Lxir-ik welh ur teṭṭuγ
 

Lxir-ik weleh ur teṭṭuγ
imi d kečč id yelin alen-iw
ufiγ-k di cedda m-i ṭṭruγ
sefḍeḍ iyi imetawen-iw
ṭṭama usekud ara lḥuγ
yidek ṭṭuγ iγeblan-iw


γuri lxir-ik d ameqwran
ger wid aεzizen a t-aruγ
d lwağeb ad as geγ leḥsan
laεmar fel-ak at hduγ
m-ik ẓriγ ruḥen iγeblan
m-i sliγ i lhedra-k ḥeluγ



yidek dunit d lemri
ger w allen-iw kulci yecbaḥ
d agur yetabaε yitri
yeṭṭγab di lefğer n sbaḥ
af udem-ik εamdaγ kulci
i waken ul-iw ad yefraḥ


mebla kečč i wacuyi
d acu lmaεnaw di dunit
m-a lḥiγ ur iban sani
anida ar-awḍaγ tamedit
m-a truḥeḍ t baεdeḍ feli
muḥal ad afeγ talwit


lxir ik

yidek ṭṭuγ iγeblan-iw