Voir la version complète : Tarik Ait Menguellet - Extraits de son premier album
Lesnin la tt-εeddin
nek ugiɣ ad bedleɣ,
ussan la tezzin
nek gumeɣ ad ḥemleɣ,
rriɣ (ɣe)f ul-iw timedlin
as mi d-iyi-teǧǧa, i tmeṭleɣ
lukan ɣuri a d-tiḥnin
ɣer ɣures ad uɣaleɣ...
tayri tederɣel
iberdan-is ur ten fhimeγ,
fell-as ul-iw yenquqel
di lǧerra-s aqli selbeɣ...
rriɣ (ɣe)f ul-iw timedlin
as mi d-iyi-teǧǧa, i tmeṭleɣ
lukan ɣuri ad t-iḥnin
ass-nni a t-id-skefleɣ...
.
Win ḥsebeγ ul-is d-aḥbib
yekat-iyi-d s daεewsu
xas ad ruγ macci d-lεib
ul s-imeṭawen ig ḥelu...
γas ad ruγ macci d-lεib
ala aẓṛu ur nettḥulfu...
.
Am aggur deg genni
zin-as merra yitran,
leḥmala-w d-iṭij-nni
ig fren i t-id yeḍwan,
deg genni ma yalli
ar ɣures kullec a d-iban,
ala tin ig ttmeni
truḥ-as, bwintt wuḍan
deg genni ma yalli
ar ɣures kullec a d-iban,
ala tin ig ttmeni
truḥ-as, bwintt wusan...
.
Tamurt
Yak widak iɣ i ḥekmen
ur ɣṛin, ur seɣren
ur yelli lxir i zerεen
aken asagi ad megren
La benun lejwama
lmumnin ulac,
lehna d leqraya
ḥermen-ten i warrac,
almi bwḍen la regwlen
ɣef tmurt nsen
widak n zik-nni
lemer di kem ḥudren
mačči aka a d-negwri...
...
En duo avec Djaffar
A tin ibεedn ɣef ul-iw
γer γuri ur d-ttwali
fellam i jerḥent wallen-iw
ttuγ-kem, ɣas ttuyi...
ussan felli la ttεeddin
iḍ ɣer wass yettemcabi,
ɣer deffir ur tezin
lweqt ur d-aɣ d-yetwali,
seg uksum-iw la tetten
alma d-ass ma di neṭlen
ɣer lǧǧenet ad i yawin
ul-iw ttimes ad d-yeṣaḥen
...
vBulletin® v.3.8.0, Copyright ©2000-2024, Jelsoft Enterprises Ltd. Tous droits réservés - Version française vbulletin-fr.org