal yegwrad i lfuci,
« ğğteγ akw deg wanecta !
d-acu ig ḍṛan dagi ? »
yebwḍed yiḍ yifen akw uḍan
yeffeγ-d ar beṛa i tziri,
yesusem i tziri yeḍwan
tameṭut-s deg rebi,
d-acu ig ufa deg ciwi-s ?
ţţibṛatin is i d-yura
d-acu i tufa di lğğib-is ?
ţţibratin i d-as terra….



Paroles : Ameziane Kezzar



Transcription : Icerfan