Ideflawen - Textes entiers

[Imminig]

A Mmi

M-a tzemreḍ a mmi aṭṭ waliḍ
huden dunit-ik xzer
mebla m-a teniḍ-d awal
a-ṭṭ kreḍ kan γer lebni
naγ a-ṭṭ sruḥeḍ af tikelt
id ḥelaḍ s-i miya tikal
mebla m-a tberneḍ af.us
naγ m-a terniḍ-d anahi

m-a tzemreḍ a mmi a-ṭṭ sleḍ
lahdur ur nemεin ara
zuzuren-ten fell-ak
aken ad rnuḍ tilufa
a-ṭṭ sleḍ gezmen deg-k
imawen imexlulen
i waken a ṭṭetfeḍ iman-ik
ur-d gareḍ ayen ur nelli

m-a tzemreḍ a mmi aṭṭ waliḍ
huden dunit-ik xzer
mebla m-a teniḍ-d awal
a-ṭṭ kreḍ kan γer lebni
naγ a-ṭṭ sruḥeḍ af tikelt
id ḥelaḍ s-i miya tikal
mebla m-a tberneḍ af.us
naγ m-a terniḍ-d anahi

m-a yela tetfeḍ tirugza
mkul m-a teqimeḍ d igelil
deg meden ur tregweleḍ ara
agelid ak yeṭṭcawar
m-a yela tzemreḍ a-ṭṭ ḥemleḍ
imdukal am atmaten-ik
xas m-a yela yiwen degsen
ur-d yezgi am txatemt


m-a tzemreḍ a mmi aṭṭ waliḍ
huden dunit-ik xzer
mebla m-a teniḍ-d awal
a-ṭṭ kreḍ kan γer lebni
naγ a-ṭṭ sruḥeḍ af tikelt
id ḥelaḍ s-i miya tikal
mebla m-a tberneḍ af.us
naγ m-a terniḍ-d anahi


m-a tzemreḍ a ṭṭemgreḍ
iseγ defir n terẓi
ul-am usanag-d isin
deg yiwet n taluft ammi
m-a yela tzemreḍ a ṭṭḥekmeḍ
ger tisas d w alaγ-ik
anida γelin wiyiḍ
ihi ! tzemreḍ iy iman-ik
ihi ! ula d igeliten
ula d zher d yiseγ
ad uγalen s idis-ik
aqlak-id d argaz ammi


m-a tzemreḍ a mmi aṭṭ waliḍ
huden dunit-ik xzer
mebla m-a teniḍ-d awal
a-ṭṭ kreḍ kan γer lebni
naγ a-ṭṭ sruḥeḍ af tikelt
id ḥelaḍ s-i miya tikal
mebla m-a tberneḍ af.us
naγ m-a terniḍ-d anahi

[Yidir]

t-ṭṭeqes am tzizwit
xas m-a tesεa dwa ḥelu
tecba tara tanaṣlit
teṭṭazal ur-t keffu
udem-is ireq neṭṭwali-t
yeḥma am yiṭij deg nebdu

tideṭṭ muḥal a-ṭṭeγli
m-a neqen-iṭṭ ad seγreṣ
m-a nmeḍl-iṭṭ a-d ṭṭemγi
d-i tefsut lewhi n meγwres
d-i lqaε lbir ad inni
isem-iw yiwen ur t-i ṭṭekes

yiwbas a ṭṭeğğuğeg am lxux
ar d-aγ-d fk tizegwaγin
a ṭṭihuz w-aḍu s zux
a ṭṭernu sser i tebḥirin
ad yečč amur-is wefrux
ad yaf dwa-s umuḍin

[Yidir]

Kreγ xemleγ iγalen
ṭfeγ abrid-iw ruḥeγ
s-anda aken bweḍen meden
ula d nek ar din-a bwḍeγ
nwiγ ayen akeen xedmen
ula d nekini at xedemaγ
d ayen yesefraḥen ul-awen
ad iyi sehlu ntareγ

nek nwiγ kulci yeshel
aken llan at nεandaγ
tiṭ-iw fel-asen ur teγfel
ansi kkan at t-en ḍefreγ
af.us nsen s-anda yeẓẓel
ula d nek ar din-a mγeγ
ziγ d ẓegḍuf d inijel
m-i greγ af.us ṭṭwaqseγ

ziγ am-in yeṭsen yurga
yeṭef abrid-is yehmel
yenwa i suked akw timura
yak, yiwet mačči tezgel
m-id yendekwyal s-i tnafa
yufa-d ziγ ur yenbwawel
a m-in yeṭsen yurga
yeqen axelxal, ziγ d ckal


aken i teḍra y-idi
nek γileγ cbiγ meden
am nitni am nekini
ulac iγ yesemxalfen
ziγ zman yeḍsa fel-i
ṭṭisigwer iyi-d ṣaḥen

[Icerfan]

Afedix

Ad yeḥlu ufedix-iw,
ad yeḥlu, wisen ?
a ţţismiḍ tiṛaγi-w,
a ţţismiḍ, ahat ?
a yifγen-t temlella a yadif,
tirγi d ufedix
timlella d aṛḍix
d ugereε deg yir awal,

a d-yezi γuri yiḍes,
a d-yezi, ţţarguγ,
ad yeffeγ lhem aqaru,
ad yeffeγ, ţţrağğuγ,
ad yefak felli, yiziḍ,
a wi ẓran…

tezin felli warẓaẓen,
zedγen-iyi werjujen,
d yiḍes yugwi a yisin,

ad yeker ubeḥri,
a d-yeker, ţţmenniγ…
a d-yalli yiṭij felli,
a d-yalli, sarmeγ…
ad walliγ tafat,
andalat wasen ?

andalat wasen ?
ma d-yaweḍ wisen ?
ad awḍeγ i sarameγ…

yekcem-d lxuf ullawen
ţţargum akw mara lmut,
anaγ ur ţţyesin yiwen
wi ẓran lqerḥ-is d-acu-t ?
wer neẓri ma d-asawen,
ma yella d-asawen
naγ degs akina d-ţţafsut,

winna iwumi d-fka dunit
teban seba lxuf-is,
lmeyet sbeḥ, tamedit ,
taεkwemt tezga γef yiri-s,
yeqaṛ : “ṣbeṛ d-lεalit” ,
ṣbeṛ d-lεalit,
amzun yegwad γef mkan-is,

am frux teṭef tcarkeţţ
deg imi naγ (de)g wafriwen,
yeqim-d tmaε di tfaweţţ
skud mazal iḍaren,
maεna amer yeţţwali tideţţ
ma yeţţwali tideţţ
ULLAC LMUT NIḌEN…



Transcription : Icerfan

Modif' le 12/11/10

[Icerfan]

Dgi temut lḥağğa


Dgi temut lḥağğa ur tban-ara
allen-iw swent aẓaṛ-is,
am tejṛa-nni yequṛen
dges mi swayen
ar asa ur d-xlif-ara,
a dunit aεyiγ berka
ul-iw mi m yekna
regmeγ-t, ur s ğğiγ-ara

am lkas-nni ṛeqmen
s zğağ mi tnejṛen
nwan ad idum kul as,
afus-nni t-irefden
d-win s iḍelqen
i dqiqa teγli suma-s,
ayen dgi yemuten
dayen bninen
ur γileγ ad yeṛeẓ yibwas

teskadebḍ-iyi a dunit
skadebγ iman-iw
qaṛeγ-as : « bedel yibwas »,
renuγ tament (γe)f lḥentit
lbena n temzi-w
teṛẓeg-nni teţţγam-as,
am (w)in yeṛwan di tisit
yeqaṛ : « rebḥ-iw ! »
mi d-yukwi, txseṛ niya-s…


Transcription : Da Muḥ
Modif's le 12/11/10

[Icerfan]

Ata γentaγi usenan


Ata γentaγi usenan
γenta ger γicer d weksum,
susmeγ d-nek ig rḥan
ţţruγ, nnan-as : « d-amcum »,
ṣbeṛ ur γekis lemhan
γesumγuṛ kan deg nezgum,

γefkaγi aṭan d-amesas
af γeẓṛ-iw teγli-d tagut,
a ṣebṛeγ mačči d-γiwen was
d-ul-iw ig ẓṛan d-acu-t,
ma nniγ-d a d-γlin-t tuγmas
ma susmeγ, ugwadeγ lmut,

d-aγṛib nig lkanun
weḥceγ amwanes ur γelli,
γella kra i γeţţraǧun
ḥulfaγ kan s kra a d-γilli
lexγal-is i γiţţεusun
γeṭafaṛ-iγi am tilli…


Transcription : Awal
Modif' le 12/11/10

[Icerfan]

Tilemẓit


Aken kan i d-ger tara
aran-d ẓeṛb i tmuγli,
mugren-ţţ-id s tmucuha
tid iw(u)mi ur tesin tikli,
a taqbaγlit,
ig ḍṛan,
nukwni nqeblit…

aken kan i d-ger tara
aran-d ẓerb i tmuγli,
mugren-ţţ-id s tmucuha
tid iw(u)mi ur tesin tikli,
zaznen-ţţ deg zal deg tirga
fuṛṣen tagwniţţ wer teẓṛi,
temẓi tamcumt d-niγa
nutni as d-bdun lemεani,

laεwaγed-nneγ d-lḥerma
am neg leqṛaṛ a γelli,
aṛẓent wallen-is di leḥγa
teţţizwiγ, γedkem γimi,
imi (i)s nnan : «ataγa,
ṣuq nefrat iḍelli,
nukwni nextaṛ d-cetla
d-adrum mechuren deg Tizi,
zehr-im mačči d-kra
necṛeḍ imawlan qeblen,
lwiz acḥal d siγa,
cac d-win γlaγen,
a-ţţ-duḍ as n tmeγṛa,
s-lbaṛuḍ d iḍeballen…»,

ma d-as-mi ţţeṭfenṭ tuγmas
n temγaṛt akw d-ilusan,
γelli-t-nneγ γeḥkem fellas
a-ţţ-du aken is d-nnan,
wa d-lqanun γef tullas
d-imezwura i t- id-γeǧan,

tura tewḥel s-derγa
meskint zelgen wusan-is,
uwtent fellas tlufa
γeţţwarez ulla d-argaz-is,
γebḍa ger w-ul d ţţasa
wis(en) laεqel ma (a)s γaf ixef-is ?




Transcription : Icerfan
Modif' le 12/11/10

[Icerfan]

Baba, sεu laεqel


Teγli temlilt (γe)r tmes
taswaεt teţţezi γisi,
aγetma ţţwallin dges
ẓṛan ig ḍṛan γidi,
γal wa γebγa a-ţţ-id-γekes
maεna γegwad ad γeγli…
γal wa γebγa a-ţţ-id-γekes
maεna γegwad ad γeγḍeṛ…

baba, sεu laεqel,
bezef ijeḥ ṛaγ-ik,
lεehd tefkiḍ ibedel,
nejmaε-d s-axxam-ik…

tura ad isineγ ṛaγ-iw
ad ẓṛeγ d-acu ig zmer,
ad uwteγ γer lεaq(e)l-iw
akw d wul d-acu ig fer,
wisen ma γelbeγ lxeṭṛ-iw
naγ d-asedhu d uqeṣeṛ ?

baba, sεu laεqel,
bezef ijeḥ ṛaγ-ik,
lεehd tefkiḍ ibedel,
nejmaε-d s-axxam-ik…

lweqt i gezzem am lmus
m(a) ur teṛẓiḍ-ara, ak γezlu,
ur ţţaǧa afud ad isus
naγ ahǧeǧu ak γernu,
γak menγif leǧreḥ ufus
wala widak uqeru…

baba, sεu laεqel,
bezef ijeḥ ṛaγ-ik,
lεehd tefkiḍ ibedel,
nejmaε-d s-axxam-ik…


Transcription : Icerfan
Modif' le 12/11/10

[Icerfan]

As maken i nemlal

As maken i nemlal
ul-iw γefrawes
γer γuṛem id γemal
γer γuṛem ig uγes
asa γetṭhebwal
atas im-d γekes
ur d-γegwri w awal
daγen i cud γiles

ruḥ nadi abrid
ar akem isufγen
wisen ma ţţafeḍ ljid
ar akem izeḍγen
ul-iw am γedid
daγen iquṛ daγen

limer tazwara
ṭhezbeḍ i tmedit
ṭhebṛeḍ kra
i diq d-ţţwaγit
imi tagara
tγuṛikm dunit
ţţuγi tura
fiḥel tindemit

leḥmala b-wul-iw
mi qaεden wusan
tiziri id bwin
agur d γetran
ifuk ak waεwin
ur d-γebwiḍ lawan
am tergiţţ γeγlin
ar targa waman


Transcription : Awal

[Icerfan]

A d-inniγ awal ilaq

Ayen d-izgan af ṛuḥ
mačči d-awal afesas
deg as mi lliγ d-amectuḥ
id ţţmaεin γer tisas
ma riγ-t ad gmun lejruḥ
ma γefeγ-d γeţţruẓ tuγmas

γibwas lmaγ-t am saru
sumtetlaγ-t-id deg cewiq
cewqeγ-t-id tasa-w tru
as-d slen w-id f i nettγiḍ
lhem γeqwlen d-asefru
ma ţţideţţ γiwen ur ţţ-ilḥiq

a d-inniγ awal ilaq
ulla d-ifrax as d-slen
idles a γatma i req
deg damen ad γeγli lḥeq
ad γeγli swab qesiḥen


Transcription : Idir

[Icerfan]

Nekwni s-iγennaten-agi


Nekwni s-iγennaten-agi,
nekwni s-ikerrucen,
ifas(e)n-nneγ d-ilmawen
ur llin ibeckiḍen…

iwumi ara necetki ?
anda-t webrid ar a naγ ?
tabburt teguma ad telli
ulla d-lmut tugwiγeγ,

win ur nelli d-bab nsen
i ţţusema ullac dges,
lḥeq-is ar d-as teksen
a d-γaf iman-is weḥdes,

nekwni s-iγennaten-agi,
nekwni s-ikerrucen,
ifas(e)n-nneγ d-ilmawen
ur llin ibeckiḍen…

anwi wigi ţţ-iḥekmen ?
d-atmaten-ik, wid i tekan,
aken i sen ihwa ad xedmen
d-Ṛebbi i sen d-ifkan,

neṣber, aṭas i neṣber
ma d-ţţura daγen nuγes,
a d-ninni amek nenṭeṛ,
s-wawal igezzem am lemqes,

nekwni s-iγennaten-agi,
nekwni s-ikerrucen,
ifas(e)n-nneγ d-ilmawen
ur llin ibeckiḍen…

ẓṛan acu (i)ten igunin
uqmen iǧadaṛmiγen,
ţţaken-asen tikaskiḍin
rennun-asen ibeckiḍen,

ma ḥuzan-k, atan a mmi,
ullac leslak akw γidsen,
a d-ak d-ǧen cwami
m(a) ur k-nγin-ara, a d-ak heţţken,

nekwni s-iγennaten-agi,
nekwni s-ikerrucen,
ifas(e)n-nneγ d-ilmawen
ur llin ibeckiḍen…

γerna a ţţ-id-arren akw fell-ak
ččah ! a γiwen ufuḥan,
ad twaliḍ γemat γemmak
d-keččini i ţţ-id-γebdan,

ma γella tkem(e)l akagi,
ma γella ugwin ad fehmen,
a wen ţţ-id-inniγ dagi,
ur nezmir-ara a neḍmen,

nekwni s-iγennaten-agi,
nekwni s-ikerrucen,
IFASEN ILLAN D-ILMAWEN,
AD REFDEN IBECKIḌEN !


Paroles : Muḥend u Γeḥγa -1978



Transcription : Icerfan

[Icerfan]

Berwagiya


D-ameḥbus, d-bu ikurdan
di Berwagiγa,
ččiγ aγṛum d-aberkan
di Berwagiγa,
tinna (a)ken (i) ǧiγ teţţru
mi εedan laεwam
ugadeγ ad iteţţu
ah γa din qesam !

D-ameḥbus, d-bu snasel
γerna ur xdimeγ,
di Berwagiγa ncekel
aken ad isinneγ,
refdeγ allen-iw s-igenni
γeγli-d felli ṭlam,
nniγ-as asa ad i γawi
ah γa din qesam !

D-ameḥbus dagi γewεeṛ
di Berwagiγa,
am tejra i neţţγeṛ
di Berwagiγa,
zik-nni mi nesfilit
ad xedmeγ lewqam,
ziγen zehr-iw dirit
ah γa din qesam !

D-ameḥbus, anda-ţţ tura ?
akin i wedrar,
akina, teṛnuḍ kra
γezad naγ γugwer,
mi ruḥeγ a d-ziγ γuṛes
a d-rzuγ γuṛem,
γezga aγi d-γas γiḍes,
ah γa din qesam !

Ẓṛiγ d-acu γegunin
dagi ar a mteγ,
imeṭawen dgi ur llin
asen ma d-fγeγ,
a d-asen ad iγ-awin,
ad bedleγ axxam,
a d-ṣuγeγ daw tmedlin
AH YA DIN QESAM !!

Paroles : Muḥγa


Transcription : Icerfan

[Icerfan]

Ǧǧtaγ a nvwayaji


Mḥend deg dis i ţţ-γerra
γeserwat, γerna :
« Tout va bien et Dieu merci »
γeţţepointi deg la Sona’,
ṭumubil tella,
adrim sγur Lanjiri,
tura bnan-as lḥaṛa,
ltrèzγèm mois,
en plus l’congé payé,
ijebed aγumu di cetwa,
anebdu γeḥma,
ixedm saεd a nwali,

ma d-ţţura a γat Ṛebbi,
i lmed-d kra imeslaγen,
socializm dimokrasi,
tewra reǧεi,
γuγ amkan ger γenselmen,
i ket ṭebl i lγaci,
ceṭeḥn-as ţţirni,
neţţa refdent d-asawen,
γesufuγ-d deg laεfasi,
arrent d-Sidi,
ad γeţţṛaγi fellasen,

m(i) ara a d-iγeṛ lxuḍba,
lexṛif di cetwa,
taγediwt s-leǧdari,
γurnneγ argaz di Seḥṛa,
γesufeγ Fransa,
lḥemdulah γa Ṛebbi !
tamurt ţţineslemt tura,
tersed reḥma,
ad tbedel Lzaγer ţţirni,
xedmet kan fekteγ lehna
a begsent γer lḥerma
eǧtaγ a nvwayaji !




Transcription : Icerfan

[Icerfan]

Anwa i d-abrid

ur zriγ ansi (i) d-kiγ
anta tama deg i d-hemleγ,
wisen ma seg genni i d-γliγ ?
naγ si tmurt i deg i d-fγeγ ?
ur γelli waγen iwumi cfiγ
lmux (γ)er daxxel γeffṛeγ,
a ţţaεṛaḍeγ a d-mektiγ
kulec imxxerweḍ deg walleγ,

anwa i d-abrid, a γabrid ?
m(e)l-iγi ansi ar ak bduγ,
aqli am wi(n) ţţwarzen s-lqid
ur ẓṛiγ s-anda tedduγ…

uγaleγ qimeγ tḥireγ,
ruḥeγ almi d-uwefaγeγ,
i γiman-iw qaṛeγ :
« d-acu ik i d-γebwin γer da ? »
i γi-d-γeǧa wul wehmeγ
ulla d-neţţa ur γeẓṛ(i)-ara,
ziγen d-isin i neţţweγ
am nekini, am neţţa,

anwa i d-abrid, a γabrid ?
m(e)l-iγi ansi ar ak bduγ,
aqli am wi(n) ţţwarzen s-lqid
ur ẓṛiγ s-anda tedduγ…

γuγal d-isin neţţnadi
amer a d-nemekti kra,
ma γella d-nekini
ig ţţun, naγ d-neţţa,
iruḥ γiṭij, daγen γeγli
nukwni mazaleγ dinna,
γebwḍed γiḍ i kebwl-iyi
aken ur d-ukwiγ si tnafa,

anwa i d-abrid, a γabrid ?
m(e)l-iγi ansi ar ak bduγ,
aqli am wi(n) ţţwarzen s-lqid
ur ẓṛiγ s-anda teduγ…




Transcription : Icerfan

[Icerfan]

Ur d-smektay agujil
af imeṭawen,
anda yesers aḍar-is
ntan-d isenanen,
werǧin yeẓṛa akwesar
naγ kra luḍa,
anda yeger aqudim
yufa d-asawen,
ala win yewten d-w(in) i ţţewten
ig ẓṛan tiyita qesḥen

imi g nuda af yeḥbiben
anida ţţγiman,
i ḥus γeks-as merra lweḥc
imi s d-sawlen,
yenwa awal ẓiḍen
lxir as temlen,
s tezmert, s lfeṛḥ deg ul-is
i guzel γuṛsen,
ala win yewten d-w(in) i ţţewten
ig ẓṛan tiyita qesḥen

m-ig caweṛ widak ig sen
ur yenwa a t-kelxen,
ur tufiḍ d-acu ig fhem
kra is d-ţţmeslaγen,
nann-as : " lecγal xeṛben
mačči kan yiwen "
i ḥus ifaden kawen
wid yesen rewlen
ala win yewten d-w(in) i ţţewten
ig ẓṛan tiyita qesḥen

m-ig seqsa win d-yemuger
af aγen yeţţwali,
amer s-kra a t-id yejber
yugwad lfani,
ziγ win yuffa, a t-ideger
yezga wer yukwi,
ur d-yeqim wanẓaḍ n ṣbeṛ
asirem yezwi,
ala win yewten d-w(in) i ţţewten
ig ẓṛan tiyita qesḥen


Transcription : Da Muḥ

[Icerfan]

Am uferṭeṭu

Am uferṭeṭu
i ţţruseγ ţţafgeγ
wa d-ṛay inu
amek ar as geγ ?

a-ţţ-εeliγ igran
rniγ tibḥirin,
gemreγ ṛeman
rseγ f lyasmin,
tikli-w deg genwan
zedγeγ tiγaltin,
am uferṭeṭu
i ţţruseγ ţţafgeγ
wa d-ṛay inu
amek ar as geγ ?

ddiγ i tziri
ččiγ d-ṣlaṭen,
kiγ-d sḥari
lḥiγ d-cwaṭen,
asa berkaγi
ţţewser d-yeṣawḍen,
am uferṭeṭu
i ţţruseγ ţţafgeγ
wa d-ṛay inu
amek ar as geγ ?

muqleγ ur wallaγ
lhem id yezin,
γal as ţţgallaγ
ţţuγel-γ alma d-din,
ma γeεṣa wallaγ
alma d-ţţimedlin,
am uferṭeṭu
i ţţruseγ ţţafgeγ
wa d-ṛay inu
amek ar as geγ ?

Transcription : Da Muḥ

[Icerfan]

Kreγ xemel-γ iγallen

Kreγ xemel-γ iγallen
ṭef-γ abrid-iw ṛuḥeγ,
s-andaken bwḍen medden
ulla d-nek ar din bwḍeγ,
nwiγ ayen aken xedmen
ulla d-nekini a t-xedmeγ,
ayen i sefṛaḥen ullawen
ad i yiseḥlu nṭeṛeγ,

nek nwiγ kulci γeshel
aken llan a ten εendeγ,
tiṭ-iw fellasen ur teγfel
ansi kan a ten ḍefṛeγ,
afus nsen s-anda γeẓel
ulla d-nek ar din mγeγ,
ziγ d-azegḍuf d inijel
mi ger-γ afus ţţwaqseγ,

ziγ am win yeṭṣen yurga
yeṭef abrid-is γehmel,
yenwa yesuked akw timura
yak yiwet mačči tezgel,
m-id yendekwal si tnafa
yufa-d ziγen ur yembawel,
am winna yeṭṣen yurga
yeqen axelxal ziγ d-ckel,

aken i teḍṛa yidi
nek γileγ cbiγ medden,
am nutni am nekini
ullac iγ yesemxalfen,
ziγ zman yeḍṣa felli
ţţisigwar i d-iṣaḥen…


Transcription : Da Muḥ

[Icerfan]

Lawan agi dgi nella
d-amecweṛ am as, am yiḍ,
yal taluft ttarew miya
yerna cudent ar tiyiḍ,
win yesmermiden iman-is
alma yemut yeţţazal,
yeţţazal ad yeṭef ixef-is
ur t-iţţaf, ur t-iţţemlal,
qaṛen imezwura :
« yiwen ufus ur yeţţṣefiq »
neqaṛ-it-id ar asa
yal ma d-negwri di diq…

ma neseγzef tamuγli
aken a nγeṛ wid iγ yeǧan,
a naf tamusni tuli
d-luluf dayen kan,
seg was mi zḍan tadukli
Rus akw d Marikan,
ṭfen abrid n tlelli
culan lebḥuṛ d igenwan,
qaṛen imezwura :
« yiwen ufus ur yeţţṣefiq »
neqaṛ-it-id ar asa
yal ma d-negwri di diq…

amer mačči ţţadukli
ur d-ţţlalen yemdanen,
a nemyerwal am ulli
ur d-ţţilin yegduden,
d-neţţat i ţţazwert i usali
iγweṛban fellas rsen,
am yiṭij m-ar a d-yalli
ig sefṛeḥ ullawen,
qaṛen imezwura :
« yiwen ufus ur yeţţṣefiq »
neqaṛ-it-id ar asa
yal ma d-negwri di diq…

taluft-agi n tdukli
teḍṛa ula ger watmaten,
ma yella ṣuwben tikli
s-yiwen ṛay a-ţţ-id-refden,
ma ullac felasen a d-zi
ad bḍun am ibawen,
win d-yusan a ten i seγli
a sen ikes ulla d-afriwen,

ayen n din nesεa-t d-irgazen
acḥal ţţamurt i ten yebwin,
ma d wid garaneγ qimen
i ten yeččan ţţiṛṣaṣin...


Paroles : Muḥya à Djaout


Transcription : Da Muḥ

[Icerfan]

Lγeṛba

Lγeṛba ur (te)n teqbil-ara
mačči d-yiwen ig ḥlelin,
γer defir ur muqeln-ara
awid kan tibura a d-llint,
i ten i sawḍen d-ţţamara
d-wayen ur zmiren ad wallin,
wisen ahat asa lγeṛba
d-ţţin ar a ten i mneεn i tmedlin ?

wid i nudan tarewla
deg-sen ur neţţlumu-ara,
i ten i sawḍen d-ţţamara
ţţwagezren si yal tama,
γas ma yella taddart texla
tameṭut tqubel derya,
teṣbeṛ i lhem d lmeḥna
tagut a-ţţ-ifrir am asa...

ma yella teţţawid trewla
uḥric (an)wa (a)r a t-yezwiren ?
γas ma zik (de)g wawal yella
bab-is d-ţţin ar a t-ismenεen,
amer ur s-nḥedṛ-ara
i wayen aγ i bdeln udem,
tamurt deg ul i tella
m(a) ur ten tenγiḍ, ar k nγen…


Transcription : Icerfan